Zhaku, zhgënjimi nga Shqipëria: S’dua të bëj pis jetën time me banalitetet atje!

E vërteta ngjall përherë polemika, të dhuron edhe shumë armiq zakonisht dhe për Zhakun, Inida Gjatën, kjo ka qenë diçka që e ka shoqëruar përherë si artiste dhe njeri publik në Shqipëri. Madje edhe tani që ka zgjedhur të jetojë në Gjermani, çdo koment i saj në rrjetet sociale arrin të ngjallë diskutime dhe debate. Për të janë shpesh të pajustifikuara, të nxitura nga mungesa e një reflektimi që në tërësi na cilëson ne si shoqëri. Dhe nuk është vetëm perceptimi i saj. Energjia negative ndaj çdokujt që mendon ndryshe, që guxon të jetë i vërtetë, pakënaqësia sociale ndaj gjithçkaje e gjtihkujt, ka fuqinë të kthehet në një vorbull thithëse, që mbyt brenda edhe të mirën që ekziston.

Në një rrëfim krejt të çiltër nga Gjermania,  Zhaku na rrëfen jetën si nënë, angazhimet profesionale, momentet e vështira dhe paqen që ka gjetur. Për të çdo sfidë ia ka vlejtur për të qenë sot një njeri më i mirë, një nënë e lumtur, një bashkëshorte e sigurt, një artiste e realizuar. Të gjesh veten, të kalosh shumëçka në fillin e hollë të analizës dhe reflektimit, jo çdokush ka forcën për ta bërë. Zhaku është e drejtë edhe në gabimet e saj, me forcën për të kërkuar falje për këdo që në një moment të jetës mund ta ketë cënuar, me apo pa të drejtë.  Dhe kjo është forca më e madhe e një njeriu. Të njoh veten dhe të krijojë versionin më të mirë të saj.