Mashtruesit e Mikrokredive

Historia e trishtë e mijëra njerëzve nuk përshkruhet dot në 100 faqe raporti hetimor të prokurorisë së Tiranës. Aty mund të evidentohet vetëm maja e ajsbergut e një sistemi të ngritur në këmbë që prej kohësh duke shfrytëzuar varfërinë e njerëzve të thjeshtë; e ku dobësia e tyre nuk po shfrytëzohej vetëm nga individë të korruptuar, por edhe nga institucionet që i lejuan – madje i mbështetën – nga vetë sistemi që supozohet se duhet të mbrojë më të dobëtin. U krijua një skeme mashtruese që vidhte shqiptarët e varfër për të pasuruar vetëm një grup personash, që me mendjen e tyre diabolike, me bekimin dhe licensat e institucioneve shtetërore lanë pa shtëpi, prona, paga, pasuri me mijëra e mijëra shqiptarë dhe familjarët e tyre. E askush nuk do ta kishte marrë serozisht këtë skemë mashtrimi nëse i ndjeri Pal Trashaj nuk do ti jepte fund jetës përballë dyerve të SPAK kur e pa se nuk po dilte dot nga rrethi vicioz ku e kishin përfshirë. Sa më shumë paguante për skemat mashtruese, aq më shumë i rriteshin detyrimet, derisa në fund e lanë trokë, duke e detyruar ti japë fund jetës.

Historitë e treguara përpara prokurorëve e oficerëve të policisë gjyqsore tregojnë për dramat e njerëzve që u përfshinë pa dijeni në këtë histori mashtrimi me “shitjen e kredive me probleme”, duke mos pasur zgjidhje.