Nuk e kishte imagjinuar, Gazment Bardhi: Si u bashkova me Berishën

Gazment Bardhi prej 5 vitesh ja ka dalë të qëndrojë në radhën e parë të politikës, edhe pse kanë kaluar korente të forta dhe lëvizje tektonike që disa eksponentë i kanë përmbysur, disa i kanë dërguar në margjinë, e disa i kanë nxjerrë nga skena. Ai është aty, me të njëjtin intensitet, me të njëjtin interes publik për ta dëgjuar se çfarë po thotë, me të njëjtën hapësirë në emisionet më të rëndësishme të orës 21.00, aty ku bëhet politika e vërtetë.

Mbi të gjitha është numri 2 i Partisë Demokratike. E njëjta staturë kur luftoi me Sali Berishën, e njëjta sot që u bashkua me Sali Berishën. Janë disa elemente të profilit të tij që kanë ndihmuar t’i mbijetojë rrymave të forta që shkundën PD-në në 3 vitet e fundit. Forca denoncuese që ka, e bën opozitar të paqortueshëm. Nuk ka bërë kompromise. I kap shpejt çështjet ligjore dhe i zotëron. Integritet i pacënuar nga ndonjë akuzë, apo aferë. Ka fituar zotësi në debat dhe përballon edhe panelet më të vështira. Dhe kreditet më të mëdha, duket se ja dha aksioni që nisi në Kuvend, kur për 5 muaj, nën udhëheqjen e tij, nuk pati seanca normale, si protestë në kërkim të të drejtave që ju mohuan opozitës si ato për komisionet hetimore dhe të qënit palë e barabartë në reformën zgjedhore. Kërkesa që mesa duket u përmbushën javën e kaluar dhe sot figura e 38 vjeçarit vjen edhe më e përforcuar në publik. Si do të jetë ecuria e tij e mëtejshme në PD, dhe a do të ketë edhe më shumë ngjitje, si u bë bashkë me Sali Berishën, a do të jetë në gjendje kjo opozitë të fitojë ndonjëherë përballë Edi Ramës? Për këto dhe pyetje të tjera, Gazment Bardhi përgjigjet në këtë intervistë të posaçme për revistën Neësbomb.al.