Pandora e RTSH-së, Leka Bungo: Milionat e abuzimeve, me skenarët, gazetarë e regjizorë

“TVSH-së i kanë ngrënë cicat, nuk i kanë mjelë qumështin; firmosin miliona për projekte pa skenar; jepen lekë për skenar kur kanë skaleta; një studio nuk u bë për 5 vjet, u favorizua privati; radio-dramat i faturojnë për filma…Ja si zgjidhet situata…” 78 vitet që ka mbi supe i kanë dhënë një barrë eksperiencë. Një jetë të tërë në skenë, aktor, skenarist, regjizor dhe në këtë moshë, në një eksperiencë të re, atë të Kryetarit të Këshillit të Radio Televizionit Shqiptar, i zgjedhur nga Kuvendi në mars të këtij viti me 77 vota. E tani që ka vënë këmbën në atë institucion, në një intervistë ekskluzive për revistën NEWSBOMB, hap kutinë e PANDORËS për abuzimet në RTSH, aty ku paguhen njerëz pa dorëzuar projekte; aty ku nuk ka drejtori, përveç drejtorit të Përgjithshëm, e ku 16 kanalet e TVSH-së janë një mish-mash, ku nuk e merr vesh i pari të dytin. Leka Bungo, flet për abuzimet e ish-drejtorit Thoma Gëllçi dhe enturazhit të njerëzve rreth tij. Thotë se po nuk pati reformë të plotë, kjo situatë nuk do gjejë asnjëherë zgjidhje. Jep edhe zgjidhjen për ndërhyrjen e rëndë kirurgjikale që duhet t’i ndodhë këtij institucioni. Ka pesë vjet që RTSH, ky institucion gjigand, është liliput sa i përket vlerave të produktit që nxjerr në ekranin e vogël. Për pesë vjet me radhë, TVSH nuk ka prodhuar një program artistik permanent. Pesë vjet me radhë, jo 5 muaj, as 5 javë. Ndërkohë që gjithë ekranet e tjera, qofshin edhe ato lokale më të humbura, kanë produkte të natyrës artistike, vec atyre informatike Zoti Bungo, këtë javë u arrestua nga SPAK ish-drejtori i Përgjithshëm i RTSH-së dhe tre punonjës. Për çfarë bëhet fjalë konkretisht? Nuk mund të jap një koment për këtë. Eshtë çështje që ka ndodhur jashtë meje dhe shumë kohë përpara se unë të nis punën si Kryetar i KD të TVSH-së. E kam mësuar diçka të tillë nga media, ndaj nuk i jap tagër vetes, të jap mendime apriorim apo të bëj supozime që më vonë të komentohen në mënyra të ndryshme. Problemi në RTSH, nuk është thjesht te ky tender. Unë personalisht, njoh, shoh dhe shtroj për diskutim probleme serioze që ka ky institucion. Ka pesë vjet që RTSH-ja, ky institucion gjigand, dhe me të vërtetë është gjigand për nga struktu - ra e administratës, për nga infrastruktura dhe shtrirja gjeografike në gjithë territorin shqiptar, është liliput sa i përket vlerave të produktit që nxjerr në ekranin e vogël. Kjo është kontradikta. Pse njerëzit, pse shqiptarët që paguajnë për të ndjekur RTSH-në, nuk e ndjekin, aq sa ç’ndjekin televizionet e tjera, qofshin ato kombëtare, apo lokale? Sepse ata kanë produksione që u intereso - jnë atyre më shumë, që janë me nivel të realizuar, me nivel artistik më të lartë. I trishtueshëm për gjendjen aktuale të RTSH është fakti se për pesë vjet me radhë, TVSH nuk ka prodhuar një program artistik permanent. Pesë vjet me radhë, jo 5 muaj, as 5 javë. Ndërkohë që gjithë ekranet e tjera, qofshin edhe ato lokale më të humbura, kanë produkte të natyrës artistike, vec atyre informatike. Më fal kryetar, kur thoni program ar - tisitik, Festivali në RTSH, apo programi i Vitit të Ri, nuk janë programe artistike? Apo janë njëherë në vit? Ato janë padyshim programe artistike, por ato janë njëherë në vit, ose katër orë në vit. Po të hu - lumtosh nëpër muajt, javët e ditët, do të shohësh një zbrazëtirë dhe një mungesë absolute… Po atëherë me çfarë mbushet progra - macioni i RTSH-së? Sipas asaj që kam ndjekur, sidomos që kur kam nisur këtë detyrë, produksioni kryesor mbështetet në biseda, në debate me kar - akter politik dhe shoqëror. Sa të tilla mund të ketë? Sa të duash, pa hesap me biseda në nivelin njëra më të ulët se tjetra. Janë të të njëjtit format, nuk ndryshojnë nga njëri-tjetri. Nuk ndryshojnë jo vetëm brenda për brenda transmetimeve në RTSH, por edhe ndaj formateve të TV-ve të tjera kombëtare. Eshtë bërë e modës tashmë, gjëja me e thjeshtë: kopjo një format dhe riprodhoje… Kur themi debat politik duhet të kuptojmë se edhe TV e tjera kombëtare kanë përditë emisione të tilla, edhe për shkak të klimës. Kostot e programeve në TVSH sa shkojnë? Buxheti i RTSH është një buxhet jo i krahasuesëshëm me buxhetet e vendeve reth e rrotull Shqipërisë, por është i mjaftueshëm për të realizuar produksione që janë të karakterit didaktik, politik, të karakterit shoqëror…është i përballueshëm me fjalë të tjera. Kur bëhet fjalë për cilësinë e realizimit të tyre, për të ftuarit që japin mendje në këto produksione, me duket se janë më të varfëra sesa ato të TV-ve të tjera. Për këtë arsye, nuk ka as shumë ndjekës. Mos ndoshta nuk paguhen mirë në TVSH? Se një gazetar që të vijë të japë kontributin diku kërkon një pagë të mirë. Dhe flasim për gazetarë që kanë vite në zanatin e tyre… Ky konstatim nuk është i saktë. Sipas përshtyp[1]jes time, gazetarët, qoftë edhe ata me emër që janë aktivizuar në RTSH, janë mirëpaguar. Ndofta jo më shumë sesa tre katër gazetarët e spikatur, por janë paguar mirë. Por në këndvështrimin tim, këtu ka pasur abuzime të dyanshme: nga drejtoria e Përgjithshme e RTSH dhe natyrisht e ish-drejtorit, i cili ka tagrin për të vendosur për produksionet televizive, si dhe nga realizuesit që kanë pranuar honorare për punë që nuk i kanë bërë. Dhe për mua ky është një moment shqetësues. Kjo është bërë, jo pa u menduar. Çfarë do të thotë “punë që nuk janë bërë”? Doni të thoni se janë bërë pagesa dhe nuk ka dalë emisioni? Jo nuk ka lidhje me këtë, përkundrazi, është bërë pagesa, ka dalë emisioni. Sipas gjykimit tim, një emision, një debat politik, nuk mund të ketë në bazamentin e vet një skenar të mirëfilltë, sepse skenari në radhë të parë është krijimtari… Jo, është skaletë emisioni… Po, atëherë sipas të gjitha ligjeve në Shqipëri, në gjithë institucionet mediatike, që nga koha e Adil Çarçanit e deri tani te koha e Edi Ramës nuk ka asnjë ligj, apo rregullore, që të paguhet shpërblim për skaletën, ose për sinopsin. Këtu është bërë abuzimi që nuk është i vogël. Janë vite të tëra, emisione me radhë e shumë gazetarë. Eshtë bërë për t’i shpërblyer, sepse tarifat ekzistuese të RTSH nuk i japin mundësi Drejtorisë së Përgjithshme të paguajë sa kërkon gazetari. Ndaj kanë abuzuar: është shtuar një zë në preventiv, në buxhet, që quhet Skenar. Nëse do të merrni skenarët që janë në projektet artistike që kanë ardhur për miratim, do të shihni që asnjëri prej tyre nuk është skenar. E megjithatë pagesat janë bërë për skenar. Ju doni të thoni se unë psh, si drejtuese e emisionit, kam shkruar se “kam ftuar katër persona, emisioni zgjat 60 minuta…do të kem lidhje telefonike me x person dhe ky është konsideruar skenar dhe është paguar? Po patjetër, vetëm ky e asgjë tjetër. Biles edhe në mënyrë më abuzive: mjafton t’i japësh fjalën një gazetari e t’i thuash “dakord… e kuptuam mendimin tënd. Urdhëroni ju tjetri…Po, dakord…edhe ju tjetri…po dakord…”… ky quhet skenar. Dhe për këtë ti merr 300 mijë lekë të vjetra në një emision? Po sikur ky emision që ka ndodhur rëndom të jepet tre, apo katër herë në javë, a i bie sipas lapsit, një pseudoskenar i tillë, i ashtuquajtur skenar të paguhet 240 mijë lekë, për një emision. Katër herë në javë i thonë gati 1 milionë lekë të vjetra. Por katër javë, i thonë 4 milionë të vjetra. Pra janë 4 milionë lekë të vjetra të marra për një punë që ti nuk e ke bërë. Se nuk është se e ke shkruar skenarin. Nuk po flasim këtu që ti ke një skenar pak më të mirë, apo një skenar shumë të mirë. Ne po flasim që është paguar “një hiç”- skenar. “Një asgjë”- skenar. Ky është abuzim. Si operohet në RTSH, me projekte, apo në bazë të vendimit të drejtorit, apo të KD? Si ndahet programacioni? Në shkatërrimin e strukturave të RTSH sidomos këto pesë vitet e fundit, ka një kontribut të suksesshëm ish-drejtori i përgjithshëm, Thoma Gëllçi. Nuk besoj që në botë të ketë një radiotelevizion pa drejtori programacioni. E pra, te ne Drejtoria e Programacionit nuk ekziston. Për ironi të fatit, janë fshirë gjithë drejtoritë. Dhe ndryshe nga gjithë televizionet, ka vetëm një drejtor, dhe ai është i përgjithshmi, Thoma Gëllçi. Të tjerët quhen përgjegjësa… Po si janë fshirë? Janë fshirë nga struktura. Është bërë ristrukturim në bazë të statutit pesë vite më pare. Strukturat janë ndërtuar në atë mënyrë që të mos ketë drejtori, por thjesht përgjegjës njësish. Flas për drejtorët e mëdhenj… Dmth TVSH nuk ka drejtor programacioni? Jo jo, ka një drejtoreshë programacioni për një kanal. Por të mos harrojmë, TVSH ka 16 kanale që është budallallik. Pse ju sa mendoni? Mendoj se tre kanale janë mjaftueshëm. Dhe kryesorja që unë do të propozoja është që një kanal, ti jepet në menaxhim opozitës. Si kombinojnë kanalet me njëri-tjetrin? Ajo është rrakapjekthi, thonë tiranasit. Sot, tvsh 1 jep një film, psh “Furtuna”; po këtë film, po sot e jep kanali 4, se nuk e ka idenë që e ka dhënë i pari. Po këtë film, e jep në darkë, një kanal tjetër… E kush i kordinon këto? Absolutisht askush, përveçse rastësia. Ka pasur raste kohët e fundit që është dhënë i njëjti dokumentar tre herë rresht në të njëjtin kanal. Më fal, ju thoni se nuk ka pasur programacion artistik. Ju thoni se ka 16 kanale. Me çfarë mbushen? Kjo është drama e madhe që ka lindur nga ndryshimet donkishoteske që ka bërë Gëllçi kur ka ardhur këtu, sepse ka dashur të bëjë një reform alla pjetri i madh, që të çudisë mediat dhe nga dy kanale që kishte RTSH e ka çuar në 16. Secili kërkon ushqim. A ka produkt RTSH që t’i ushqejë? Eshtë si një kuzhinë që ka kusi, tenxhere, pjata, aq sa për të ushqyer një restorant me katër tavolina. Befas duhet që kjo kuzhinë të ushqejë tërë restorantet e Shqipërisë. Kjo ka ndodhur. Ndërkohë që arkivi qendror i RTSH që është pasuri e jashtëzakonshme… A ka më arkivë apo jo? Arkivi ekziston në teori, por është keqtrajtuar deri në atë masë sa të dhimbset. Tani rijepen e rijepen filma e koncerte të bëra dhe stërbëra me nga 10 herë, brenda një muaji. Krijojmë përshtypjen se tallemi me ata që na ndjekin. Dhe ata që na ndjekin, duket se tallen me ne kur i shikojnë. Kjo është drama më e madhe që ka RTSH sot. Një pjesë e vogël është digitalizuar. Produksionet e vjetra me vlerë, të artistëve të mëdhenj, veprat e mëdha, janë të heshtura në magazinat e arkivës, të pa-digitalizuara, nuk transmetohen. Për dixhitalizim, kërkohen shumë fonde që ne nuk i kemi. E, meqë kjo mungon atëherë o burra, për të mbushur 16 kanale, punonjësit ripërsërisin të njëjtat gjëra. Ne si qytetarë bëjmë gabim që paguajmë atë 100 lekëshin te fatura e energjisë përsa kohë programacioni është këtu…Nuk ka prodhim si më parë, filma, dokumentarë? Eshtë minimalizuar çdo produksion. Unë po them një fakt tjetër që është po kaq i rëndë: fëmijët kanë nevojë për ushqimin e ekranit televiziv për moshën e tyre. Këtu, është zhdukur programi për fëmijë. Eshtë zëvendësuar me gjellëra të gatshme. Pra nuk gatuajnë nënat. Siç bënin më parë, Marika Kallamata, programe përralla, mblidhte fëmijët para ekranit; një mësuese jepte mësim; dy aktorë që bënin përralla fëmijësh…tani kemi këto industrialet. Dmth, blejmë të drejta për të shfaqur filma multiplikativë, paguajmë mijëra e mijëra euro për t’i blerë dhe i transmetojmë ata për fëmijët, ndërkohë që atyre u mungon filmi shqiptar, ngjarja shqiptare, atmosfera shqiptare. Po këto mijëra e mijëra euro, pse nuk paguhen për aktorë fëmijësh dhe të futet programacion fëmijësh që është e vërtetë se mungon… Po pse të futen, kur këto krijojnë më pas mundësira të tjera për ata që i bëjnë këto punë dhe për abuzime. Për të bërë një program fëmijësh do t’i harxhosh këto para. Ndërsa këtu, nuk merret vesh se çfarë bëhet. Shkojmë të gjejmë rrugën më të thjeshtë dhe më të lehtë. Pa kokëçarje. I blejmë të gatshme dhe i transmetojmë të gatshme. Po kështu ndodh dhe me programet e tjera. Ne blejmë filma e programe dhe nuk bëjmë programe. Ne tani filluam për herë të parë pas pesë vitesh, satirë politike, njëherë në javë, çdo të shtunë. Kjo do të shoqërohet me një program tjetër artistik që po projektohet, sepse vendimi i KD është që në RTSH të krijohet trupë permanente artistike, me balet modern, me orkestër, me aktorë, skenaristë, regjizorë, në mënyrë që t’i dhurojë spektatorit shqiptar programe artistike të përjavshme. Ajo që ti më thua, se, nuk e shohin shqiptarët RTSH, është e vërtetë. Por, kaq e vërtetë është tjetra, se, te ne, nuk ka reklamë. Një televizion që nuk ka reklamë, tregon se nuk ka shikueshmëri. Te ne reklama vjen në një moment të caktuar. Kur ka programe madhore siç është rasti “Champions League” që spektatori shqiptar është i adhuruar. Sa mbaron kjo, nuk ke më asnjë reklamë. Dikur në TVSH prodhoheshin seriale, filma. Nuk prodhohen më? Nuk ka regjizorë apo skenaristë? Aktorë? Të gjitha janë. Por ka pasur mungesë vullneti. Krijimtaria është gjë e vështirë, kërkon regjizorin, skenaristin, aktorin e mirë dhe buxhetin. Por për t’i rënë më shkurt, kanë gjetur rrugë të thjeshta. Këto janë bërë me pikatore. Aq pak, sa duket sikur nuk ka. Ka abuzime në këtë fushë? Që të merren programe të gatshme? Kemi shembullin e këtij filmit të tanishëm që është dorëzuar për t’u xhiruar “Dyqani i lagjes sonë”; është aprovuar buxheti; është dhënë urdhëri nga Drejtori i Përgjithshëm për t’u ekzekutuar. Është likuiduar dekori i filmit që ka mbaruar dhe kur kemi pyetur se cili është skenari na është thënë se: “akoma nuk ka ardhur”… Janë dhënë lekët pa skenar? Nuk ka ardhur skenari. Për të rregulluar këtë gafë, këtë mungesë logjike në marrëdhëniet me produksionin, dy muaj e gjysëm më pas, u dorëzuan disa skenarë, si skenarët e këtij filmi, ndërkohë që nuk kanë lidhje me këtë film, por janë tekste radiodramash me të njëjtin titull që RTSH i ka transmetuar para pak kohësh dhe i ka paguar. Tani në vendimin e fundit, është se duhet të paguhen si skenarë. Për sa lekë bëhet fjalë? Rreth 75 milionë lekë të vjetra. Gjëra të kësaj natyre janë të rralla, por ama ndodhin. Për fat, u kap në fillim kjo mbrapshti dhe u pengua vazhdimi. Janë dhënë vetëm 18 milionë lekë të vjetra të dekorit që tani nuk i hyn në punë dreqit, ka shkuar kot. Janë ca dërrasa që kanë ngelur në magazinë. Po studiot? E shohim se ka mbetur kjo godinë, por shohim tv e tjera që gjithmonë promovojnë studio të mëdha dhe pompoze… Kjo është një kërkesë normale e domosdoshme për nje radiotelevizion siç është ky. Dhe këtu ka luftë e abuzime. Vonë, u verifikua se shteti na ka dhënë në përdorim një atelie 1250 metra katrorë në ambientet e Kinostudios. Për 5 vjet me radhë askush nuk është interesuar, s’e ka parë e s’e ka prekur kush, pale për ta marrë, për ta adaptuar dhe për ta futur në punë për produksione të RTSH. Pas 5 vjetëve, çertifikata për pronësinë e saj u mor me lehtësinë më të madhe. Dhe e dyta, u futën dhe ca mbrapshtina që sillnin pengesa, të qëllimshme mendoj, në mënyrë që televizioni të mos hynte atje, sepse privati, kishte blerë tokën për vete dhe nuk kishte lënë rrugë për të hyrë në atelje. Por kjo u zgjidh lehtësisht me Ministrinë e Kulturës. Ishim në një situatë që kishim një studio që s’e ka kush, e që nuk vihej në punë (askush s’e di pse), por të gjithë dyshojnë (se…). Ju jeni kryetar i KD, nuk keni tagrin të merrni masa? Të shkarkoni njerëzit nga detyra? Të gjitha këto sa po them sot për ju, janë ngritur në KD dhe për këtë janë vënë në dijeni dhe drejtuesit e përkohshëm. Deri tani nuk janë marrë masa konkrete. Kush duhet t’i marrë masat? Masat do t’i marrë Drejtori i Përgjithshëm, i riu, që pritet nga dita në ditë. Ai merr masa ekzekutive. Ne jemi KD që kontrollojmë drejtorin, ligjshmërinë, strukturat, programacionin etj. Vetëm një njeri mund të zgjidhë këtë lloj problematike? Drejtori i ri, ka tagrin të zgjedhë stafin e tij, sepse aktualët kanë rënë, sipas ligjit. Në momentin që Drejtori i Përgjithshëm mbaron mandatin, të tërë drejtorët e tjerë, i televizionit, i teknikës, i sektorit të lajmeve, janë të rënë. Por ata për inerci vijojnë detyrën, përsa kohë nuk ka ardhur drejtori i ri që do të bëj propozimin për të zgjedhur stafin e ri. Dhe bashkë me stafin, ai do të ketë lëndën e nevojshme që e kemi trajtuar këto tre muaj për të bërë disa zgjidhje emergjente dhe afatgjatë. Me gjithë këtë gjendje, duket se TV është në gjendje kome, dhe për ne qytetarët vjen kjo gjendje. Me gjithë këto fonde, me gjithë këta njerëz në strukturë, si ka mundësi që jemi në vitin 2021 dhe nuk ka rezultat? Eshtë lënë e qëllimshme? Ka dashakeqësi? Cila do jetë zgjidhja? Dhe 10 drejtorë nuk e zgjidhin dot këtë. Ajo që e zgjidh është reforma e vërtetë. Deri tani janë bërë pseudoreforma. Këta që kanë qenë drejtorë, unë do t’i quaja “grimierë”. Këta janë marrë me grimin e institucionit. Sot e 20 vjet të shkuara, drejtorët e përgjithshëm janë marrë më gjëra anësore, jo me reformën e vërtetë. Cila është kjo reformë? Duhet shkundur nga themelet i gjithë institucioni, bashkë me strukturat e veta, drejtoritë, Këshillin, Komisionin e Medias në Kuvend, në atë mënyrë që më në fund t’u besohet njerëzve që e bëjnë këtë punë dhe jo atyre që vijnë në këtë punë se janë baxhanakër, kunetër, apo miq të atyre që janë në pushtet. Pra, ju thoni se TVSH i kanë mjelë qumështin? Jo, jo, për mua TVSH-së i kanë ngrënë cicat; për të mjelë, e kanë mjelë me kohë. Ai tani është pa cica fare. Ky është mendimi im. E kam bindje. Ju thoni se TVSH me këtë reform duhet të mbyllet? Një muaj, dy muaj, 6 muaj? Një vit? Personalisht unë kam mendimin që të ketë mbyllje të përkohshme, pa cënuar anën sociale të punonjësve. Por duhet bërë me ligj nga parlamenti. Mbyllja nuk duhet të jetë formale. Duhet bërë një studim me karakter profesional dhe organizativ për të gjithë strukturat që duhet të rikthehen në këtë gjigand mediatik. Të ngrihen komisione me specialistë dhe të risjellim në RTSH ata njerëz që e meritojnë. Pjesa që ikën është ajo që nuk i bën nder institucionit. Ata që kanë vegjetuar. Ata që po të vish këtu në orën 10, deri në orën 11 i ke nëpër kafene. Dhe sot e kësaj dite. Pra atëherë do të ketë një shkundje. Reforma të bëhet që njerëzit këtu të paguhen sipas performancës, dhe jo me rroga bazë. Se tani kemi, psh, 30 gazetarë që paguhen njëlloj, për punë të ndryshme. Nuk jemi në gjendje të diferencojmë gazetarët dhe kjo është arsyeja që të gjithë bëjnë sikur punojnë, sikur kërkojnë lajme dhe të gjithë gjejnë të njëjtin lajm. Sepse e njëjta rrogë është. Ndaj nuk merakosen. Të njëjtën gjë bën marketingu. Nuk vjen asnjë reklamë. Po ata rrogën e marrin. Janë mbi 10 punonjës. Rrogën e marrin, ama reklama s’ka. A e dini se ky propozim i juaji do të shkaktojë revoltë? Patjetër. Megjithatë, solidariteti duhet të jetë i mbështetur në logjikë e profesionalizëm. Nëse unë të kam mike dhe jam i bindur se ti nuk vlen për këtë punë, unë të kam mike për në kafene, por jo në studion e lajmeve. Atje do të vë kryq. Nëse duam të bëjmë diçka serioze, profesionale, që të mbahet mend që është bërë një reformë, unë mendoj se të gjitha të tjerat janë trukime, që i bëhen hundës, buzëve, veshit… Me kë mund ta bisedoni këtë, me kryeministrin? Kuvendin? Drejtorin e Ri? Kjo është një çështje e shtruar para opinionit publik. Pse jo referendum. Ky është television publik, dhe një referendum publik mund të japë ide për këtë çështje. Ju hapët një kuti Pandore në TVSH. A keni kërkuar ju një audit, një kontroll KLSH-je për të parë se deri ku kanë shkuar abuzimet në institucion? Me dokumentacionin që jam njohur, Auditi ka qenë krejt formal. Konkluzionet e KLSH që kanë ardhur dy muaj përpara, por nuk kanë goditur përgjegjësit. Në finale, konkluzioni lidhur me ish-drejtorin e përgjithshëm është ky: nuk japim opinion, sepse është hequr se i ka mbaruar mandati. Dhe çdo të thotë? Po gjithë ato letra me shkelje? Kush është përgjegjës? Ti ke frikë t’ia përmendësh emrin, sepse ka ikur? Drejtoria e Auditit varet nga drejtoria e përgjithshme. Drejtoria e përgjithshme i thotë auditit: me nxirr ti…kjo është mbrapsh me statut. Drejtoria e Auditit duhet të varet nga KD. Bordi artistik është zgjedhur i ri. Për herë të parë janë zgjedhur personalitete me dinjitet sipas mendimit tim, duhet të kenë varësi nga Këshilli Drejtues. Jo drejtorisë së përgjithshme, sepse bie në lojën e drejtorit për manipulimin e projekteve, apo miratimin e tyre. Këto janë probleme shumë profesionale. Mblidhet Bordi i Administrimit, ngre dorën për të miratuar një film artistik. Nuk ka lexuar skenarin, nuk e ka idenë pse bëhet fjalë por thotë: miratoj shumën e buxhetit. Po çfarë do të thotë “miratoj shumën e buxhetit”? A e kuptoni çfarë alogjizmi është ky? Dhe unë shtroj pyetjen: kemi një Këshill që janë specialistë për këpucët. I çon një palë këpucë dhe i pyet: si të duken? Ata thonë “të bukura, elegante, të rehatshme”. “Kaq” - i thotë Drejtori i Përgjithshëm, “deri këtu më duhesh”. Po si more deri këtu? Po sa lekë bëjnë, nuk do ta dish? Se këta e dinë më mirë sesa ti? Po jo pra, se ata janë artistikë. Po çdo të thotë artistikë? Pa vlerë? Ku ka artistikë pa vlerë? Më mirë se një regjizor që e di brendinë e filmit, e ka në mendje, kush e di? Bordi artistik, duhet të jetë zë i fuqishëm për të dhënë opsionin e vet. Bordi i Administrimit është i pavlerë këtu. Çfarë do të thotë? Aprovon lekët? Po pse? A e ke lexuar skenarin ti? Jo. Po ç’a do ti pastaj… Ti do më thuash mua, se në arkë ka “x” lekë që duhen përdorur? Këtë më thua? Dhe ç’ndodh? Në fund shkopin e ka Drejtori i Përgjithshëm. I cili përdor këtë dhe thotë: Vendim i Bordit të Administrimit. Po për çfarë e ke bordin artistik? Për të thënë se vepra është e mirë? Po ti si drejtor, ku merr vesh? Ti s’e ke lexuar skenarin? Si vë firmën ti dhe paguan një film 75 milionë lekë, kur ti s’e ke lexuar skenarin? Pra është handikap brenda institucionit që nuk lejojnë logjikën të veprojë por çojnë gjërat në lehtësimin e abuzimit, firmë, firmë, firmë…ky është problemi. Pra në thelb të reformës, janë edhe problemet e ristrukturimit organizativ, të ndryshimit të statutit. Ato duhen trajtuar nga komisionet e afta të Kuvendit në konsulencë me median dhe me njerëzit e medias që punojnë në RTSH. Pastaj, të vijmë në konkluzione. Ose lërë kështu siç është dhe kjo është gjëja më e thjeshtë në botë. Ti vazhdon transmeton, ata vazhdojnë të mos shofin. Të vjen keq që u arrestua Thoma Gëllçi? Më vjen. Padyshim. Nuk kam pasur ndonjë konflikt me të, por më vjen keq si intelektual dhe si figurë që ka qenë Drejtor i Përgjithshëm. Kam një gjë: nëse ai ka abuzuar dhe ka shkelur ligjin me koshiencë nuk më vjen aspak keq, që të përgjigjet para ligjit.

Pandora e RTSH-së, Leka Bungo: Milionat e abuzimeve, me skenarët, gazetarë e regjizorë

Artikuj të ngjashëm Artikuj

Belind Këlliçi: TIRANA që duam do fitohet nga zemra dhe shpirti i banorëve të vet!

Hola Albania! Melias Hotels mbërrin në Shqipëri, destinacion pushimesh i pazbuluar

Ervin Salianji: Veliaj ka mbyllur sytë pa lejen e Ramës? Ata janë bashkë me OLIGARKËT

Jozefina Topalli rikthehet: Lul Basha, të flasin ata që e njohin para 2005!

Të pathënat e një shkarkimi Elizabeta, një ‘MALOKE’ që u mund nga THASHETHEMI

Inxhinieri Nako Petro: Koncesion i Pompave të naftës, tregu nuk monitorohet

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

PËR HERË TË PARË 95 vjet i “fshehur”, zbulohet fjalimi pro-komunist i FAN NOLIT

Gratë që tradhëtuan “Rilindjen”

ALTIN DUMANI, frika e të mbeturit vetëm

Mimika Luca, Jetoi dhe dashuroi historinë e saj

Inva Mula: Unë sopranoja e parë shqiptare në skenat evropiane

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Pandora e RTSH-së, Leka Bungo: Milionat e abuzimeve, me skenarët, gazetarë e regjizorë

“TVSH-së i kanë ngrënë cicat, nuk i kanë mjelë qumështin; firmosin miliona për projekte pa skenar; jepen lekë për skenar kur kanë skaleta; një studio nuk u bë për 5 vjet, u favorizua privati; radio-dramat i faturojnë për filma…Ja si zgjidhet situata…”

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?