Mariglen Disha, njeriu pas vizionit të ri për Librazhdin!

Çdo qytet ka nevojë për njerëz që besojnë tek ai, edhe kur të tjerët e shohin vetëm si një pikë në hartë. Librazhdi duket se e ka gjetur këtë besim tek brezi i ri i drejtuesve, të cilët kanë zgjedhur ta shohin turizmin jo si një mundësi kalimtare, por si motorin e zhvillimit ekonomik dhe social të kësaj treve. E ky është Mariglen Disha, kryebashkiaku energjik dhe punëtor, që mori drejtimin e Bashkisë së Librazhdit me premtimin për ta kthyer qytetin në një destinacion gjithnjë e më të rëndësishëm të turizmit shqiptar, duke investuar njëkohësisht në infrastrukturë, hapësira publike, promovimin e natyrës dhe mbështetjen e biznesit lokal. Sot, ndërsa numri i vizitorëve rritet nga viti në vit, ndërsa bujtinat shtohen, shtigjet turistike po marrin gjithnjë e më shumë jetë dhe banorët po shohin tek turizmi një mundësi reale për të ndërtuar të ardhmen në vendin e tyre, ai beson se Librazhdi nuk duhet të konkurrojë askënd, por thjesht të mbetet vetvetja, duke ruajtur natyrën, historinë dhe mikpritjen që e kanë bërë këtë trevë kaq të veçantë. Për vizionin e tij, projektet që po zbatohen dhe sfidat që e presin Librazhdin në vitet e ardhshme, Mariglen Disha i rrëfeu të gjitha në këtë intervistë për Revistën Newsbomb.

Kryetar, vitet e fundit po vihet re një interes gjithnjë e më i madh për destinacionet që ofrojnë natyrë të paprekur, eksperienca autentike dhe turizëm të qëndrueshëm. Librazhdi duket se po fiton një vend të rëndësishëm në këtë hartë. Si e shpjegoni këtë transformim dhe cilët mendoni se kanë qenë faktorët kryesorë që kanë ndikuar në rritjen e interesit për këtë zonë?