Zengjinet e qeverisë

17 anëtarët e Qeverisë i japin një tjetër kolorit kabinetit të drejtuar për herë të tretë nga Edi Rama. Siç do të shohim nga ky artikull në revistën Newsbomb, mes tyre gjen të pastrehë, por ka dhe nga ata me dy, tre apo katër shtëpi. Ka ministra që kanë përfituar nga konsulencat, por edhe kryeministri nga shitja e veprave të tij të artit. Ministra me borxhe, me kredi, dhe ministra të pasur me biznese. Tek qeveria i gjen të gjitha, por, siç do ta shohim, nuk gjen të varfër. Zbuloni pasuritë e tyre

Të deklarosh pasurinë nuk është një fenomen që u pëlqen të gjithëve. Fundja, nëse pranon një detyrë publike, karshi qytetarëve që të kanë zgjedhur, duhet të jesh transparent. Brenda lakuriqësisë së deklaratave që ata vetë tregojnë, ka edhe të fshehta, me të cilat, duhet të merret ILDKP-ja, institucioni zyrtar që gjurmon pasuritë e tyre. Në fakt, deri tani nuk ka dalë shumë në dritë. Me ndihmën e “Open data Albania” në misionin “Para dhe pushtet”, do mund t’ju japim disa detaje të pathëna deri tani për pasurinë e ministrave të kabinetit qeveritar.