“PATRONAZHISTËT”

Rrëfehet gazetari që zbuloi skandalin, Dorian Kodra: Databazën e gjeta lehtë, qarkullonte në shumë duar... Më 11 prill 2021, vetëm 2 javë përpara zgjedhjeve të 25 prillit, Lapsi.al publikoi “skandalin e patronazhistëve”, një databazë me të dhënat e 910 mijë votuesve në Tiranë. Ajo që u quajt më pas nga mediat e huaja një “Big Brother përgjimesh”, u bë temë e përditshme përplasjesh politike deri në zgjedhje. Por, jehona vazhdon edhe sot. Dorian Kodra është gazetari që publikoi për herë të parë artikullin me titull “Ja si na monitoron Rilindja nr. e ID, nr. e telefonit, vendet e punës për votuesit në Tiranë”. Në këtë intervistë për “Newsbomb”, Kodra tregon si ra në kontakt me databazën e të dhënave që dispononte PS. Zoti Kodra, si e zbuluat lajmin e patronazhistëve? Kishit dëgjuar më parë për një listë të tillë, shkuat ju tek lajmi apo erdhi lajmi tek ju? Jam interesuar për mënyrën se si funksionon sistemi i patronazhimit në Partinë Socialiste, fillimisht për shkak të ankesave që kisha dëgjuar nga punonjës të administratës shtetërore. Gjatë fushatës elektorale, shumë prej tyre ishin nën presion për të bërë pëlqime/ shpërndarje dhe komente për çdo status të kryeministrit Edi Rama dhe të kandidatëve të Partisë Socialiste në Facebook. Përndryshe kërcënoheshin me largime nga puna. Personalisht nuk kisha dijeni për ekzistencën e databazës me të dhëna personale. Kisha disa dëshmi për kërcënime nga puna dhe një memo që e hasa rastësisht në rrjetet sociale, e publikuar atëherë nga aktori Jul Deda ku përmendej “patronazhimi”. Nisa të pyes pikërisht për fenomenin e presioneve në administratën shtetërore. Më rezultoi se puna e patronazhistëve ishte dixhitalizuar dhe dirigjimi i të gjithë sistemit ishte perfeksionuar më tej. E vërteta është që databazën me të dhënat personale e kam gjetur lehtësisht gjatë ditëve të fushatës në radhët e anëtarëve të PS. Kishte edhe socialistë apo socialiste të pakënaqura nga një rrjedhje e tillë të dhënash. Numrat e telefonit të gjithsecilit kishin rënë edhe në duar të gabuara. Duke qenë se ishte krijuar pikërisht për t’u përdorur në fushatë, databaza qarkullonte në dijeninë time në shumë duar. Jo rastësisht, u shpërnda menjëherë, sapo kolegë nga media të tjera mësuan për ekzistencën e saj. A prisnit të kishte aq reagim? Një lajm i tillë do të konsiderohej “scoop” nga çdo gazetar, por që do të merrte përmasa të tilla, nuk e mendova. As nuk e kisha imagjinuar, që prokuroria do të hetonte drejtuesit e portalit Lapsi.al dhe që do të tentonte të sekuestronte kompjuterat e redaksisë dhe celularët e gazetarëve. Kjo ishte e paimagjinueshme. Grumbullimi dhe kryqëzimi i të dhënave për 910 mijë banorë të Tiranës ishte e pamundur të “shpikej” nga gazetarët. Pse mendoni se nuk ka asnjë të penalizuar për këtë rrjedhje të dhënash? Në intervistën për Lapsi.al, burimi i lajmit më ka rrëfyer se sistemi që përdorin drejtuesit politikë të Partisë Socialiste në qarqe është shumë më i sofistikuar se databaza që u publikua. Besoj se askush nuk do të penalizohet për këtë, pasi një sistem i tillë kontrolli mbi zgjedhësit do të vazhdojë të përdoret edhe në zgjedhjet e tjera dhe institucionet tona të drejtësisë ende nuk e kanë ende fuqinë të godasin në nivelet më të larta të qeverisjes. Prokuroria nuk trokiti asnjëherë në dyert e zyrave të fushatës zgjedhore të asnjë partie për Tiranën.

Artikuj të ngjashëm Artikuj

IGLI CARA, durrsaku që do të ngrejë në fron Dyrrahun

TESS – Shkolla e bukurisë në një shkallë tjetër, profesori ndërkombëtar në auditorin shqiptar

Belind Këlliçi: TIRANA që duam do fitohet nga zemra dhe shpirti i banorëve të vet!

Hola Albania! Melias Hotels mbërrin në Shqipëri, destinacion pushimesh i pazbuluar

Ervin Salianji: Veliaj ka mbyllur sytë pa lejen e Ramës? Ata janë bashkë me OLIGARKËT

Jozefina Topalli rikthehet: Lul Basha, të flasin ata që e njohin para 2005!

Artikujt më të lexuar

SONDAZHI/ Si ndahen votat për Tiranën e Shqipërinë

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

“Gardhet” politike të Artan Lames

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

TESS – Shkolla e bukurisë në një shkallë tjetër, profesori ndërkombëtar në auditorin shqiptar

David Kostelancik, ambasadori i ri amerikan që do “drejtojë” Shqipërinë

Pasuria e Ahmet Zogut

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

“PATRONAZHISTËT”

Rrëfehet gazetari që zbuloi skandalin, Dorian Kodra:

Databazën e gjeta lehtë, qarkullonte në shumë duar…

Mbështetni autorët dhe abonohuni në përmbajtje

Shkarko

Zblloko Artikullin