Delinda Disha, “fallxhorja” e zgjedhjeve mes humorit dhe familjes

Imitimi i roleve duket se është diçka që e ka në lëkurë, një dhunti që e shndërron në një aktore të pëlqyer, në një aktore të dashur dhe me dhjetëra role që kanë mbetur në kujtesën e publikut. Dhe pa asnjë mëdyshje, filxhani i saj i stërmadh në qendër të Lushnjes konkurron denjësisht me “Memorandumin e Kucit”. Delinda Disha, me një karakter të spikatur dhe humor të mprehtë, vjen në këtë intervistë për NeësBomb, ku na tregon pak më shumë për karrierën e saj si aktore, por edhe pë rolin e saj si bashkëshorte dhe nënë. Në fakt, biseda për intervistën me Delindën,  nisi para zgjedhjeve të 11 majit dhe u përmbyll pas rezultateve të para, ku nuk mund të mos e pyesnim Delindën, se si ia bëri që i ra në kokë rezultatit kur i lexoi filxhanin Ramës në takimin përmbyllës në qarkun e Fierit, duke pasur në krah edhe Belinda Ballukun. Duke qeshur Delinda thotë se është çështje energjie dhe se personazhi që ajo imition, Lushi ka të tjera parashikime të bujshme për të ardhmen, si ai se Tirana do të jetë kryeqendra e Ballkanit Perëndimor së shpejti. Sa i takon profesionalizimit në fushën e humorit, Delinda thotë se cilësia ka rënë dhe këtë ia atribuon më së shumti rrjeteve sociale, ku ajo që i ofrohet publikut është një produkt bazik, edhe pse sipas saj talentet nuk mungojnë.