Kur Super-Leku bëhet Super-Problem

Një Bekim për Pakicën; por një Mallkim për Shumicën. Pse qeveria e pompon fuqishëm faktin se leku është forcuar shumë në raport me valutat e tjera. Kush po përfiton në këtë situatë veç qeverisë, e cila me një euro të dobët, ka aftësi të shlyejë më shumë borxhet; turizmi e bujqësia, apo ato pak industri prodhuese në vend, po vendosen në pozita diskriminuese për shkak të forcimit të lekut. Një analizë e plotë mbi të mirat dhe të këqijat e kësaj situate me monedhën shqiptare, dhe si ndikon kjo jo vetëm te popullata brenda vendit, por edhe tek turistët, që këtë vit priten të jenë të shumtë në numër. Atëherë, cila është politika që ndjek Banka e Shqipërisë dhe a duhet konsideruar një mbivlerësim i tillë i lekut si një “magji” që po ndodh në financat shqiptare???

Para pak ditësh nëpër shumë pika të këmbimit, monedha Euro arriti të këmbehej poshtë nivelit të 100 lekëshit duke arritur rekordet më të të ulëta historike në tregun shqiptar të këmbimit valutor dhe duke dëmtuar ekonominë reale dhe thelluar pabarazinë shoqërore. Ndërkohë që qeveria dhe disa sektorë biznesi të lidhura me të po festojnë, industria, bujqësia, turizmi dhe emigrantët po përballen me pasoja të rënda.