Me ligj e ndërmjetësim si në SHBA

“Straife” kompania konsulente e menaxhimit të rriskut mbërrin në Shqipëri dhe hap në Tiranë zyrën për Ballkanin. Kush janë drejtuesit e firmës dhe cili është synimi në vendin tonë? Gjingandët amerikanë të ndërmjetësimit besojnë se Shqipëria ka potenciale të pashfrytëzuara, projekte të mëdha dhe është një vend që jep garancitë e duhura me drejtuesit e vet. Pse të gjithë besojnë se “Straife” do të jetë partneri i duhur për biznes… Për 35 vite me radhë i shërbeu shtetit amerikan dhe qeverive të ndryshme të vendit përtej Atlantikut, derisa vendosi që ekspertizën dhe dijet e veta t’i aplikojë më së fundi në sektorin privat. Është nga ata zyrtarë për të cilët fjala “burokraci e zyrave” nuk i shkon për shtat pasi, kudo ku ka punuar, është lidhur fort me terrenin. James G.Conway, 25 vite të jetës së tij profesionale i kaloi në FBI ku menaxhoi një numër të suksesshëm dhe kompleks investigimesh në fushat e krimit të organizuar, krimeve të dhunshme apo antiterrorizmit. Është një zyrtar e më pas diplomat amerikan që ka marrë pjesë në shumë investigime ndërkombëtare jo vetëm në SHBA, por edhe në Lindjen e Mesme, Europë dhe Amerikën Latine. Pas sulmeve terroriste të 11 shtatorit në SHBA, Conway u emërua si atashe ligjor me statusin diplomat në Meksikë ku fokusin kryesor e kishte në bashkëpunimin me FBI, kundër terrorizmin dhe counter-inteligence. Me një gamë të gjerë bashkëpunimi me NATO-n, Kombet e Bashkuara dhe polici të shteteve të ndryshme, karriera e tij profesionale pati veç rritje. Ardhja në Shqipëri Kushdo do të mendonte se çfarë e lidh emrin e këtij eksperti dhe diplomati profesionist me Shqipërinë. Por ai u shfaq fillimin e dhjetorit në Tiranë, në një partneritet më së fundi të vlefshëm për vendin tonë, kur kompania që ai përfaqëson “Straife” me qendër në Shtetet e Bashkuara të Amerikës vendos të hapë zyrat e saj për Ballkanin, pikërisht në Shqipëri, në Tiranë me kompaninë ligjore shqiptare Hyseni & Associates drejtuar nga ish-deputeti socialist Alket Hyseni. Të thuash se me një të rënë të lapsit, Conway vendosi me një të rënë të lapsit për Shqipërinë, do të ishte e gabuar. Siç e zbuloi vetë James, në prezantimin e partneritetit të ri në hollin kryesor të Sheraton mes përfaqësuesve të lartë të qeverisë e parlamentit por edhe të ftuarve të zgjedhur nga fusha të ndryshme kanë qenë javë e muaj negociatash të ethshme, duke përfshirë një skaner total që nga personazhet, dhe vetë realiteti në Shqipëri. Me mijëra faqesh dokumentash plotësuar, duke kaluar çdo hallkë e çdo filtër skanimi nga ana e zyrtarëve të kompanisë dhe ekspertëve të saj. Fundja, firma “Sraife” ka pikërisht këtë qëllim: të zbulojë partneritete të reja, të ndihmojë vendet në zhvillim në sektorët publikë e privatë dhe të ofrojë eksperiencën dhe ekspertizën e vlefshme ligjore për të pasur sukses edhe në rajonin e Ballkanit. Entuziazëm amerikan për firmën Joseph Fleming, bashkëthemelues dhe drejtues i Straife në Shtetet e Bashkuara të Amerikës tha se Shqipëria ka një potencial të jashtëzakonshëm për zhvillimin e biznesit. “Karakteri proeuropian dhe proatlantik që kemi parë në Shqipëri është unik e gati-gati i pabesueshëm. Mendojmë se Shqipëria ka mundësi të jashtëzakonshme, tanimë që Shqipëria synon të çojë përpara rrugën e vet drejt Bashkimit Evropian, por edhe të zhvillohet në nivel lokal” tha Fleming, tepër entuziast për hapjen e firmës në Shqipëri. Gjatë ditëve të qëndrimit në Tiranë, u takua me kryetarin e grupit parlamentar të PS, Taulant Balla me të cilin tha se kishin njohje dhe më të hershme nga takimet e zhvilluara në SHBA; por është takuar edhe me Prokurorin e Përgjithshëm, drejtorin e Pastrimit të Parave, apo ministren e shtetit Milva Ekonomi. Kontaktet e vendosura dhe vullneti i këtyre njerëzve për të çuar reformat përpara i krijuan bindjen se Shqipëria është vendi i duhur për të bërë biznes. Përse Shqipëria? Që një kompani amerikane si “Straife” vjen në Shqipëri, sidomos në vitin kur mes dy vendeve tona kremtohen mes aktivitetesh të ndryshme 100 vitet e lidhjes diplomatike, është në vetvete një sukses. Ka disa arsye, përveç gjetjes së partnerit të duhur, se pse zyrtarët e Straife vendosën që zyrën rajonale për Ballkanin ta hapin në Shqipëri: Më së pari se Shqipëria, si vend i Ballkanit Perëndimor, që prej 2009 është vend anëtar i NATO-s, çka e vendos vendin tonë në pararojë të vendeve partnere të koalicionit ndërkombëtar. Edhe Maqedonia e Veriut është vend anëtar i NATO-s, por paqëndrueshmëria politike atje, nuk krijon terrenin e duhur për të ulur këmbëkryq partnerë të besueshëm. Shqipëria është një vend që në korrikun e këtij viti çeli bisedimet e anëtarësimit në Bashkimin Evropian, si një mundësi e pakthyeshme e rrugëtimit të saj drejt familjes së madhe evropiane. Në një rajon ku Kosova dhe Serbia kanë ende udhë për të bërë për të zgjidhur mosmarrëveshjet e tyre; kur Mali i Zi vazhdon përpjekjet reformuese për shtetin ligjor dhe luftën kundër korrupsionit, e më kryesorja kur Shqipëria kontribuon si një aleate e palëkundur e qeverisë së Shteteve të Bashkuara të Amerikës në Këshillin e Sigurimit të Kombeve të Bashkuara me popullin më proamerikan në rajonin e Ballkanit, Straife, duket se nuk ka pasur zgjidhje tjetër më të mirë: u gjendën në Shqipëri, në kohën e duhur e vendin e duhur. Investimet amerikane në vend janë rritur, krahasuar me vitet e kaluara. Të dhënat e fillim vitit tregojnë se investimet amerikane në 2021 kapën shifrën e 151 milionë eurove, dhe këtu flitet për investimet private pa prezencën e ndihmës, donacioneve të agjencive të tjera jashtë sektorit privat. Janë thuajse 65 kompani me kapital tërësisht amerikan, 81 kompani kanë aksione të pjesshme me kompani amerikane dhe shumë të tjera me kapital shqiptar që aspirojnë të bëjnë bashkëpunime e shkëmbime tregtare me Shtetet e Bashkuara të Amerikës. Janë disa kompani amerikane me emër që operojnë sot për sot në Shqipëri. Duke përmendur këtu, Exon, Excelerate, Linden, Bechtel, Lockheed Martin apo në atë hoteliere tashmë Hyatt, Hilton, Marriot etj. Por, asnjëherë nuk mund të thuhet “mjaft”. Shqipëria ka ende potenciale për eksplorim. Kjo klimë e re bashkëpunimi, reforma në drejtësi që sipas zyrtarëve amerikanë ecën me ritme të shpejta, si dhe mundësitë e investimeve në sektorë ende “të virgjër” në vend, kombinuar me gjetjen e partnerëve të besueshëm, krijuan bazat e një terreni të shëndetshëm për Straife të zgjedhë Tiranën si destinacionin ku do të duhej të ulej për të shtrirë bashkëpunimin në ballkan. Gjetja e partnerëve në Shqipëri Alket Hyseni, ish-deputeti socialist, ishte mikpritësi i kësaj ngjarjeje madhore në ceremoninë që të shtunën e 4 dhjetorit mori vëmendjen kryesore ndryshe nga zhvillimet e politikës së vrullshme të brendshme në vend. Për të, ardhja e “Straife” në fillimet e veta dukej si një mision i pamundur. Sot, emri i tij si drejtor i Straife për Ballkanin, është vendosur në krye të faqes zyrtare të kompanisë, krah emrave të partnerëve të tjerë të kësaj firme. Më shumë se një vit morën kohë negociatat për firmën e tij “Hyseni and Associates” me zyrtarët e kompanisë “Straife” me ecejake të vazhdueshme mes Tiranës zyrtare dhe Hustonit ku firma kishte qendrën e saj të operimit. Dhjetëra takimet e kryera nuk kishin të bënin thjesht dhe vetëm me seriozitetin e firmës shqiptare, por me prezantimin e mundësive që do të kishte në Shqipëri dhe në rajon nëse “Straife” do të vendoste të ulej këmbëkryq në Shqipëri me investimin dhe ekspertizën e vet. “Çelja e zyrës së Straife në Tiranë është një tregues që Shqipëria po kthehet në një kryeqendër të Ballkanit. Ka interes jo vetëm strategjik, sikurse Ballkani ka tërhequr gjithmonë vëmendjen, por nuhatja e biznesit të eksperizës së Straife tregon se një interes të shtuar ekonomik. Projekti ynë i parë ka qenë ai i sjelljes në Shqipëri dhe në rajon të një kompanie shumë të madhe amerikane “Linden Energy”, projekt i cili kapërcen edhe qëllimet ekonomike për krijimin e një rrjeti të furnizimit me gaz që lidh Shqipërinë. Bullgarinë me pjesën tjetër të Europës” tha Alket Hyseni duke zbuluar një prej investimeve të fundit më të fuqishme të Shteteve të Bashkuara në rajon, me ekspertizën e specializuar të “Straife”. “Straife është një kompani globale e menaxhimit të rriskut dhe konsulencës, që ofron shërbime për individët, korporatat dhe qeveritë. Ekipi i Straife përbëhet nga ekspertë të fushave të ndryshme e që njihen ndërkombëtarisht si diplomatë, zyrtarë të agjencive ligjzbatuese, (FBI, CIA, FINCEN, Departamenti i Shtetit etj), ish krerë të lartë të qeverisë amerikane dhe kongresit, si dhe drejtues korporatash. Në sektorin privat Straife fokusohet në ofrimin e shërbimeve të menaxhimit të rriskut, duke përfshirë, por pa u kufizuar në përshtatjen me legjislacionin kombëtar dhe rregullatorët ndërkombëtarë, sigurinë kibernetike, investigime, strategji zhvillimore korporatash si dhe sanksionet ndaj korporatave dhe individëve. Në sektorin publik, Straife gjithashtu ofron asistencë teknike, trajnime, sigurinë kibernetike dhe zgjidhje të problemeve të ndryshme të sigurisë kombëtare” tha Hyseni përballë të gjithë të pranishmëve në ceremoni. Box Taulant Balla vlerëson kompaninë: E kam parë në Capitol Hill, e di se çfarë bëjnë Kreu i grupit parlamentar të PS, Taulant Balla, i pranishëm në këtë ceremoni inaugurimi tha se nuk do të kishte gjë më të bukur sesa mbyllja e vitit të festimeve të 100 vjetorit të vendosjes së marrëdhënieve diplomatike mes SHBA dhe Shqipërisë me ardhjen e kompanisë “Straife LCC” në Shqipëri. “E kam parë vetë nga afër këtë kompani në Capitol Hill, që është Kongresi Amerikan. Kjo tregon më së miri impaktin dhe rëndësinë që “Straife” ka në SHBA, dhe që tashmë ka vendosur që zyrën e saj për të gjithë Ballkanin ta ketë në Tiranë, nuk bëhet fjalë vetëm për Ballkanin Perëndimor, por për të gjithë Ballkanin ku natyrshëm nënvizoj faktin që edhe Greqia edhe Bullgaria, edhe Rumania si vende anëtare të BE do të mbulohen nga zyra e Tiranës, e kjo tregon edhe rëndësinë që ka filluar të marrë Tirana. Niveli i lartë dhe i shpeshtë i takimeve konfirmon marrëdhëniet e shkëlqyera dhe partneritetin strategjik. Vetëm gjatë këtij viti Kryeministri Edi Rama është takuar dy herë me Presidentin e SHBA-së, Joe Biden në kuadër të Samitit të NATO-s dhe Asamblesë së Përgjithshme të OKB në New York. Edhe mes Kongresit Amerikan dhe Kuvendit të Shqipërisë ne kemi raporte të shkëlqyera dhe mezi presim në fillim të vitit të ardhshëm të takohemi me drejtuesit e sapo zgjedhur në Dhomën e Përfaqësuesve. Ne i jemi mirënjohës SHBA për reagimin e menjëhershëm dhe solidaritetin e treguar pas sulmeve kibernetike ndaj infrastrukturës sonë digjitale, të mbështetura dhe të inspiruara nga Republika Islamike e Iranit. Mbështetja që SHBA i ka dhënë gjatë gjithë këtyre viteve Shqipërisë nëpërmjet agjencive të saj për ndërtimin e institucioneve dhe krijimin e parametrave të tregut të lirë, po shoqërohet tashmë me investime të drejtpërdrejta amerikane veçanërisht në sektorët strategjikë e ata prioritarë të ekonomisë shqiptare”, tha ai.

Me ligj e ndërmjetësim si në SHBA

Artikuj të ngjashëm Artikuj

Trashëgimnia e Fatos Nanos!

Fatos Nano/ 3 lidershipe, 3 identitete

VLORA, “zonja e shtëpisë” për NËNTORIN e FLAMURIT

Bjeshkët që marrosën turistët: Nga më e bukura Zoj, tek Xhubleta

Mirësevini në DURRES, kryeqytetin e Turizmit shqiptar

Kadare e ka ngritur monumentin e tij në Gjirokastër

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

Gjiri i Kakomesë, “Bukuroshja” e braktisur bëhet gati për TURIZËM

PROTESTA E MEMEVE TË TALLESH NË ZGRIPIN E PAMUNDËSISË

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Me ligj e ndërmjetësim si në SHBA

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?