Loja me kushtetutën

Në nëntor 1998 Shqipëria u bë me Kushtetutë. Ishte e para në historinë e shtetit që kaloi me referendum. Opozita e bojkotoi, por pranoi e legjitimitetin e saj. Kushtetuta do të duhej të korrektonte sistemin politik duke kaluar nga modeli vertikal i viteve 1991-1998 në një model horizontal, me President honorifik, parlament të fortë, ekzekutiv llogaridhënës dhe sistem drejtësie të pavarur.

Pa miratuar ende ligjet burimore të Kushtetutës, më 2007 një debat mbi KQZ-në çoi në ndryshimin e kushtetutës për të rritur numrin e tyre nga 7 në 9 anëtarë. Një vit më vonë, me marrëveshje politike dhe pa proces konsultimi, Kushtetuta u ndryshua në disa elementë thelbësore, përfshirë sistemi i votimit, mocioni ndaj kryeministrit dhe mandati i qeverisjes lokale. Më 2012 show paraelektoral çoi në ndryshimin e Kushtetutës për imunitetin, impakti i të cilit ishte minimal.