Superliga Shqiptare, Një Kothere

Revista NEWSBOMB.al sjell një investigim për klubet e Superiores të futbollit në Shqipëri; Borxhe të mëdha në Tatime, paga minimale të deklaruara për lojtarët… Ndërsa pagat reale të “yjeve” paguhen në të zezë.

Do të shkosh të luash në Shqipëri, kam gjetur një skuadër të mirë për ty”, u dëgjua zëri i menaxherit që nxitimthi kërkonte t’i mbushte mendjen për të mos i dëgjuar pyetjet; “Pse, qysh, tek?!”, lojtarit të tij që padyshim do të bënte diferencën në Kategorinë Superiore. Do të vinte të luante në një klub me histori në dekadën e fundit në kampionatin shqiptar. Të paharrueshmet ishin shkruar në fushë, por shpesh gojëdhënat kishin nxjerrë nga zyrat e Kukësit ngjarje të çuditshme që mund të ndodhnin vetëm në një vend si Shqipëria. Vesel Limaj mori ‘rraqet’ në krahë dhe u nis për të provuar eksperiencën e re në Kategorinë Superiore.