“Pengmarrjet” shqiptare të avionëve ndërkombëtarë

Ndërkombëtarët kishin kuriozitet për atë që ndodhte në Shqipëri. E ndërsa misionet faktmbledhëse në vendin komunist dështonin, ka pasur raste kur forcat ajrore shqiptare kanë detyruar të ulen në aeroportet shqiptare avionë amerikanë, britanikë e jugosllavë. Çfarë ndodhte me ekuipazhin e avionëve dhe cilat kanë qenë përpjekjet ndërkombëtare për të liruar “të burgosurit”. Intervista në median e kohës nga piloti britanik që u detyrua të ulej në Shqipëri

Shqipëria komuniste gjithmonë i ka intriguar fuqitë ndërkombëtare. Çfarë ndodhte në tokën shqiptare? Nga historia ka shumë ngjarje dhe fakte të dokumentuara sesi grupe agjenturore futeshin në vendin tonë. Në imazhet e shqiptarëve nga kinematografia e kohës na vijnë filma të shumtë me agjentë e spiuna dhe me një punë profesionale të kundërspiunazhit shqiptar. Gjithmonë, sipas asaj që i është servirur popullit shqiptar, diversantët ishin të humbur, e forcat e Partisë së Punës dilnin fituese.