600 Milion eurot e krizës energjitike, A do kemi drita???

Britania do të aplikojë kufizime në furnizimin me energji elektrike. Po ne?!Qeveria premton që jo, por... Nëse qeveria rrit qoftë dhe vetëm me 2 euro çmimin fundor për biznesin e mesëm dhe të madh, çdo familje shqiptare do të ketë një shtim mesatar mujor 45-55 euro, ose gati 6 mijë lekë në çmime të rritura Plani qeveritar me tre pika. Si do ndihmojë ata nga ne që as sot nuk e përballojnë dot faturën e energjisë elektrike? 1.PSE KRYEMINISTRI DOLI TË DJELËN E 3 TETORIT 2021 ME PARASHIKIME TË ERRTA? Me Rusinë që këto muaj po i shet gaz natyror Evropës Perëndimor vetëm sa ka kontratat e mëparshme (kur nevoja është për dy herë më tepër), tregu i energjisë elektrike në Evropë ndodhet në një situatë çmimesh të larta të papara ndonjëherë! (Shih më poshtë hartat e çmimeve të energjise ne Evrope 16 shtator 2021 dhe 7 tetor 2021) OSHEE bleu energji elektrike gjatë gjithë vitit 2020 me 55 euro për Megavat. Në gjashtë muajt e parë të këtij viti, e bleu dy herë e gjysëm më shtrenjt, me 125 euro për Megavat. Në ditët e para të tetorit, u detyrua ta blinte me 223 euro për Megavat dhe është frika që edhe me një çmim më të shtrenjtë, mund të mos ketë energji për të shitur në treg, në ditët që do të pasojnë. Me një sasi normale rreshjesh, ne arrijmë të prodhojmë vetëm 60 përqind të nevojave që kemi për periudhën tetor 2021-mars 2022. Mesatarisht, gjatë kësaj periudhe do të kemi nevojë për 700 Gigavat energji elektrike, ose 700 mijë Megavat në muaj. Ose për të gjithë periudhën, për 4 mijë e 200 Gigavat. Dhe na duhet të importojmë 40 përqind të kësaj sasie, ose 1,680 Gigavat. Këto bëjnë 1 milionë e 680 mijë Megavat. Nëse i shumëzojmë me 320 euro për megavat sa është çmimi katastrofik sot në bursë, i bie 537.6 milionë euro fonde për të importuar energji elektrike gjatë periudhës. Për periudhë normale, buxhetit të Shtetit do t’i ishte dashur një fond rreth 140 milionë euro për ta përballuar. Për shkak të krizës energjitike, duhen edhe 400 milionë euro të tjera! Ja qeveria me Planin e saj me tre pika dha 100 mln euro shtesë. Ku do të gjenden paratë e tjera? Qeveria thotë kredi me garanci sovrane. Të shohim. U duk se zgjidhja e detyruar është rritja e çmimit fundor të energjisë elektrike. Ja përse doli kryeministri Rama të djelën 3 tetor 2021 në adresim për të gjithë qytetarët, pastaj të premten datë 9 tetor dhe të shtunën për Planin me tre pika më datë 10 tetor. 2.ÇMIMI I ENERGJISË ELEKTRIKE SOT Më 1 janar 2015, për shkak të reformës në sistemin tonë energjitik (u hoqën fashat e mbrojtura), qeveria i caktoi çmimet për familjarët, bizneset e vogla dhe biznesin e madh si në grafikun më poshtë. (shih Grafikun 1) Tarifat e vendosura ishin më të lartat në rajon për vende të krahasueshme me ne në fuqinë blerëse (shih Grafikun 2). Për këtë arësye, qeveria vendosi të ndihmojë me rimbursim rreth 200 mijë familje në nevojë (shtresa të varfëra, të papunë, familje me vetëm pension[1]istë, bizneset e bukës, etj.). Tani, qeveria duket e vendosur, të paktën nga dalja në konferencë për shtyp e kryeministrit Rama më 8 tetor 2021, për të rritur sërisht çmimin e energjisë për familjarët, bizneset e vogla dhe bizneset e mëdha. Është rruga e duhur? 3. SKENARET E KRIZËS Qeveria bëri publik Planin e saj të ndërhyrjeve për të përballuar krizën energjitike, por nuk ka folur për skenarët që mendon ajo të zbatojë, sipas ecurisë së krizës. Në mungesë të skenarëve të qeverisë, po paraqesim në tabelën e mëposhtme skenarët e mundshëm: SKENARËT E PËRBALLIMIT TË KRIZËS ENERGJITIKE SKENARI 1 (MË I KEQI): Nuk ka sasi për të blerë në tregjet ndërkombëtare, sado me çmim të lartë. Nisin kufizimet e furnizimit me energji. Kryeministri më 8 tetor u shpreh se atë ditë vetë Britania e Madhe deklaroi një plan për të furnizuar energjinë me ndërprerje. Kur racionojnë energjinë anglezët, ç’duhet të presim ne?! SKENARI 2 Çmimi rekord i blerjes nga importi vazhdon për tre muaj rrjesht, qeveria detyrohet të mbledhë ERE në nentor apo dhjetor dhe të rrisë me 2 euro për 100 kWh çmimin për bizneset e mesme dhe të mëdha SKENARI 3 (MË I MIRI): Çmimi rekord i blerjes nga importi bie disi. Qeveria reziston dhe nuk rrit çmimin e energjisë, por shton borxhin publik (rrit defiçitin buxhetor 2021, me akt normativ, përdor nga Eurobondi i Pestë prej 750 mln euro, etj.). PROPOZIME Qeveria të shtyjë për korrik 2022-2023 atë pjesë të pagesave të projekteve koncesionare dhe PPP ende për t’u paguar për këtë vit Qeveria të hyjë në djetë të fortë dhe të shkurtojë shpenzimet jo thelbësore administrative tetor 2021-qershor 2022. Ç’DO TË NDODHË NËSE ERE E RRIT ME 2 EURO ÇMIMIN E ENERGJISË ELEKTRIK? Shtim i çmimit me efekt domino për të gjitha mallrat dhe shërbimet në nivel 45-55 euro shtesë në muaj për familje Rritje çmimesh e importuar nga mallrat që marrim nga Italia dhe Greqia (Italia po e shton çmimin fundor të energjisë me 40%) 4. 600 MILIONË EUROT E KRIZËS ENERGJITIKE Lind pyetja, nëse qeveria i qëndron Planit me tre pika dhe e vë ERE-n të rrisë çmimin për bizneset e mesme dhe të mëdha, çdo të ndodhë? Tabela 2 jep një përgjigje hipotetike. Për të përballuar një kosto shtesë prej 50 eurosh në muaj për çdo familje të prekur fort nga kriza energjitike dhe rritja domino e çmimeve (edhe rriten çmimet nga mallrat e importit, edhe i shtojmë ne duke rritur çmimin e energjisë elektrike brenda vendit), duket se do të bëhet fjalë për të paktën 300 mijë familje, ose një ndihmë ekonomike në formë rimbursimi prej afro 300 milionë eurosh në 9 muaj tetor 2021-qershor 2022. Kjo e rrit faturën e përballimit të krizës energjitike nga 300 milionë eurot shtesë për energjinë e importuar në 600 milionë euro! Do të jetë i paqartë fati i të gjitha familjeve në nevojë. Sa korrekt dhe në kohë do të shpërndahen rimbursimet sipas planit qeveritar? Gjatë pandemisë, pagat e luftës nuk u shpërndanë për punonjësit në të zezë. Rreth 80 mijë të tillë nuk përfituan dot nga pagat e luftës ndaj armikut të padukshëm. Tani që armiku është i dukshëm, qeveria duhet të mendohet mirë, që të mos e bëjë të njëjtin gabim dy herë.

600 Milion eurot e krizës energjitike, A do kemi drita???

Nga Fatos Çoçoli

Artikuj të ngjashëm Artikuj

BUXHETI PA EMËR!

SKERDI DRENOVA: Do “LINDË” bursa energjitike, si do e menaxhojmë krizën e dritave!

Ergys Verdho: Asnjë panik, KESH do garantojë DRITA 24 orë

Fjalët që marrin rrugët… E vërteta e kostove “të fryra”

Ideja e re nga Raiffeisen Bank, Scan & Go, radhët e gjata në supermarkete marrin fund

Gjiri i Kakomesë, “Bukuroshja” e braktisur bëhet gati për TURIZËM

Artikujt më të lexuar

SONDAZHI/ Si ndahen votat për Tiranën e Shqipërinë

Spiunët e RTSH-së

Vajzat që shoqëruan bosët e krimit, nga stomatologe, tek Modelet

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vlora – 110 vite për shtetin, kryebashkiaku 8 vite për Qytetin

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

“Në pijetore unë jam ulur”, nga Burgu i Spaçit drejt vëllezërve korçarë

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

600 Milion eurot e krizës energjitike, A do kemi drita???

Nga Fatos Çoçoli

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?