Manuali i Korrupsionit të një pushteti të babëzitur

Inceneratorët kanë zbuluar se njeriu më i ndershëm në atë aferë, ka qenë Mirel Mërtiri. Pas çdo firme të hedhur del një shumë parash dhe pas çdo transferte parash del një vendim. Asnjë ministër, zëvendësministër, sekretar, asistent sekretar, ushtar, roje, nuk ka mbetur pa i ngjyer duart në kazanët bujarë të plehrave.

Mirel Mërtiri, megjithëse i pagoi të gjithë, ishte i vetmi që kishte një projekt, për të patur ekskluzivitetin e biznesit të mbetjeve. Të tjerët kishin vetëm parimin e bastisjes së parasë publike, pa u menduar asnjëherë për pasojat, pa u shkuar fare ndërmend për detyrën.