Olti Caci, kryebashkiaku që po ndryshon Sarandën

Oltion Caci, i zgjedhur në krye të bashkisë së Sarandës e sheh qytetin me sytë e biznesit dhe qytetarit. Cfarë duhet bërë më shumë për të tërhequr turistët? Si mund të përmirësojmë infrastrukturën e të jemi më pranë pushuesve me shqetësimet që kanë? Si mund të zgjerojmë hartën e aktiviteteve për ta bërë qytetin të dëshirueshëm për të gjitha stinët e vitit? Sepse Saranda është e bekuar nga Zoti, por dora e njeriut dhe ndërhyrjet pozitive vetëm mund ta pasurojnë më shumë larminë, shumëllojshmërinë e estetikën e këtij qyteti. Saranda që tani është përfshirë nga një rishikim rrënjësor dhe Olti Caci ka një imagjinatë shumë të gjallë duke ditur të kompozojë në qytetin që drejton nga gjërat e njohura, tek ato të panjohurat e befasueset. E që të besosh në këtë gjë, duhet të jesh i sigurt në veprimet dhe mbështetjen që ke. Në këtë rrëfim për Newsbomb.al, kryebashkiaku i Sarandës na tregon si për ndërhyrjet infrastrukturore aq edhe për kalendarin e aktiviteteve.

Nuk ka më asnjë dyshim se në Sarandë turizmi është një industri e fuqishme dhe një ekonomi fitimprurëse, ku janë investuar miliona Euro, si nga shteti edhe nga investitoret privatë. Si mund ta përcjellim këtë realitet me gjuhën e shifrave?