- Revista Newsbomb

Një investim prej 8 milionë eurosh ka transformuar sigurinë në Aeroporti Ndërkombëtar i Tiranës Nënë Tereza, duke e pozicionuar atë gjithnjë e më pranë standardeve të aeroporteve më të avancuara europiane. Ky modernizim i rëndësishëm ka marrë vëmendje edhe në nivel ndërkombëtar. Gjatë një vizite në aeroport, e ngarkuara me punë e SHBA, Nancy VanHorn, së bashku me presidentin e Kastrati Group, Shefqet Kastrati, panë nga afër teknologjinë e re të sigurisë dhe investimin strategjik që po transformon përvojën e pasagjerëve. Në këtë kontekst, drejtori i sigurisë, Erald Qoqja, shpjegon se si këto investime pritet të sjellin jo vetëm rritje të standardeve, por edhe një përmirësim konkret në shërbim, duke reduktuar kohën e pritjes në kontrollin e sigurisë deri në vetëm 15 minuta gjatë periudhave me fluks të lartë. Pas lancimit të teknologjisë së re të sigurisë, a afrohet Aeroporti i Rinasit me standardet e aeroporteve më të mëdha europiane? Po, pa asnjë dyshim. Me investimet e fundit, TIA është tashmë në përputhje me standardet më të avancuara evropiane dhe ndërkombëtare. Aeroporti Ndërkombëtar i Tiranës është shndërruar në një lider rajonal, veçanërisht në adoptimin e teknologjive të reja, jo vetëm në përmbushjen e kritereve. Sot, janë aeroportet e tjera të rajonit ato që po ndjekin dhe marrin shembull nga modeli i tij. Aktualisht në të gjitha pikat e kontrollit janë vendosur skanera të teknologjisë më të fundit që kanë për qëllim identifikimin e çdo rreziku, po edhe efiçensën operacionale. Partneriteti me Rapiscan ® Systems, siguron: Përputhje të plotë me të gjitha rregulloret dhe standartet e avanuara ndërkombëtare. Efiçensë operacionale si nga lehtësia në përdorim, por edhe nga eksperienca e pasagjerit. Asnjë nga paisjet elektronike apo lëngjet dhe produktet kozmetike nuk është e nevojshme të mbahet më vete duke siguruar përpunim më të shpejtë të pasagjerëve. Teknologjia e Rapiscan Systems, tomografi e kompjuterizuar ofron nje imazheri 3D me rezolucion të lartë të produkteve organike ose joorganike Vlen të theksohet se kjo teknologji nuk është e re në thelb — ajo e ka origjinën në industrinë mjekësore, ku përdoret prej dekadash për diagnostikim të avancuar (si në skanerat CT në spitale). Duke parë saktësinë dhe aftësinë e saj për të “depërtuar” dhe analizuar strukturat në mënyrë tridimensionale, kjo teknologji u adaptua gradualisht edhe në aviacionin civil, si përgjigje ndaj kërkesave gjithnjë në rritje për siguri më të lartë dhe zbulim më të avancuar të kërcënimeve. A do të ndikojë kjo në rritjen e fluksit të pasagjerëve dhe linjave ajrore? Absolutisht. Siguria dhe efikasiteti operacional janë faktorë kyç për çdo kompani ajrore. Investimet në teknologji moderne rrisin kapacitetin përpunues dhe përmirësojnë eksperiencën e pasagjerëve, duke e bërë aeroportin më tërheqës për linja të reja dhe për rritje të trafikut. Si një industri e rregulluar ndërkombëtarisht siguria është një element i panegociueshëm në çdo marrëdhënie me linjat ajrore partnere në TIA. Si pjesë e përgatitjes operacionale, standartet e sigurisë kalojnë kontrolle të rregullta dhe të detajuara. Sa i madh është ky investim dhe si shihet kthimi i tij? Deri më tani investimi arrin shifrën prej 8 milionë euro. Ky është një investim strategjik afatgjatë. Vlerat e këtij investimi tejkalojnë të gjitha investimet e realizuara për paisje sigurie gjatë gjithë periudhës së kontratave koncesionare në TIA. Të gjithë elementet e sigurisë duke përfshirë skanerat e bagazheve, identifikuesit e metaleve, sistemet e transporterit të bagazheve gjatë kontrollit të sigurisë, dhe sistemi i qendrës operacionale të sigurisë janë tërësisht fjala e fundit e teknologjisë. Kthimi i tij nuk matet vetëm në terma financiarë, por edhe në besimin që krijohet tek partnerët ndërkombëtarë dhe pasagjerët. Falë vizionit dhe mbështetjes së Grupit Kastrati si aksioneri i vetëm, siguria është trajtuar si prioritet kryesor në zhvillimin e aeroportit. Gjatë muajve në vijim, Tirana International Airport parashikon një investim shtesë prej rreth 3 milionë euro, i fokusuar në rritjen e mëtejshme të kapacitetit përpunues për pasagjerët dhe bagazhet e stivës. Ky investim do të mundësojë një rritje prej rreth 25% të kapacitetit për pasagjerët dhe 50% për përpunimin e bagazheve të stivës. Kompania amerikane e përzgjedhur ka marrëveshje direkte? Pajisjet janë përzgjedhur nga prodhues ndërkombëtarë lider në treg sic është Rapiscan Systems, të certifikuar sipas standardeve europiane dhe globale. Institucione ndërkombëtare si NATO, apo Bashkimi Evropian, por edhe entitete gjigande si Aeroporti i Manchesterit apo ai i Hong Kongut përdorin të njëjtën teknologji dhe paisje sigurie. Qasja jonë ka qenë gjithmonë të përdorim teknologjinë më të avancuar dhe të miratuar nga autoritetet përkatëse, duke garantuar përputhshmëri të plotë me kërkesat rregullatore. Çfarë ndryshon realisht për pasagjerët në kontrollin e sigurisë? Ndryshimi është i dukshëm. Procesi është më i shpejtë, më i thjeshtë dhe më komod.Pasagjerët mund të mbajnë pajisjet elektronike në bagazhin e dorës, ndërkohë që identifikimi i rreziqeve të mundshme është i menjëhershëm.Koha e pritjes në kontrollin e sigurisë është më e shkurtër; maksimumi 15 minuta në kohën e fluksit veror. Anketimet tona tregojnë se mbi 90% e pasgjerëve janë të kënaqur me shërbimin e sigurisë. A është kjo teknologji e njëjtë me atë që përdoret në aeroportet kryesore të BE apo SHBA? Po, është e njëjta teknologji – jo një version i thjeshtuar. Pajisjet janë të certifikuara sipas standardeve më të larta europiane, si ECAC EDSCB C3 dhe ECAC Standard 3.1, që përfaqëson nivelin më të avancuar aktualisht në Europë dhe në SHBA. Momentalisht nuk ka teknologji më të avancuar në treg përsa i përket Sigurisë në Aviacionin Civil. Për shembull Italia ka rreth 38 aeroporte civile me interes kombëtar që operojnë trafik komercial. Megjithatë, vetëm një pjesë e vogël e tyre – kryesisht aeroportet kryesore si Roma Fiumicino apo Milano Malpensa – kanë implementuar teknologjinë CT, çka tregon se kjo teknologji është ende në fazë zgjerimi edhe në tregjet më të zhvilluara europiane A ka një plan më të gjerë për ta kthyer aeroportin në një qendër rajonale të aviacionit? Po, këto investime janë pjesë e një vizioni më të gjerë zhvillimi. TIA tashmë tërheq pasagjerë nga i gjithë rajoni dhe siguria është një nga diferencuesit në shërbimin e ofruar. Investimet e Grupit Kastrati synojnë rritjen e kapaciteteve, modernizimin e infrastrukturës dhe tërheqjen e linjave të reja ajrore. Eksperienca dhe standartet e TIAs mundet fare mirë të merren si një referencë për praktikat më të mira nga aeroportet e rajonit duke u bërë kështu një model ku standarti i lartë sigurisë kombinohet me ekperiencën e përmirësuar të pasagjerëve dhe efiçensën operacionale. Çfarë garancish ka që standardet e sigurisë do të mbeten në nivelin më të lartë? Siguria është një proces i vazhdueshëm, jo një investim njëherësh. Ne operojmë nën mbikëqyrjen e Autoritetit të Aviacionit Civil Shqipëtar dhe jemi subjekt i kontrolleve të rregullta nga institucionet ndërkombëtare Operimet tona janë të harmonizuara me standardet e ICAO dhe praktikat më të mira europiane (ECAC), duke përfshirë përdorimin e pajisjeve të certifikuara sipas standardeve më të fundit dhe zbatimin rigoroz të procedurave të sigurisë. Përveç kësaj, aeroporti është i validuar sipas standardeve ndërkombëtare të sigurisë për kargon dhe postën, si RA3 (Regulated Agent) për Bashkimin Evropian dhe Mbretërinë e Bashkuar, çka konfirmon nivelin e lartë të kontrollit dhe besueshmërisë në zinxhirin e furnizimit ajror. TIA është anëtare e Airports Council International (ACI) dhe gjatë viteve të fundit ka marrë pjesë me sukses në programin Airport Excellence in Security (APEX), duke dëshmuar përkushtimin tonë të vazhdueshëm për përmirësimin e standardeve të sigurisë. Ky angazhim reflekton qartë objektivin tonë kryesor: garantimin e një niveli maksimal sigurie për çdo pasagjer dhe çdo operacion aeroportual. Përmbyllje; Ky transformim është rezultat i një vizioni të qartë dhe mbështetjes së vazhdueshme të Kastrati Group për Aeroportin Nënë Tereza. Sot, Tirana International Airport nuk po ndjek vetëm standardet europiane – po i aplikon ato në praktikë, duke ofruar siguri dhe shërbim në nivelin e aeroporteve më të avancuara.

Artikuj të ngjashëm Artikuj

I pari i Sarandës, Olti Çaçi: Ju mirëpresim, peshkun në tavolinë e bukuritë në rrugët e qytetit

FILMI, përpjekjet për t’u shkëputur nga Lëmosha

Ilir Meta: Burgu, testi që më bëri të fitoj shprehi atomike!

Aktori Igli Zarka: Suksesi nuk buron nga makinat e shtrenjta apo rrobat e Luksit!

Casa Mandarine, shtëpia mesdhetare e Tiranës

25 vjet me Bakrin shqiptar, BERALB SH.A. kompania që investon te komuniteti

Artikujt më të lexuar

Një vit pa Tanin, por me veprën që la pas

Tre pengjet, tre amanete, tre mesazhe politike

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Demokratët vendosin, Berisha Forever!

Zvërneci, investimi që do ndryshojë historinë e turizmit shqiptar

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Përtej Zvërnecit

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Mbështetni autorët dhe abonohuni në përmbajtje

Shkarko

Zblloko Artikullin