Festivali u krijua si festë për ditëlindjen e shokut Enver

Historia e këtij festivali nis me një festë që i duhej diktatorit Hoxha, për ditëlindje. Një ditëlindje në vendin e lindjes me të gjithë popullin e tij, me të gjithë ata që i thurrnin vargje komunizmit e që do të duhet të mbusheshin me hare për këtë festë të madhe. Më 16 tetor do të duhet të festojnë gjithë shqiptarët sepse ka lindur një burrë shteti që e adhurojnë të gjithë. Festivali i parë është ai i vitit 1968, sigurisht në kalanë e Gjirokastrës dhe patjetër me një natë finale që do të duhej të ishe më 16 tetor, ku do të interpretonin më të mirët. Në edicionin e parë që nisi prej datës 8 tetor morën pjesë mbi 1000 këngëtarë, rapsodë, valltarë dhe instrumentistë. Juria me kryetar, studiesin e folklorit Prof. Zihni Sako sigurisht që do të jepte vlerësimin maksimal për grupin e Gjirokastrës, qytetin e gurtë që priste gjithë nuancat e kulturës aty. Atë vit, Enver Hoxha festoi 60-vjetorin e lindjes së tij.

Festival çdo pesë vite