Nga xhamia e tabakëve për t’i rënë me grusht Berishës, kush është agresori i 6 dhjetorit

Më 6 dhjetor të gjithë liderët e Bashkimit Europian zbritën në Rinas. Për një ditë, Tirana u duk si Brukseli por grushti i Gerti Shehut mbi Sali Berishën, e ktheu të gjithë vëmendjen e kamerave, opinionit publik dhe ndërkombëtarëve në Bulevardin “Zhan Dark”. Ekranet u ndanë në dy pjesë, nga njëra anë Samiti në stadiumin “Air Albania” ku Tirana dukej si Brukseli dhe nga ana tjetër Bulevardi, aty ku lideri i opozitës përfundoi përtokë nga një agresor që dukej sikur mbiu nga hiçi dhe u shpëtoi syve të të gjithëve. Gazetarët e Brukselit nisën menjëherë njoftimin në redaksitë e tyre: Është goditur lideri i opozitës! Mediat prestigjoze ndërkombëtare kërkonin me shpejtësi informacion më shumë për këtë ngjarje që për orë të tëra eklipsoi Samitin. Foto, video, dëshmi, intervista, c’të mundnin siguronin gazetarët ndërsa pamjet me grushtin që godiste Berishën e gjakosur tashmë po bënin xhiron e medieve në mbarë Europën. Askush nuk po kuptonte sesi agresori arriti t’u shpëtonte truprojave të Berishës dhe të Metës bashkë. Teksa një pjesë hulumtonin mbi agresorin për të cilin doli menjëherë kartela mjekësore, të tjerë nisën të akuzonin mbrojtjen e tyre si të dështuar. KUSH ËSHTË ERVIS TUSHA, OFICERI PERSONAL I BERISHËS Ervis Tusha është i “mistershmi” me syze të errëta që shfaqet në të gjitha pamjet, nga momenti i goditjes së Berishës e deri te shoqërimi i agresorit në selinë e PD. Ish oficeri i gardës është një nga njerëzit më të besuar të kryetarit të PD. Punon me të që prej vitit 2009 dhe kur atij iu hoq mbrojtja nga Garda, Tusha bëri një gjest fisnik. Dha dorëheqjen si oficer për t’i shërbyer Berishës në mënyrë private e vullnetare. Ervis Tusha vjen nga një akademi e mirëfillitë ushtarake. Ai ka studiuar për 5 vite me radhë në këtë Akademi në Itali. Ka mbaruar një mori kursesh për snajper, parashutizëm, shpëtimi në det, është instruktor për luftime në qendrat e banuara në të gjithë Europën dhe ka fituar një sërë medaljesh për aftësitë e tij mbrojtëse. Por si një njeri kaq i trajnuar si ai nuk mundi ta mbronte Berishën nga një grusht?! Duket se ajo që ia la instiktet në gjumë atij dhe truprojave të tjerë të Berishës, gjithashtu ish-oficerë të mirëtrajnuar, ishte fakti që agresori nuk kishte asgjë në duar. Në gjuhën e tyre, kjo do të thotë se ai nuk përbënte asnjë kërcënim. Nga ana tjetër Berisha është një personazh që e kërkon kontaktin me njerëzit, e si rrjedhojë truprojat janë detyruar të lejojnë njerëzit të afrohen, ta takojnë e përqafojnë me kushtin që të mos kenë asgjë në duar. Megjithatë, Gerti Shehut i mjaftoi grushti për ta rrëzuar liderin opozitar përtokë. Gerti Shehu është një trup i fortë dhe i stërvitur. Ai ushtrohej çdo ditë në një nga palestrat e kryeqytetit. Forca e tij dallohej edhe në vështirësinë për ta neutralizuar pavarësisht gotitjeve të shumta që mori nga turma. POROSIA E BERISHËS PËR AGRESORIN: SIGUROHUNI PËR JETËN E TIJ Ndoshta atë ditë Gerti Shehu nuk do dilte dot gjallë nga turma po të mos qe për porosinë e Berishës i cili si një lojtar i vjetër i politikës, edhe pse i goditur në sy, ishte mjaftueshëm i qartë dhe i kthjellët për të kuptuar se nëse agresorit i ndodhte diçka, në fund përgjegjësia do të mbetej mbi të. Truproja i tij i besuar nuk do e kishte lënë asnjëherë vetëm Berishën nëse ai s’do i kishte kërkuar vetëm një gjë: Shko kujdesu për jetën e tij! (agresorit). Nga ky moment ish oficeri i Gardës Ervis Tusha dhe ish-drejtuesi i policisë Erzen Breçani, me shumë vështirësi, nxjerrin agresorin Gerti Shehu nga turma dhe nisen drejt selisë së PD-së? Por pse nuk ia dorëzuan policisë? Erzen Breçani thotë se nëse nuk do e kishte nxjerrë prej andej, ndoshta sot Gerti Shehu nuk do të jetonte. Kjo sepse turma ishte tejet e inatosur. Sapo kishin parë të gjakosur e të shtrirë përtokë liderin e tyre historik. “E kisha të pamundur ta fusja në turmë, ndaj vazhdova rrugën në trotuar për në selinë e PD. Për t’ia dorëzuar policisë, do duhej të dilja te rruga e Elbasanit por ndërkaq ai ishte i paprangosur”. Edhe gjatë shoqërimit për në Partinë Demokratike, turma tentonte ta godiste Gerti Shehun por Erzen Breçani vendoste trupin e tij si mburojë duke mos lejuar askënd t’i afrohej. Nga ana tjetër, Gerti Shehu tentoi disa herë të bënte rezistencë e t’u shpëtonte nga duart, por nuk ia doli. “E BËRA SE DUHEJ BËRË”, PA KAMERA, ÇFARË NDODHI ME AGRESORIN NË SELINË E PARTISË DEMOKRATIKE Gerti Shehu nuk kishte asnjë mjet identifikimi me vete. Madje as celular. Revista newsbomb zbardh bisedën e ish drejtuesit të policisë Erzen Breçani me agresorin brenda selisë blu. Erzeni: Ke mjet identifikimi me vete? Agresori: Nuk kam! Erzeni: Si e ke emrin? Agresori: Gerti. Erzeni: Ke telefon me vete? Agresori: Jo. Erzeni: Pse e bërë këtë veprim? Agresori: Duhej berë! Erzeni: Nga ke ardhur? Agresori: Nga xhamia. Shtëpinë e kam këtu (i jep adresën e saktë) Erzeni: Me kë jeton? Agresori: Me nënën… Për 10 minuta Gerti Shehu është marrë në pyetje në selinë e PD. Edhe aty agresori ka tentuar të kryejë akte të dhunshme por është neutralizuar. Asgjë nga biseda nuk është regjistruar apo filmuar. Ka qenë truproja i Ilir Metës ai që ka njoftuar policinë. GERTI SHEHU: E KISHA POROSI NGA VËLLAI IM Newsbomb mëson se brenda asaj selie, agresori ka thënë edhe një fjali të çuditshme. “E kisha porosi nga vëllai im!” Gert Shehu nuk ka asnjë vëlla por ndoshta këtë fjali të tij do e zbërthejnë hetuesit. Grupi i shoqëruesve të Berishës është marrë në pyetje nga policia por më pas janë lënë të lirë. Ndërsa 31 vjeçari ndodhet në burg, nën akuzë për goditje për shkak të detyrës dhe plagosje me dashje. Sali Berisha beson se ai është agjent i infiltruar i policisë kriminale ndërsa për strukturat ai është një person me probleme të shëndetit mendor. Grupi i hetimit ka në dorë pamjet filmike të kamerave që tregojnë lëvizjet e fundit të 31-vjeçarit para se të godiste Berishën. Nga xhamia e tabakëve ku kreu ritualin e faljes, ecja i vetëm në Bulevard dhe prita që i zuri Berishës në trotuar. Këto hetime dhe ekspertiza e thellë për gjendjen mendore të Gerti Shehut do të zbulojnë nëse “vëllai” që përmendi ai ishte tërësisht imagjinar apo ka diçka përtej kësaj. Sali Berisha, sot 78 vjeç, i ka shpëtuar disa atentateve ku më i rëndi ishte ai me granatë në një miting në ‘97-ën por as ato, dhe as non gratat e Amerikës e Britanisë nuk e kanë zbrapsur nga politika. Përkundrazi, ai u rikthye dhe tashmë bën thirrje për revolucion.

Nga xhamia e tabakëve për t’i rënë me grusht Berishës, kush është agresori i 6 dhjetorit

Nga Anta Mucaku

Artikuj të ngjashëm Artikuj

ALTIN DUMANI, frika e të mbeturit vetëm

Gratë që tradhëtuan “Rilindjen”

Mario Ashiku, një dashuri, shanse të dyta dhe një jetë e jetuar bukur (si vetë ai)

Perëndesha Shqiptare e Spiunazhit botëror, historia e panjohur e Zejnep Vlorës

Misioni i (pa) mundur, rrëfehet Edi REJA: Ju tregoj Shqipërinë time

KRIZA e BABAGJYSHIT

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Gratë që tradhëtuan “Rilindjen”

Perëndesha Shqiptare e Spiunazhit botëror, historia e panjohur e Zejnep Vlorës

PËR HERË TË PARË 95 vjet i “fshehur”, zbulohet fjalimi pro-komunist i FAN NOLIT

ALTIN DUMANI, frika e të mbeturit vetëm

Inva Mula: Unë sopranoja e parë shqiptare në skenat evropiane

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Nga xhamia e tabakëve për t’i rënë me grusht Berishës, kush është agresori i 6 dhjetorit

Nga Anta Mucaku

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?