“Tribesman”, këta janë shqiptarët”! Si na shihnin Amerikanët në 1924

Në prillin e 1924 dy biznesmenë amerikanë vijnë në Shqipëri e kërkojnë të investojnë në Shkodër. Por rrugës për atje, u bëjnë pritë disa shqiptarë “me dyfeqe” dhe i vrasin… Pas kësaj ngjarje, Shqipëria nuk gjen qetësi. Akuza e kundërakuza, histori dhune dhe revolucioni, hetime gjysmake dhe një vëmendje e shtuar e shtypit të huaj, sidomos atij amerikan për ngjarjen tragjike. Mediat kthejnë sytë nga vendi me “rracë të bardhë” por që nuk ka shkollim e perëndim që i bën derman!

“Shqipëria është vend më primitiv se ç’ka qenë më parë. Shqiptarët, edhe sikur të dijnë të shkruajnë e të këndojnë, e sido që të dërgojnë djemtë e tyre në Itali dhe në Francë për t’i edukuar, janë “tribesman” (popull që rron i ndarë në fise si në kohët primitive) në kuptimin e vërtetë të fjalës, dhe guverna qendrore e tyre në Tiranë nuk është gjë tjetër veçse një pleqësi përmbi bajrakët, ekzistenca e së cilës i detyrohet mëshirës së këtyre të fundit”.

Eshtë një paragraf i një shkrimi botuar në median amerikane, pas një ngjarje tragjike që kishte ndodhur në vend: vrasja e dy shtetasve amerikanë në zonën e Mamurrasit.