TIRONA KAMPIONE, festa e madhe e familjes bardheblu në 26 maj

Një festë e madhe plot fishekzjarrë, me këngëtarë që nga ata modernët që i japin kolorit të ndryshëm festimeve e deri tek e mrekullueshmja Artjola Toska me këngët e Tiranës. Data 26 korrik do të kthehet në një festë të madhe për klubin bardheblu, ku do të marrin të 26-in zyrtarisht, e të 29-ën për tifozët. Sapo arbitri t’i bjerë bilbilit, shtëpia bardheblu “Selman Stermasi” do të kthehet në një diskotekë gjigande për të festuar me kampionët. Te Tirana kishin dashur që këto festime të bëheshin në sheshin “Skënderbej”, por nuk morën dot leje nga aksioneri i dytë, bashkia Tiranë: shkak, finalja e Conference League që do të luhet në “Arenën kombëtare” në 25 maj. Te Tirana, edhe pse rrudhën buzët, nuk u mërzitën. Fundja, kanë shtëpinë e tyre. Aty do të presin me mijëra vetë që do të festojnë me kampionët, në një natë të paharrueshme

Sezoni kishte përfunduar dhe duhej harruar shpejt për të nisur puna për edicionin e ri 2021-2022. Merkato e verës kishte trokitur qysh në fillim të qershorit. Në çdo shtëpi tironse, një copëz të tavolinës e merrte ekipi më i titulluar në Shqipëri. Kush do të largohej dhe cilët do të ishin “prurjet” e reja? Askush nuk i dinte, paçka se presidenti Refik Halili kishte “pikasur” prej kohësh ata që do të plotësonin organikën e skuadrës. Boshti nuk do të ndryshohej, do të ishte po i njëjti. Mu në mes të kryeqytetit, sapo nis “Rruga e Dibrës”, 200 metra në të majtë ndodhet stoike, vila “Gold”.