DASHURITË E MIMOZËS APO MOZË DASHURIA?

Ndërsa një brez janë rritur me Mimoza llasticën, një brez tjetër sot po rritet me një Mimozë tjetër. Ajo është bërë virale. Është Mimoza Ahmeti në një reality show, në Ferma Vip. Një VIP me plotë kuptimin e fjalës, nga ato që thuajse të gjithë e kishin lënë në harresë, njëlloj siç kishin bërë me veprat e saj. “Ajo e kish kuptuar se droga më e tmerrshme për njeriun qe fjala, përdorimi i gjuhws si mjet manipulimi. Fjala qe arma më e fuqishme që pat zbuluar njeriu. Në mendjen e saj ajo kish disa pulsime të cilat nuk guxonte t'i kthente në fjalë, sepse forca e tyre ndërtuese ende nuk qe asnjanësuar nga ajo e shkatërrimit. Ende nuk ishte gati për të folur. Priste sa idetë të asnjanësoheshin. Dukej si lojë por qe aq e rrezikshme... Qyteti qe mbushur me njerëz, me mjete dhe pa ide, qytetërim do të thosh pikërisht kjo gjë: njerëz plot mjete, jashtë ideve”. Ky është një fragment nga libri “Gruaja haluçinante”. Autore ka Mimoza Ahmetin. Romani i botuar në vitin 2006 ndoshta nuk bëhet aq trend sa Moza, por e vërteta është që po t’ju them që në këtë shkrim do të keni edhe poezinë e plotë të Moza Ahmetit për Edi Ramën, me siguri diçka nga ajo do të doni të lexoni. Për një gazetare kulture si unë, mjaft ta nisni ta lexoni edhe kështu, siç po e dëgjoni, atë që sipas gjasave të një tregu mediatik që rendit titujt kryesorë, rendit si lajm kryesor edhe Mimoza Ahmetin një grua të pakompromis, kur bëhet fjalë për veten, sepse në fund të fundit, vetja është e vetmja gjë që kemi. E megjithkëtë, në këtë shkrim dua t’ju rrëfej dashuritë e Mozës, dashurinë për jetën, për të mirën, pastaj të bukurën, njerëzoren dhe atë gruan që deri para pak vitesh e quanin gruaja hulçanante, njëlloj si të ishte tituli i një romani. Dashuria kohët e fundit, por jo e fundit Imagjinoni një njeri që kujdeset për dikë që është në jetë, por në prag të ikjes, në vujatjen e një trupi që me paralizën e vet, paralizon edhe ndjesitë e tjetrit, përballë. Mimoza Ahmeti po e bën këtë dhe po e bën për një djalë shumë më të ri nga vetja, që një ditë i shkroi se e adhuron shpirtin e saj, poezinë e saj dhe se destini, fati ka vendosur që t’i takojë… Ku e dinte ky 37-vjeçar se Mimoza Ahmeti do ta çmonte atë në vetminë dhe kanosjen e Covid-19, ndërsa ai do të sëmurej keqazi, aq sa nuk do ta çmonte dot Mozën kur ajo dhe vetëm ajo do të ishte aty për atë? Bamirësi për politika të caktuara, por jo Moza Kjo është historia e Mimoza Ahmetit dhe një djali më të ri se ajo, Enoni. Ajo nuk ia ka thënë emrin në daljet e veta, as në rrëfimin e saj në FERMA VIP. Por, emri është vetëm pak nga enigma e një historie që tanimë nuk është e panjohur. Të gjithë e dinë se ajo do të fitojë diçka më shumë për mikun e saj të raskapitur nga sëmundja, ndërsa vetë po përpiqet të shkëputet disi nga e përditshmja e mundimshme që ofron panorama e tragjikes së një njeriu që mbijeton me atë që mbijeton. Ja çfarë thonte Moza disa vite më parë kur të gjithë në media ishin të interesuar të pyesnin për një histori rozë, apo një skup, por ajo rrëfente një tjetër dimension të dashurisë. “Është shumë e vështirë dhe jam tërësisht vetëm në këtë mbijetim, i kam siguruar diku një vend, vete, por jashtëzakonisht e vështirë, sepse është goxha pa qejf dhe nuk ndihmon njeri. Ai nuk është në gjendje ta kuptojë përjetimin tim, e para sepse është i ri, e dyta sepse sëmundja e ka dërrmuar në ekstrem. Por të mbash në duart e tua shpirtin e një njeriu që del disa herë për të vdekur dhe t’ja kthesh prapë, është një lidhje anormale. Unë nuk e di se si do t’i gjej rrugët për të dalë nga kjo situatë në mënyrë që ai të ndihmohet dhe çdo gjë të ketë sens, sepse është shumë e vështirë. Thonë është i sëmurë le të iki, por ai duhet të iki ashtu siç do të iki ai, dhe për këtë është shumë e vështirë. Duhet të kesh shpirt t’i shtosh halle të tilla vetes. Unë jam përpjekur shumë që t’i gjej një pension se ai s’duhet të bëjë zgjedhje se është i sëmurë, por s’po gjej asnjë rrugë dhe mundësi. Një herë i kam shkruar një zonje në qytetin e tij, nënë me pasuri të jashtëzakonshme, një nga të pasurat në botë, por asnjë zgjidhje. Fola me një shoqe që erdhi nga Zvicra dhe i thashë si është e mundur që për këtë kategori…Dëgjo Moza më tha, edhe ata që bëjnë bamirësi i bëjnë me politika të caktuara për të përfituar diçka, jo se doli një i sëmurë dhe hajde ta ndihmojmë. Bëj disa punë, punoj në universitet, një projekt televiziv që shpresoj të vazhdojë, ndonjëherë i them vetes lëre këtë mos të të kapi trurin, por ka plot momente që bëj një shkëputje. Një herë më tha që çdo gjë është qendër për ty, përveç meje, por ai është i sëmurë, nuk di çfarë thotë dhe nuk më trajton në atë standard që do doja, por unë e di që këtë e ka nga sëmundja dhe unë e kuptoj. Do të doja që të dali sa më i pacënuar në një hapësirë ndihmuese”. Një histori dashurie përtej kontureve klasike Kushdo që e dëgjon këtë histori, qoftë edhe pa emra, me siguri do ta konsideronte një dashuri përtej kontureve klasike, një dashuri që e ndjen se të dobëson ngadalë, por të cilën nuk e lë dot në rrugë, sepse përtej të gjithave je njeri, shpirt, human. Mimoza Ahmeti që para se të hynte në Ferma Vip e ka rrëfeyer këtë histori në vija të përgjithshme. Sot njerëzit, fillojnë të kuptojnë vështirësinë, të akuzuarit padrejtësisht për mungesë vëmendjeje, kur vetë ajo e harron ndonjëherë veten në harresë. E megjithëkëtë, besoj se përtej kësaj e vetmja gjë që vetë Mimoza Ahmeti nuk do të donte të përcillte në publik është fakti se ajo e vuan se s’ka, për shkak të tij. Jo Moza ka, edhe veshje, edhe dëshirë për të jetuar në luks, por mes njerëzores dhe falsitetit ajo ka mësuar të jetë gjithnjë me atë që i do shpirti të bëjë, jo me konvencionet që shoqëria mund t’i përcaktojë. Ajo e njëjta grua, që nuk është më e lirë në Francë se në Shqipëri, të vetmen gjë që besoj se s’do të donte, do të ishte mëshira. Sepse as Moza nuk ndjen mëshirë për Enonin. “ Duhet të kesh shpirt t’i shtosh halle të tilla vetes”, thotë ajo. Do të jetë kështu, njëlloj si shijon një fustan të bukur që prej vitesh nuk e vesh. Sepse mes fustanit dhe shpirtit, ajo po i rrëfen kësaj shoqërie, që ka shpirtin. Martesa e dytë e Mozës Pak kush e di që Mimoza Ahmeti njëherë e një kohë ka qenë kunata e Besa Myftiut. Martesa e saj e dytë është në një familje intelektualësh. Shkrimtari disident Mehmet Myftiu, babai i Enonit dhe Besa Myftiut e ka pasur bashkëshorten e djalit - Mimoza Ahmetin. Nga kjo histori dashurie e Mimoza Ahmetit me inxhinier Enonin, artistja solli në jetë një vajzë, Lukën, e cila sot është mjeke dhe jeton në Vankuver. Mirëpo, ndonëse Mimoza Ahmeti nuk e përmend shpesh këtë histori dashurie tanimë të lënë pas krahëve, ajo mbart mes krahëve shumë dashuri dhe krijimtari për atë kohë. Ka shumë rreshta të shkruara në atë periudhë, disa tablo të realizuara në atë kohë, ashtu sikurse edhe një pasuri të madhe si vajza që ka ardhur në jetë nga kjo histori e bukur, në një familje ku arti ishte një gjuhë e përditshmërisë. Vajza e parë Eir Plasari është vajza tjetër e Mimoza Ahmetit. Ajo dikur shkruante si e ëma, ndonëse jeton në Itali, Romë dhe ka studiuar për Drejtësi. Madje, Mimoza Ahmeti ka ruajtuar jo pak nga krijimtaria e së bijës, të cilën këto vitet e fundit e ka nxitur të botojë. Dhe kështu Eir Plasari nuk wshtw e panjohur në botën mediatike. E ftuar në ndisa takime në Qendrën Kombëtare të Librit dhe Leximit, jo sepse mamaja e saj punon aty, por edhe për shkak të krijimtarisë së saj po aq artistike, Eir Plasari filloi botimin e librit. Dhe nuk është i vetmi. S’ka sesi të jetë vepra e vetme. Ajo është bija e Mimoza Ahmetit dhe Aurel Plasarit, dikur drejtor i Bibliotekës Kombëtare, por përtej titujve që mund të marrë zyrtarisht intelektual gjatë karrierës së tij, Aurel Plasari është një ndër mendjet më të ndritura të këtij vendi, një intelektual, që, - një intelektual prej vërteti, do të heshtte ta dëgjonte. Dashuritë e përfolura të Mozës Një puthje në shoqërinë tonë, komentohet si dashuri. Aq më tepër, nëse zbulohet që kjo ka ndodhur dikur me të dhe me kryeministrin aktual, pavarësisht se ajo puthje ishte mes dy artistëve bohemë, të lirë në rrjedhën e muzave që i kaplonin. Ca ditë bashkëjetesë me një përkthyes në Francë, po ashtu mund të përkthehen si një histori tjetër dashurie. Por në aq sa unë kam mundur të lexoj mes rreshtave të Mimoza Ahmetit, ajo dashuron çdo ditë. E çdo ditë është e gatshme të gjejë një tjetër dashuri, për t’u kapur pas jetës, pas artit, pas së bukurës, pas vetes.

DASHURITË E MIMOZËS APO MOZË DASHURIA?

Luela Myftari

Artikuj të ngjashëm Artikuj

Lufta me Bulevardin

“ALBANIAN FILES”: 4 çështjet e debatueshme

Vajzat e humbura

Librazhdi, qyteti që nuk njihni, me bujtina dhe aventura që ju lënë pa mend

Mariglen Disha, njeriu pas vizionit të ri për Librazhdin!

PROTESTA E MEMEVE TË TALLESH NË ZGRIPIN E PAMUNDËSISË

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

PROTESTA E MEMEVE TË TALLESH NË ZGRIPIN E PAMUNDËSISË

Gjiri i Kakomesë, “Bukuroshja” e braktisur bëhet gati për TURIZËM

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Sabri Godo, veç “SKËNDERBEU”-t ju rrëfej betejat e mia me kalë

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

DASHURITË E MIMOZËS APO MOZË DASHURIA?

Luela Myftari

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?