TESS - Shkolla e bukurisë në një shkallë tjetër, profesori ndërkombëtar në auditorin shqiptar

Umberto Borellini është kozmetologu i njohur ndërkombëtar që zgjodhi fillimshkurtin të jetë në Tiranë, i ftuar nga shkolla e bukurisë TESS - Tirana Esthetics & Style School për të ndarë eksperiencën e tij të bukurisë dhe për të trajnuar studentët e kësaj shkolle mbi sfidat e kësaj shkence. Shkencë, sepse aty bashkohen e bukura, fizikja, natyra, pasioni… Profesori i njohur ndan me lexuesit e newsbomb.al eksperiencën në vendin tonë, dhe bën një kompliment për vajzat shqiptare: Kanë një bukuri që nuk e kam hasur në vende të tjera të Europës… Është pak por e saktë: Shkolla e bukurisë së Shqipërisë ka luksin të ketë më të mirët profesionistë në fushën e mësimdhënies dhe trajnimit. Dhe jo një shkollë dosido: por një institucion arsimor si TESS që prej më shumë se pesë vitesh ka ngritur me disa shkallë më lart atë që ofron për studentët e vet. Studentë që vijnë jo vetëm nga rrethe të ndryshme, por edhe nga profesione të ndryshme. Dhe rrugës së jetës, me vështirësitë e veta, kanë zbuluar, se dashuria dhe pasioni për të bukurën, i ka orientuar drejt një shkolle profesionale siç është Tirana Esthetics & Style School, apo TESS, siç i thonë të gjithë. Në TESS, asgjë nuk i lihet në dorë rastësisë. As planet mësimore, as curricula, as trajnimet, e as profesorët e huaj, ata, më të mirët në fushën e bukurisë. Siç ndodhi këtë fillim shkurti, kur në Tiranë, në Tirana Esthetics & Style School mbërriti një prej emrave më të njohur të fushës së kozmetologjisë në Europë, madje dhe në botë, Umberto Borellini. Për ata që nuk e njohin zoti Borellini është diplomuar për Farmaci në Trieste, i specializuar në Shkencën dhe Teknologjinë e Kozmetikës në Universitetin e Milanos dhe në Psikologji në Universitetin Shtetëror të Shën Petersburgut. Borellini ka ndjekur specializimin në Kozmetologji dhe ka marrë pjesë si folës, në kongreset më të rëndësishme ndërkombëtare. Ai është pjesë e SICC, Shoqëria Italiane e Kimisë dhe Shkencave Kozmetologjike që nga viti 1989, si dhe anëtar i bordeve të ndryshme shkencore si IRDEG, AMIA dhe SKINECO, si dhe është anëtar nderi i CIDESCO. Aktualisht jep mësim për kozmetologjinë në shumë Universitete si: Roma Torvergata, Pavia dhe Camerino, shkolla specializimi SMIEM- SIME dhe është drejtor didaktik, i shkollës profesionale estetike BSA në Lugano. Gjithashtu është i ftuar të marrë pjesë si folës dhe kryetar në kongrese shkencore në Itali dhe jashtë saj. Ai trajnoi me pasion dhe profesionalizëm studentët e TESS - Tirana Esthetics & Style School dhe iu përgjigj çdo pikëpyetje që kishin për kozmetologjinë moderne dhe çështje të mprehta që shqetësojnë fushën e kozmetologjisë dhe sektorin farmaceutik. Mesazhi i tij ishte i qartë dhe i fuqishëm: "Vetëm përmes dijes dhe njohjes së thellë, ne do të mund të projektohemi përkundrejt një bukurie, e cila, nuk i përket vetëm pamjes së jashtme, por brendisë së shpirtit, trupit dhe mendjes. E tillë bukuri, në të cilën, qëndrojnë të ndërthurura, në harmoni të plotë, elementët e një individualiteti unik." Kur pyetet sesi kaloi nga farmacia në psikologji dhe më pas në kozmetologji, profesor Borellini buzëqesh. “Kur isha në shkollën e lartë, kishte disa lëndë me zgjedhje të lirë. Unë zgjodha Kozmetologjinë, sepse kisha krijuar idenë se aty do të gjeja më shumë goca…. (qesh)”. “Por në momentin që nisa të njihesha me këtë lëndë kuptova se gjërat nuk ishin aq të thjeshta sa dukeshin në impakt të parë, pasi kjo ishte një fushë tepër delikate dhe nuk mund të bëhet shaka me këtë fushë. Këtë përgjegjësi kaq të madhe, ma trasmetoi edhe profesori im i parë, në lëndën e kozmetologjisë”. Për ata që nuk e njohin Kozmetologjia është një shkencë “e butë”, që do të thotë se ke të bësh me kujdesin e lëkurës, flokëve, thonjve... Është një profesion që të lejon shumë krijimtari dhe është njësoj si të jesh një muzikant, siç e krahason profesori. “Ti frymëzohesh nga diçka dhe pikërisht në atë moment nis të shkruash disa nota, më pas ulesh në piano për t’i luajtur. Dhe mua e njëjta gjë më ka ndodhur: Unë jam gjatë gjithë kohës duke lexuar libra, revista, duke hulumtuar, duke bërë përzierje kimike, pasi kjo fushë është e pafundme dhe të jep ty shumë hapësirë, për të krijuar gjëra të bukura. Në këtë aspekt pasioni im për fushën e kozmetologjisë sa vjen dhe bëhet edhe më i madh” thotë Borellini. Por për të, puna me këtë lloj shkence, ka një lidhje të pashmangshme me frymëzimin, muzën, gjiththçka që sheh e kërkon ta kthesh në art. Si muzë të vetën profesori i nderuar ka zgjedhur natyrën, dhe këtë ua tregoi edhe studentëve të TESS që e dëgjonin me kërshëri gjatë leksioneve që ai dha për ta. Për të, nuk ka asnjë njeri që nuk e pelqen natyrën. Të gjithë kanë mënyrat e tyre sesi e dashurojnë natyrën, por aty kthehen herëpashere. “Vetëm në natyrë marrim substancën që vërtet na ndihmon në punën tonë krijuese” thotë profesori. Por ndërkohë që kalon nga një sukses te tjetri, nga një konferencë ndërkombëare te tjetra, ka diçka më vete në këtë industri që profesori thotë se e diferencon nga të tjerët. “Mua personalisht më ka diferencuar fakti që kam lidhur psikologjinë mirëqënien mendore me pjesën kozmetologjike, që do të thotë nëse të gjithë flisnin vetëm për psikologjinë ose kozmetologjinë unë bëja lidhjen e të dyjave, komunikoja të përbashkëtat dhe të veçantat”. Cila është motoja juaj që nuk e keni harruar asnjëherë në çdo trajnim që keni realizuar? Një fjali që e them gjithmonë është që të gjithë profesionistët e bukurisë: të gjithë kozmetologët duhet ta njohin lëkurën si një dermatolog profesionist, deri aty ku nis studimi i sëmundjeve. Vetëm përmes dijes dhe njohjes së thellë, ne do të mund të projektohemi përkundrejt një bukurie, e cila, nuk i përket vetëm pamjes së jashtme, por brendisë së shpirtit, trupit dhe mendjes. E tillë bukuri, në të cilën, qëndrojnë të ndërthurura, në harmoni të plotë, elementët e një individualiteti unik. Profesori ka edhe një komunikim shumë të rëndësishëm për të gjithë personat e apasionuar pas kozmetologjisë. Sepse ai vetë nuk e ka studiuar këtë shkencë vetëm në Itali, por edhe në Universitetin Shtetëror të Shën Petersburgut, pasi në asnjë moment nuk e ka kufizuar veten, vetëm në literaturat në vendin e tij. Dhe kur vjen puna te gjeografia si nocion me vendet e ndryshme, shpjegon me shumë entuziazëm natyrën e tij hulumtuese dhe çdo fjalë e shoqëron me lëvizje të duarve e gjestikulacioneve. Ka një moshë të caktuar, se kur duhet të nisim të përdorim produktet që na ndihmojnë në mirëmbajtjen e lëkurës tonë? Duhet të nisë në periudhën e pubertetit, duke nisur të përdorësh një larës të mirë, një krem hidratues të mirë që të bën ty të ndihesh mirë, si në aspektin pasiologjik edhe në aspektin fiziologjik. Pak pyetje klishe por me siguri duhet të keni edhe ju një sekret për të gjitha sukseset që keni arritur? Më paguajnë për të bërë atë që më pëlqen mua të bëj më shumë në jetën time. Unë argëtohem me këtë punë, madje nuk e shoh fare si punë. Tani që ke trajnuar edhe studentët e TESS, i ke parë më nga afër dhe besojmë se e ke një përshtypje për kujdesin e shqiptarëve për pamjen e jashtme? Nuk kam pasur shumë kohë të takoj shumë njerëz, meshkujt nuk i kam parë fare, por një gjë që më ka tërhequr vëmendjen është se bukuria e vajzave apo grave këtu është shumë natyrale, gjë që e kam hasur shumë pak kohët e fundit në Itali dhe akoma më pak në Evropë… Midis grekes dhe orientales do ta përkufizoja bukurinë shqiptare. Alnisa, ekselentja me 10-ta që zgjodhi të ndjekë Pasionin në TESS Ajo është një nga ato vajza me flokë të gjata, që gjithë kohën në shkollë ka qenë me 10-ta. Ëndrra e saj ishte universiteti. Por meraku përbrenda ishte se pasioni shkonte tjetër kund, tek e bukura. Dhe shkolla i doli për gjuhë-letërsi. Mendoi me vete se në TESS, shkollën që e kishte parë nëpër reklama mund ta ndiqte më vonë, filloi universitetin në letërsi. Po aty kuptoi se kishte gabuar: në fund, do të donte të bënte atë që kishte pasion, dhe në kohën e lirë të mund të lexonte dhe libra… Alinsa Zenkollari është një studente ekselente e cila studion në profilin Hair Artist në TESS. Ajo shpjegon me shumë pasion e nostalgji, momentin e parë që dëgjoi për këtë shkollë dhe shikon një reklamë në TV, ku informohet më shumë se cilat janë degët që ajo mund të ndjekë. Mund të kishte zgjedhur çdo degë tjetër që do të dëshironte. Si një studente ekselente dyert i kishte të hapura kudo. Por, ndoqi zemrën, pasionin. Janë pikërisht ato të duhurat për të qenë pranë një shkolle të tillë. Të duash atë që do të bësh, e do të bëhesh. “Unë isha me 10-ta absolute në 9-vjeçare dhe në gjimnaz dhe në momentin që duhet të vendosja mes pasionit tim për të studiuar letërsi në një universitet shtetëror apo për tu regjistruar në TESS, unë gjodha të studioja Gjuhë – Letërsi Shqipe, duke menduar se në TESS mund ta ndiqja pasionin tim në një moment të dytë pasi të diplomohesha. Por gjatë vitit akademik, kuptova që dashuria ime për letërsinë ishte për kohën time të lirë, ku unë mund të lexoj dhe të shkruaj. Dashuria ime për t’u bërë një Hair Artist ishte shumë herë më e madhe, ndaj ndërpreva studimet dhe iu dedikova plotësisht TESS-it” thotë Alinsa me sytë që i shkëlqejnë nga zgjedhja që ka bërë. E ndërkohë që ndoqi pasionin, kur hyri për herë të parë në auditoret e TESS pa se edhe aty kishte libra. Pra duhet të lexoje shumë që të bëheshe një profesioniste e mirë, përveç praktikës. Siç thotë studentja ekselente, kjo nuk ishte pastaj shumë e vështirë, sepse çdo ditë shkon me dëshirë në shkollë. Pasi e di se dita nuk do t’i ngjajë ditës tjetër, duke qenë se leksionet jepen nga profesionistë të vërtetë, brenda dhe jashtë vendit. “Këta profesionistë nuk na mësojnë vetëm gjërat sipërfaqësore, ne e mësojmë çdo gjë që në gjenezë, lëndët janë shumë voluminoze por mënyra sesi na i shpjegojnë na ndihmon shumë, si në teori ashtu edhe në praktikë. Në këtë shkollë na trasmetohet një disiplinë shumëdimensionale, na trajtojnë sikur të kishim sallonin tonë dhe si do t’i trajtonim ne klientët tanë të ardhshëm, për t’i ofruar një shërbim të profesionalizmit më të lartë” thotë Alinsa. Dhe duke nisur jetën e saj universitare me moton “bëj se çfarë ti ndjen”, Alinsa zgjodhi pikërisht ta vërë në zbatim të plotë. Ëndrrën e vet ta bëjë realitet, duke studiuar dhe duke u praktikuar çdo ditë e më shumë. Alinsa një vajzë elegante me flokë të gjata ngjyrë gështenjë, para se të regjistrohej biseda jonë më tregonte se kjo shkollë i ka ndryshuar tërësisht stilin e jetës, i ka dhënë vetëbesimin se ajo mund të vishet si një latine edhe përse jeton në Tiranë, fytyra e saj mund të shkëlqejë si koreane në çdo orë të ditës dhe se çanta e saj me literaturat dhe laptopin kudo me vete rëndon më shumë sesa çanta e një studenteje që studion përballë shkollës TESS. Alinsa përse TESS dhe jo një shkollë tjetër profesionale? Unë mund të flas vetëm për TESS, pasi këtu kam eksperiencën time dhe shumë fakte për t’i ndarë edhe me miket e mia kur më pyesin. TESS sepse merr mësime nga një mjeke profesioniste, nga një dermatologe, flas për informacione që nuk bëhet shaka sepse floku nëse nuk pritet mirë mund të rritet përsëri, por një trajtim i gabuar në lëkurën e klientit nuk ka kthim pas. TESS sepse jo çdo gjë mund ta mësosh vetëm me një praktikë, ka gjëra për të cilat të jepet më shumë dhe të tjera më pak, por një gjë është e sigurt se personi që e ka marrë përsipër të ta mësojë është aty me ty si në klasë, si individualisht derisa t’i ta kesh të qartë sesi bëhet, më pas e ke vetë në dorë ta praktikosh apo jo. Është një shkollë ku mjafton të bësh një shkrepje të fytyrës time sa herë që mbërrij dhe hap derën, e kupton se çfarë është për mua. Në fund, doja ta pyesja se kujt ja sugjeron të studioj në TESS por nga energjia që më trasmetoj Alinsa, ndryshova edhe pyetjen. Kam përshtypjen se ti nuk ja sugjeron kujtdo këtë shkollë, por vetëm atyre që e kanë me shumë pasion? Këtu dua të ndalem, këtë shkollë unë jua sugjeroj atyre personave që e kanë me shumë pasion dhe që në adolëshencën e tyre e kanë shprehur dëshirën për çdo gjë që ka lidhje me të bukurën, të ndjerit dhe të shfaqurit. Atyre që duan të zgjerojnë njohuritë e tyre në këtë fushë, pasi në këtë shkollë mësohet çdo gjë nga e para. Atyre që kur lexojnë lumturinë në sytë e mamit, motrës apo shoqes së ngushtë, tek i krehin apo stilojnë flokët, po aq të lumtura janë edhe ato. Mbase çdo profesion kërkon pasion dhe dashuri por ky në veçanti kërkon një pasion të pashterueshëm.

TESS – Shkolla e bukurisë në një shkallë tjetër, profesori ndërkombëtar në auditorin shqiptar

Nga Besjana Lika

Artikuj të ngjashëm Artikuj

IGLI CARA, durrsaku që do të ngrejë në fron Dyrrahun

Mario Ashiku, një dashuri, shanse të dyta dhe një jetë e jetuar bukur (si vetë ai)

Mimika Luca, Jetoi dhe dashuroi historinë e saj

Belind Këlliçi: TIRANA që duam do fitohet nga zemra dhe shpirti i banorëve të vet!

Hola Albania! Melias Hotels mbërrin në Shqipëri, destinacion pushimesh i pazbuluar

Ervin Salianji: Veliaj ka mbyllur sytë pa lejen e Ramës? Ata janë bashkë me OLIGARKËT

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

SONDAZHI/ Si ndahen votat për Tiranën e Shqipërinë

Mimika Luca, Jetoi dhe dashuroi historinë e saj

Milioneri amerikan që zhvati 250 mijë franga ari nga Banka e Shqipërisë

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Perëndesha Shqiptare e Spiunazhit botëror, historia e panjohur e Zejnep Vlorës

“GOGOLI” McGonigal dhe vullkani i ndezur i Ballkanit

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?