SKERDI DRENOVA: Do “LINDË” bursa energjitike, si do e menaxhojmë krizën e dritave!

OST sh.a. ose ndryshe Operatori i Sistemit të Transmetimit të energjisë elektrike në Shqipëri është një shoqëri publike me 100% të aksioneve shtetërore, e cila kryen funksionet e Operatorit të Rrjetit të Transmetimit, Operatorit të Sistemit të Dispeçimit dhe Operatorit të tregut. Më konkretisht puna e OST është të sigurojë furnzimin me energji për konsumatoët dhe të plotësojë kërkesën si për import ashtu edhe për eksport në bazë të kërkesës që vjen nga konsumatorët në konsumin e energjisë elektrike. 2022 është një vit me sfida, ku kriza energjetike ka hapur skenarë të rinj dhe me shumë të panjohura për Rrjetin Europian të OST-ve.

Çdo javë ne bëjmë parashikimet tona, japim ngarkesën e sistemit, rezervat e mundshme që sistemi të mos ketë më surpriza. Çdo të thotë kjo? Gjithë sistemi i OST-ve është i lidhur, mbajnë njëri-tjetrin dhe çdo dëmtim i njërit mund të shkaktojë efekt kaskadë në sistemin e OST-ve të tjera. Do të thotë që të gjithë së bashku raportojmë dhe bashkëpunojmë për të evituar këto rreziqe.