“TË PUSHTUAR” NGA NJË KAMPION FUTBOLLI DHE ITALIANËT

Cilët ishin të ftuarit e këtij panairi libri dhe si u sollën ata me lexuesin shqiptar? Si i pritëm e çfarë na prezantuan ata? LILIAN THURAM Kush nuk e njeh Lilian Thuramin, futbollistin e shquar francez, lindur në Guadeloupe në vitin 1972? Me një karrierë prestigjioze si futbollist ndërkombëtar, me ekipin francez ai ishte kampion bote në vitin 1998 dhe kampion evropian në vitin 2000. Në Panairin e 26-të të Librit në Tiranë, Thuram prezantoi librin "Mendimi i bardhë", në stendën e Papirus, që është njëkohësisht edhe botuesi i profesor Artan Fugës apo Fatos Baxhakut, po aq sa edhe nobelistes Olga Tokarshuk. Por, Lilian Thuran këtë vit ishte lajm i parë jo vetëm për stendën e tyre, por për gjithë panairin. Thuram është autor i disa veprave të cilat trajtojnë tema të diskriminimit dhe ka marrë disa çmime të rëndesishme për këtë veprimtari. Në vitin 2014, mori një doktoratë nderi për shkencat humanitare nga universitetet e Stokholmit në Suedi dhe Stirling në Skoci. Në Shqipëri erdhi si një shkrimtar dhe jo pak nga ata që kishin në dorë agjendën e tij të vizitave u lajmërua që ai nuk do të fliste si futbollist, por vetëm si shkrimtar. E pamundur në Shqipëri, ku të gjithë duam të dimë gjithçka edhe për librin edhe për futbollin, sidomos në një kohë kur lajmet për Kombëtaren tonë na bëjnë kaq shumë krenarë. Lilian Thuram iu përgjigj të gjitha pyetjeve ndonëse në axhendën e tij ishte përcaktuar ndryshe. Ai ndaloi për çdo vizitor të panairit që kërkonte një foto me të, ai nënshkroi mijëra libra, ai bisedoi dhe foli me të gjithë dashamirësit e tij, duka na rrëmbyer vëmendjen e të gjithëve, madje edhe të Amabsadës Franceze që ishte kujdesur që në protokoll futbollisti të ishte shkrimtar. Në fakt, kompioni, në Tiranë, u tregua kampion. Na “pushtuan” italianët Nëse për shumë vite Shqipëria vetëm përkthente libra nga italianët, i shihnim në panairet e librave si të ftuar specialë ata që vinin deri këtu për të takuar lexuesin e vet, këtë vit në panairin e librit kanë mbërritur edhe përkthyes që e kanë çuar shkrimtarin shqiptar në gjuhën italiane. Nuk janë të paktë shkrimtarët shqiptarë sot që janë përkthyer në italisht. Dhe ne nuk jemi më vendi ku mungojnë botimet e huaja, që n ga diktatura linin një boshllëk të madh. Tashmë janë autorët shqiptarë që po përkthehen në gjuhë të tjera. Ndaj edhe mes të ftuarve të këtij panairi ishin edhe : ILIDE CARMIGNANI Është një nga përkthyeset më të shquara italiane, e njohur veçanërisht si "zëri" i Luis Sepúlvedas, Roberto Bolaños, Jorge Luis Borgesit, Julio Cortázarit etj. Ajo punon me disa nga shtëpitë botuese më prestigjioze italiane. E vlerësuar me Çmimin e Përkthimit Letrar të Istituto Cervantes, Carmignani i është përkushtuar edhe ndergjegjesimit për të njohur vlerën e paçmueshme të punës së përkthyesve përmes seminareve, konferencave dhe shkrimeve. Eshtë konsulente editoriale e Sallonit të librit në Torino dhe organizatore e kuvendit "Dall'italiano al mondo". Njihet gjithashtu edhe për ripërkthimin e veprës kryesore të Markezit, "100 vjet vetmi". Vizita e Carmignanit ishte një nga lajmet e bukura sidomos për studiuesit dhe për përkthyesit. VIOLA ARDONE Shkrimtare italiane. Debutimi i saj si autore u bë në vitin 2012 me romanin "La ricetta del cuore in subbuglio", për Adriano Salani Editore, e ndjekur në 2016 nga "Një revolucion sentimental". Në vitin 2019 botoi romanet “Treni i fëmijëve”, i përkthyer edhe në shqip nga shtëpia botuese “Dituria”. Ardone foli për librin edhe si një rast editorial në Panairin e Frankfurtit të atij viti dhe i përkthyer në mbi tridhjetë gjuhë, i cili do të jetë së shpejti edhe në Netflix. Viola Ardone bashkëpunon me gazeta të ndyshme prestigjioze Corriere del Mezzogiorno, la Repubblica, La Stampa, L'Espresso. Dhe një sy prezantues me autorët shqiptarë e hodhi edhe përgjatë këtij panairi. ALESSIO PULEO Shkrimtar italian që jeton dhe punon në Cinisi. Ai shëtit mes aktirimit, shkrimit, teatrit, kinemasë. Në Panairin e Tiranës, vjen si autor. Në vitin 2007, botoi me Navarra Editore librin e parë “La mamma dei carabinieri”. Libri pati edhe një botim të dytë me parathënie nga Rita Borsellino dhe një të tretë me shtëpinë botuese Longanesi, që vendosi t’i japë ekskluzivitetin e romanit jo vetëm librarive siciliane, por të gjithë territorit kombëtar. Në shtator 2012, Puleo botoi librin e ri, “Zemra ime të përket”, botuar nga De Agostini. Ky roman wshtw pwrkthyer dhe botuar edhe nw shqip dhe gjendet te TOENA. Për këtë roman Alessio ka si dhuratë parathënien nga një personazh i shquar, Federico Moccia, një shkrimtar i madh i ditëve tona, si dhe pasthënien mjaft të bukur nga A.I.D.O. ANNA LATTANZI Ana është një gazetare , kritike letrare e përgjegjëse e zyrës së shtypit të Shtëpisë botuese Besa, gjithashtu edhe një njohëse e letërsisë shqiptare. Ajo promovon dhe bën të mundur sa herë që sutori shqiptarë të lexohet përtej kufijve, e sidomos në italisht. Jo pak raste Lattanzi shihet si një influencer në botën e librit, ku përmes rrjeteve të saj të transmetimit të lajmeve të reja nga bota e libri i bën jehonë edhe shkrimtarëve shqiptarë.

“TË PUSHTUAR” NGA NJË KAMPION FUTBOLLI DHE ITALIANËT

Nga Luela Myftari

Artikuj të ngjashëm Artikuj

Silvana Braçe ekonomistja që pushtoi Skenën e Festivaleve

SPECTAPOLIS/ Një stadium për koncerte

RITA PETRO, shkrimtarja që e beson ZOTIN si një POETE

Vikena Kamenica: Pasionin nuk e vret asgjë, vetëm dorëzimi!

EMA ANDREA në një rrëfim për gruan: Është viktimë e vetes!

HELIDON HALITI/ Piktori i pushtuar nga ngjyrat dhe Liria

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Inva Mula: Unë sopranoja e parë shqiptare në skenat evropiane

Bjeshkët që marrosën turistët: Nga më e bukura Zoj, tek Xhubleta

102 kontejnerët me ngarkesën e errët të maskuar nën hijen e portit

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

PORTO PALERMO, Ferri i të internuarve në Kalanë e bukur të Vasiliqisë

51 ministrat që Edi Rama u bëri NDERIN E JETËS

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

“TË PUSHTUAR” NGA NJË KAMPION FUTBOLLI DHE ITALIANËT

Nga Luela Myftari

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?