Euro, Euro….po LEKU është Mbret!

Pse ka rënë kaq shumë euro e dollari dhe pse po forcohet Leku? Valutat kanë rritur sasinë e qarkullimit jashtë normalitetit historik, pa respektuar trendin e rritjes në sektorët e ekonomisë që sjellin monedhë të huaj. Të fituarit e mëdhenj duket se janë importuesit që po blejnë me euro jashtë dhe shesin brenda me çmime të shtrenjta të pandryshuara. Por edhe qeveria që borxhet i ka në euro. Të humbur janë prodhuesit, në bujqësi, fasoneri por edhe industria e turizmit. Madje edhe familjet e varfra që mbahen nga paratë e emigrantëve: ata marrin euro, por paguajnë mallrat e shërbimet në lekë. Gazetarja Ola Xama analizon të dhënat e fillimit të këtij viti dhe rënien historike të valutave. A lidhet kjo situatë edhe me sasinë e madhe të valutës që vjen nga Amerika Latine?

Në vitin 1951 një fëmijë emigrantësh grekë në Amerikë merr 800 dollarë hua në një bankë për të blerë një rulotë. Çdo ditë shëtiste rrugëve të San Joakim Velli në Kalifornia për t’i shitur ushqime fermerëve. Paratë që fitonte i mblidhte, e kur vinte momenti i duhur, blinte shtëpi. Zgjuarsia e 27 vjeçarit qëndronte te nuhatja që kishte për tregun. Priste momentin kur kishte krizë dhe mungesë parash, që njerzit të shisnin lirë. Aty ai nxirrte tufën nga xhepi fillonte blinte.