Vajzat e historisë kuqezi në play-off të Botërorit

Një rrugëtim në 6 ndeshjet e Kombëtares së Vajzave kundër Malit të Zi, Uellsit e Çekisë. Për vite me radhë kanë luftuar larg reflektorëve. Sot janë vetëm disa ndeshje larg ëndrrës më të madhe. Pas kualifikimit historik në play-off-in e Botërorit “Brazil 2027”, trajneri Armir Grima rrëfen emocionet, sakrificat dhe rrugëtimin e vajzave kuqezi. Si u shkrua kjo faqe e artë e futbollit shqiptar? Dhe a mund të jetë Brazili kapitulli i ardhshëm i kësaj historie të jashtëzakonshme? Croën Plaza mëngjesin e 3 marsit 2026 kishte një atmosferë tjetër. Vajzat kuqezi e kishin mbushur me energjinë e tyre. Ato nisin rrugëtimin e tyre që këtu, për Botërorin 2027. Grupi që u ka rënë për pjesë, është i vështirë. Mes emrave të mëdhenj të Uellsit, Çekisë, e Malit të Zi. Xhoeni, djaloshi i qeshur i FSHF që analizon lojën, lojtaret, skemat, bën videoanalizën e ndeshjeve, përpiqet t’i japë stafit optimizëm, pavarësisht se e di shumë mirë që do të luhet ndaj skuadrave që e kanë traditë futbollin e vajzave, e që në mes tyre, si kombëtare, kanë emra që luajnë me ekipet më në zë në kampionatet e huaja elitare. Ja përshembull Karliçiç me numrin 10 luan në superligën turke; Nadja Stanoviç me numrin 19 luan në Slava Prague; Desiç me numrin 9, në qendër të sulmit luan në Bundesligën Gjermane me Ëerder Bremen; e Masa Tomaseviç me numrin 22, luan me skuadrën e Interit. Kështu janë edhe futbollistet e tjera. Stafi i profesor Armir Grimës është mbi letra, mbi skema. Si duhet të mbajmë lojën në kontroll e të kundërsulmojmë. Ku janë pikat tona të forta, e të dobta. Futbollistet malazeze janë më të gjata, ndaj, lojtaret e shkutra në mbrojtje nuk na ndihmojnë shumë. Minutë pas minute, emocionet shtohen, detyrat janë dhënë, derisa të gjitha, me ngjyrat kuqezi, lënë hotelin për tu nisur drejt Stadiumit Nikshiç, ku do të startojë një rrugëtim me një objektiv të qartë: të qëndrojmë në Ligën B. Për herë të parë në histori dy herë rresht. Sepse gjithmonë ka pasur oshilacione, sa në Ligën B, sa në Ligën C. Por për herë të parë, pas 16 vitesh histori të krijimit të futbollit të vajzave në Shqipëri, objektivi është i qartë dhe jo pak i realizueshëm. Sikur të mos dëgjonte njeri, vajzat tona e nisin jo mirë, me presion, me ankth e frikë. Aq sa malazezet gjejnë golin e avantazhit në minutën e 67’ me sulmuesen Armisa Kuç që luan në superligën turke me Ankaranë. Por vajzat tona janë kokëforta, këmbëngulëse, nuk dorëzohen. Për ekipin mendon Megi Doçi, kapitenia e kombëtares dhe Vllazisë, që në minutën e 70’ barazon rezultatin, ndërsa në minutën e 76’ me një eurogol nga goditja e dënimit i jep fitoren ekipit. Arbitrja slovake Boçkova i fryn bilbilit dhe tani ka një qetësim dhe gëzim të natyrshëm. E nisëm mirë, me një fitore me vlerën e tre pikëve dhe do përpiqemi të jemi të kujdesshëm në ndeshjet e radhës. Si gjithmonë, trajneri Armir Grima ka një përqafim me të gjitha, një e për një, për të dhënë mbështetje, për të dhënë siguri. Sfidat e radhës janë shumë të vështira. Në 7 mars vajzat do të presin në shtëpinë e tyre, në “Loro Boriçi” të Shkodrës ekipin çek. Delegacioni çek është super i fryrë, kanë ardhur gjithë drejtuesit e federatës. Presidenti Armand Duka është po ashtu në stadium. Së pari, të mirëpresë homologun, mikun që i ka bujtur në shtëpi, e për të mbështetur vajzat që vinin nga një fitore në një ndeshje më parë. Rezultati, për t’u harruar. Çekia mund përfaqësuesen tonë me rezultatin e thellë 5 me 1 në shtëpi. Padyshim, mërziti e lot. Edhe pse s’ka shumë gjëra për tu frikësuar. Grimën e shqetëson golavarazhi. Në secilin rast, duhet të pretendojmë të jemi të tretët në grup me një golavarazh të mirë, jo të thellë, që të kemi mundësi për play-off për të qëndruar në Ligën B. Si vitin e kaluar, kur Play Off u qëlloi ta luanin kundër Qipros dhe që ia dolëm ta menaxhonim. Tani duhet punuar psikologjikisht me vajzat. Ndeshja e radhës është Uellsi, në 14 prill. Vajzat nisen me avion drejt Mancesterit që në 12 prill. Të kenë kohë të qetësohen. Një kohë e ftohtë po të mendosh diellin e Tiranës dhe Shqipërisë. Stadiumi Wrexham në Uells është mbushur plot me tifozë që e blejnë biletën. Ndryshe nga Shqipëria, ku tifozët ftohen falas, dhe ata që vijnë nuk janë të shumtë në numër për të mbështetur kombëtaren.

Vajzat e historisë kuqezi në play-off të Botërorit

Retin Toka

Artikuj të ngjashëm Artikuj

Miliona në kosh

Epoka e artë e Silvinjos, por…We want more!

Mes ëndrrës dhe rënies

6 vite pritje për 100 ditët e Ramës

Qeveria e futbollit 7.0

Në fushën e Dukës

Artikujt më të lexuar

Një vit pa Tanin, por me veprën që la pas

Tre pengjet, tre amanete, tre mesazhe politike

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Demokratët vendosin, Berisha Forever!

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Vajzat e historisë kuqezi në play-off të Botërorit

Retin Toka

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?