Lufta me Bulevardin

Lëvizja që nisi të dielën e fundit të Majit i zuri të gjithë në befasi. Qeveria ka ndjerë efektet e tërmetit të protestës dhe po përpiqet të mbijetojë. Por Opozita ka marrë goditje fatale dhe do ta ketë shumë të vështirë tanimë të gjejë formën e mënyrën se si do të paraqitet nesër para qytetarëve. Marshimi i të rinjve e të rejave në Bulevard ka lënë në hije jo vetëm PD po dhe formacionet e tjera të vogla që luftojnë me Edi Ramën. Si u përmbys e gjithë skena politike 35 vjeçare në 50 ditë dhe çfarë pritet të ndodhë në vijim. Një raport i plotë nga revista Neësbomb. 

Të shtunën e 30 majit askush në Shqipëri nuk e mendonte se një incident në një protestë ambjentalistësh dhe banorësh në Zvërnec të Vlorës do të sillte një lëkundje të atyre përmasave në shoqëri dhe në politikë, që nuk ishte parë për vite e dekada. Të nesërmen, të dielën në orën 6 pasdite, këtë e kuptuan të gjithë.