Si u vra në pritë Gjenerali italian që i la Shqipërisë 12 fshatra dropullitë

Gjenerali italian Enriko Telini dhe 5 persona të tjerë që ishin në makinë me të u vranë në një pritë brenda territorit grek në 27 gusht 1923. Telini ishte vendosur në krye të komisionit të ndarjes së kufirit nga konferenca e Ambasadorëve dhe në kohën kur ndodhi ngjarja, ishte duke përcaktuar kufijtë. Shumë akuza pati për vrasjen, nëse u krye nga shqiptarët apo grekët. Hetimet që zgjatën për disa vite, treguan se ishin shqiptarë të paguar nga grekët por asnjë gjë zyrtare. Veç detajeve të shumta interesante, ka një fakt historik: nëse sot brenda kufirit shqiptar ka 12 fshatra dropullite, ato mbetën këtej kufirit me firmën e gjeneral Telinit, në kohën kur kryente këtë proces.

Nëse ka një gjeneral që duhet të vlerësohet maksimalisht nga Shqipëria dhe shqiptarët, për ç’ka ka bërë për këtë vend, duke dhënë edhe jetën, ai është gjenerali italian Enriko Telini. Sot, pakkush flet për veprën e këtij “arkitekti” të kufirit shqiptar që u vendos të ndahej pas konferencës së ambasadorëve në Paris në 8 nëntor 1921.