SPECTAPOLIS/ Një stadium për koncerte

Qyteza e artit vendosur në Stadiumin Selman Strëmasi ka pritu në një stinë më vete muzikën dhe artistët ndërkombëtarë që sot gjejmë edhe në turret europiane. Nëse ka diçka që na ka bërë krenarë ne shqiptarëve ato janë sporti dhe arti. Kombëtarja dhe djemtë që këtë Europian veshën fanellën e Kombëtares Shqiptare luajnë me ekipe të njohur në botë, janë golashënues dhe kanë miliona tifozë në botë. Për suksesin e tyre na shndrisin sytë ne shqiptarëve. Po, aq sa edhe për shqiptarët që në tregun muzikor po shkëlqejnë. Ata duke përjetuar vendet e para në hit parades, e ne duke kënduar e kërcyer bashkë me ta. Në kryeqytetin shqiptar çfarë i bëri bashkë sportin dhe artin këtë vit është: SPECTAPOLIS TIRANA . Pagëzimi si Qytezë e Spektaklit Spectapolis Tirana u pagëzua kështu duke bashkuar latinishten dhe greqishten e vjetër për të ardhur në Tiranën e kohëve moderne plot risi, njëlloj si qyteza në stadiumin Selman Stërmasi. Fillimisht, në qershor për t’u ofruar të gjithëve momente gëzimi, emocionet e futbollit, e pastaj në korrik e gushti festivale e koncerte të këngëtarëve e interpretëve më të njohur si në Shqipëri po ashtu edhe ndërkombëtarisht. Vendi i takimit U vendos në Stadiumin Dinamo, ose ndryshe njohur zyrtarisht si Stadiumi “Selman Stërmasi”. Dhe dyert i hapi për Euro 2024, më 14 qershor si një qytezë e krijuar për t’na argëtuar si asnjëherë më parë. Sepse ku ka më bukur se sa të ndjekësh një ndeshje futbolli në një stadium të projektuar pikërisht me një Fan Zone dhe me të gjitha facilitetet për t’u argëtuar me miqtë e familjarët. Por, ky ishte vetëm fillimi një stine argëtimi që do të zgjasë deri në fund të gushtit. Art, sport e muzikë Ata që këto kohë kanë kaluar pranë Stadiumit “Selman Stërmasi” kanë parë së jashtmi si është shndërruar vendi. Por, kur hyni në qytezën e spektaklit do të kuptoni se grafitit, ngjyrat, muzika e sporti, janë aty bashkë për t’ju pritur. Jashtë stadiumi u vesh me STRING ART, që zakonisht e gjejmë në vendet europiane, e rrallë për kyeytetin tonë. Edison Abazi ishte artisti vizual që ndonëse jeton jashtë Shqipërisë u tundua ta sillte këtë medium edhe në vendin e tij. Kështu u vesh stadiumi me art. Festivalet dhe koncertet Spectapolis ishte për të gjithë. Sepse aty morën jetë festivale ku u angazhuan fëmijët përmes lojërave, të rinjtë përmes Young & Beauty Festival , dashamirësit e diskotekave dhe ritmeve të viteve ’90, ata që adhurojnë hip-hopin, por edhe ata që çmenden pas ritmeve latine apo muzikës rock. Sepse në Spectapolis festivalet rrëfyen të gjitha ritmet që shënjojnë argëtimin. Qershori i Shqiptarëve Ashtu sikurse iu dedikua Kombëtares shqiptare, qershori në skenë ngjiti shumë artistë shqiptarë. Nisi me një festival që për dy ditë përcolli muzikën qytetare Tiranase. E nisi kështu se gjithçka merrte jetë në Tiranë, në një stadium me histori të bukur që jo pak herë i ka pëshpëritur këto lirika të traditës këngët me pasionin dhe dashurinë që mbartin e përcjellin këngët e Tironës. Dhe të gjitha të intepretuara nga çunat dhe gocat e Tironës: Valbona Halili, Stivi Boka, Lorenc Hasrama, Altin Shira e Jesica Polo. Gjatë Europianit 2024 skena mirëpriti edhe Dren Abazin, mbretin e natës, tre musketierët: Aleksandër Gjoka, Elton Deda e Redon Makashi; këngëtarin Sardi Strugaj, atë që na bën të ëndërrojmë, Altin Gocin, Renis Gjokën e padiskutim edhe rikthimin e Vedat Ademaj. Çdo ditë me këngë që kanë lënë shenjë në kulturën shqiptare. Çdo ditë me emocionet e Kombëtares. Veshur kuq e zi, qershori ishte si një ëndërr e bukur. Korriku i ritmeve Rikthimi i Giusi Ferreri-t ishte pasdiskutim një lajm i bukur për kryeqytetin, por në fakt për të gjithë shqiptarët. Lajmet e ditëve të para të korrikut kishin vetëm dy emra në qarkullim, Ermonela Jaho që rikthehej në Teatrin e Operas dhe Baletit dhe Giusi Ferrerin në Spectapolis Të gjithë kishin nxituar në korrik të gjenin biletat që t’i ndiqnin të dyja artistet që performonin në Tiranë. Por, fundi i muajit solli në Spectapolis edhe dy këngëtarët grekë Ivi Adamou dhe Stavento. Ivi edhe si një yll ndërkombëtar, emri i së cilës sot lakohet kudo në botë, nga Lindja e largët e deri përtej oqeanit. Nga Italia udhëtonte edhe muzika regge, ku Alborosie bashkë me dy vajza konbinonin muzikën sa europiane, po aq edhe xhamjkane në Spectapolis. Me një ritëm pak më intim, me një koncert që të mbërthente me cover-a të jashtëzakonshëm ishte edhe ai i artisteve që udhëtonin nga Franca drejt Spectapoilis. Nouvelle Vague performuan për publikun jo vetëm këngë të repertorit të tyre, por edhe këngë të cilat i bënë të njohura për stilin unik. Duke e mbyllur korrikun me jo pak sfida për grupin argjentinas La Fanfaria del Capitan. Të njohur si grupi që ka bërë muzikën e serialit të njohur La Casa Del Papel, artistët mes shumë vështirësive në kolapsin e avionëve që ndaluan së udhëtuari një ditë, ia dolën të vinin në Spectapolis për të dhuruar spektakël. Gushti i zjarrtë Jo rastësisht, Spectapolis në 20 sekondat e para të prezantimit jehonte me hitin e Jason Derulo -s, sepse ylli ndërkombëtar mbërriti në Tiranë për të interpretuar hitet e njëpasnjëshme të këtyre viteve të fundit. Një nga më të pëlqyerit e kësaj dekade në muzikën ndërkombëtare, Jason Derulo erdhi në Tiranë me skenografinë e tij, me një ekip të tërë menaxhimi, me një trupë fantastike balerinësh, me një nga DJ më të njohut në botë, me gjithë sharmin e tij edhe kur interpreton një hit të vitetve të tij të para të karrierës. Koncerti i tij kishte energji ë që gjeje në çdo cep të botës. Tre ditë më parë të njëjtën skealetë interpretimi e kishte edhe në Gjermani. Në Spectapolis gushti ishte edhe i Kostandinos Argiros që ndonëse kishte mbërritur tre herë në Tiranë sërish është i kërkuar. Aq i kërkuar sa këtë herë në vendin tonë kishte dy ndalesa, një në kryeqytet e një në jug të vendit, për ata që nuk linin dot pushimet, por që nuk donin ta humbisnin një koncert si ai i Kostandinos Argjiros, që pas Shqipëri e priste Albert Royal Hall në Londër, njëlloj si Jason Derulon dhe të tjerë koncerte të planifikuara në gjithë Europën. Dhe ja ajo thirrja e dikurshme e të rinjve në fillim të viteve ’90, që e donin Shqipërinë si gjithë Europa dukej një projektim i realizuar me të tillë emra artistësh e me një krenari si Ermonela Jaho që rikthehej në Tiranë, këtë verë me MUZIKËN DHE SPORTIN SHQIPËRIA U BË SI E GJITHË EUROPA. Skena më e madhe në Europë ka ardhur në Tiranë Pista e kërcimit është një qytezë e tërë, një stadium që jehon nga muzika jazz te ajo rock, nga regge te ajo e hip hip – hop. Por, asnjë nga artistët ndërkombëtarë nuk do të vinte nëse Tirana nuk do t’i ofronte kushtet që ata kërkojnë kur në skaletat e tyre dhe në agjendat e një turi europian, Shqipëria të mos jetë si gjithë mikpritësit e tjerë. Artistët shpesh udhëtojnë më ndriçimin e tyre, me skenografinë e tyre. Këngëtarë që marrin instrumentistët apo banda që udhëtojnë të gjithë bashkë. Jason Derulo apo Giusy Ferreri, Gipsy King apo Kostandinos Argiros, të gjithë duan të sigurohen që zëri i tyre të dëgjohet mirë, në çdo cep të stadiumit, pak rëndësi ka nëse artisti interpreton në një cep apo në cepin tjetër të skenës. Ndaj skenat e ndërtuara në Stadiumin Selman Stërmasi kanë secila specifikat e veta. Një për muzikën që luhet me DJ, për artistët që vijnë të performojnë mes mbrëmjeve kur futbolli nuk është pjesë e stadiumit, por edhe interpretët muzika e të cilëve përcjell më intimitet. Ndërsa skena e dytë, është me e madhja që gjeni në Europë. 60 metra e gjatë dhe 24 metra e lartë është ideuar me standardet ndërkombëtare për të pritur artistë të këtyre përmasave, ndërsa e gjithë qyteza brenda stadiumit është projektuar t’ju presë edhe juve. 1200 metra katrorë të mbuluara për të mbrojtur në çdo rast artistët, këngëtarët, instrumentistët. E mbuluar më një çati skena e vendosur në stadiumin Selman Stërmasi sigurisht nuk është një krenari që i mbetet Shqipërisë. Është me qera, ashtu sikurse edhe një mësim i mirë për shqiptarët. Edhe teknikët që e instaluan mbërritën nga jashtë. Është një nga 50 më të mëdhatë në botë dhe një ndër 5 më të mëdhatë në Europë. Dhe këtë verë ishte në Tiranë. Bashkë me skenën, Tirana po rrëfente një histori që 7 vite më parë nuk dëgjohej të ishte një stinë e zakonshme e artit dhe kulturës. Me festivalet e Dua Lipës, Ermonela Jahos dhe ato të Spectapolis, Tirana shkroi histori të bukura që me siguri do të ftojnë të tjera ritme, të tjerë artistë, të tjerë muzikantë, por edhe të tjerë njerëz që Shqipërinë do ta vizitojnë jo se është një vend i lirë e i bukur, por edhe sepse rrëfen edhe përmes artit se mund të jetojë emocione, të krijojë kujtime e të rrëfejë histori që shkruhen edhe ndoshta një herë në jetë.

SPECTAPOLIS/ Një stadium për koncerte

Nga Luela Myftari

Artikuj të ngjashëm Artikuj

FITUESIT E PANAIRIT TË LIBRIT 2024

RA NGA QIELLI, edhe “Profeti” i Ben Blushit

KUR ARTISTI RRËFEN DHUNËN/ Serbia e ka humbur Kosovën që në 1989-ën

Çfarë ka Akoma për Rozana RADIN!

Kol Idromeno i panjohur, intervista e piktorit për Zojën e Shkodrës

Silvana Braçe ekonomistja që pushtoi Skenën e Festivaleve

Artikujt më të lexuar

RA NGA QIELLI, edhe “Profeti” i Ben Blushit

“Rilindja” që erdhi me bujë, por u shua pa zhurmë

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Mashtruesit e Mikrokredive

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Çfarë ka Akoma për Rozana RADIN!

Ikja e Ramës pengohet nga rikthimi i Berishës

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

SPECTAPOLIS/ Një stadium për koncerte

Nga Luela Myftari

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?