EKSKLUZIVE/ Spiunët e televizionit

Në Radio Televizionin Shqiptar, si objekt i rëndësisë së veçantë rrjeti i sigurimit të shtetit kishte plot 47 bashkëpunëtorë dhe 30 punëtorë operativë. Dosja e Sigurimit për RTSH është hapur më 01.12. 1969 dhe është mbyllur në datë 22.03.1991, ndërsa deklasifikimi i saj është me vendim nr.6 të datës 02.04.2021. Sigurimi i shtetit përbëhej nga bashkëpunëtorë, në kategorinë rezidentë, agjentë, informatorë dhe strehues. Çdo agjent dhe informator kishte dy dosje personale ku shënoheshin gjeneralitetet, plani i rekrutimit, biografia, pseudonimi, deklarata… si dhe dosjen e punës ku vendoseshin të gjitha raportet informative që krijoheshin nga bashkëpunëtori dhe ky vetëm me pseudonim. Rezidentët rrallë kishin dosje vetëm kur sillnin raporte ndërsa strehuesit nuk kishin të tillë. Sot ne do të sjellim pseudonimet dhe vendet ku punonin bashkëpunëtorët e Sigurimit, listën e personave që ata përgjonin si dhe skemën e funksionimit të Sigurimit të Shtetit në Radio Televizionin Shqiptar, ku veç të tjerash bëhet në mënyrë të  detajuar një analizë e këtij institucioni në vitin 1978.

SKEMA E SIGURIMIT NË VITIN 1978