Kënga që nisi nga patriotizmi

Ali Pasha mbante Muçon, një këngëtar me një zë magjepës që i linte pa mendtë të huajt që vinin e gostisnin në sarajet e tij. Fama e Muços mori dhenë e pas kësaj, pak flitet në media për këngën shqipe. Derisa patriotët e mëdhenj korçarë, bejlerë që kishin pasuri vendosën të parët të investonin në bandën e parë muzikore sipas medias. Po si u zhvillua më tej muzika shqiptare. Si arritën të penetronin në Shqipëri studiot ndërkombëtare të këngës dhe koncertet e para me publik në Shqipërinë e para e pas luftës.

Sa herë shohim filmin “Koncert në vitin ‘36” nën interpretimin e jashtëzakonshëm të divës së skenës së filmit Margarita Xhepa dhe aktores këngëtare në film Manushaqe Qinami, pjesa ku ndalojmë vetvetiu është mendimi që na përfshin pasi beu i Lushnjes u kërkon artisteve të pushojnë këngën. Aty në atë skenë madhështore, publiku, më shumë nga katundaria e fshatarsia e Lushnjes rebelohet, i kërkon beut të ikë e këngëtares dhe pianistes të vazhdojnë performancën e tyre me koncertin e planifikuar.