Mitingu me të papërzënshmit e Athinës

Të paentuziazmuarit nga tubimi i Kryeministrit shqiptar, Edi Rama, në Athinë me emigrantë dhe simpatizantë politikë të tij, e formuluan pak a shumë me një sofizëm dyshimin e tyre: ”Mos e kuqëm një ditë Athinën dhe na skuq një vit diplomacia e saj?!” Ky është skepticizëm që buron prej mendësisë së krijuar përgjatë realitetit të mbi 30 viteve të fundit, mes dy vendeve.

Në këto tri dekada, reciprociteti dhe sidomos pariteti, mes dy shteteve fqinjë në jug të Ballkanit, janë parime të munguara. Kjo asimetri ka qenë dhe ende mbetet, thelbësisht në fuqi. Interesat e veta, shteti grek i ka ndjekur dhe plotësuar me rigorozitet dhe përgjegjësi, ndonëse nuk është përballur me rezistencë apo partnerë seriozë apo edhe në të njëjtën lartësi detyre me përfaqësuesit shqiptarë.