Kur(h)ti në fatin e qëndrestarit pa perspektivë

Kryeministri Albin Kurti është në pozitën e politikanit qeverisës që jeton aktualisht dilemën: Më me kosto rënia apo qëndresa?!Tashmë Kurti është në fatin e kurthit. Nuk e ka në dorë zgjidhjen e dilemës, edhe pse në dukje ka zgjedhur të mbetet tek “ qëndresa”. Në këtë pozitë, jeton shumë pranë karakterizimit si një “trim budalla” se sa një trim “i mençur”. Në kohët dhe kushtet e sotme, në përballjen e fatit: se përcaktuese është të kesh aleancat e fuqishme ndërkombëtare, kryeministri i Kosovës ka zgjedhur të shijojë deri në pësim ”trimërinë budallaqe”. Por cila është kostua e kësaj qëndrese? Sipas gjasave, nuk do të kapitalizohet e as do të kthehet në një besim të vlefshëm për përfitim të ardhshëm. Qëndresa e kryeministrit Kurti u shndërrua në një proces vetmimi, pa aleancë potenciale si brenda spektrit politik të vendit, si në relacionet me vëllezërinë shtetërore shqiptare, si në perimetrin ballkanik, ashtu edhe në atë ndërkombëtare. I vetmi qëndrim zyrtar shtetëror në përkrahje dhe solidaritet të qashtër, por pa ndikim shtues, mbetet Zagrebi zyrtar, i cili konfirmon një përkrahje vijuese kroate ndaj Kosovës. Kosova, në heshtje dhe në një kohë të shpejtë, përgjatë dy viteve të fundit ka humbur qasjen e mbajtur në fuqi nga vendet më të rëndësishme euroatlantike për fatin e vet shtetbërës dhe maturimin institucional. Përgjatë më shumë se 20 viteve të fundit, politikanët dhe partitë kryesore të Kosovës dëshmuan një paaftësi tronditëse në mosmenaxhimin dhe krijimin e një axhende të strukturuar për çështjet më kruciale të republikës, në raport me diplomacinë ndërkombëtare, partnerët strategjikë dhe kapacitetet e domosdoshme të diplomacisë vetiake dhe shqiptare në tërësi. Në këtë paaftësi u përfshi edhe mungesa e një strategjie specifike dhe active, moskordinuese prej dhe me shtetin kryesor të shqiptarëve, Shqipërinë. Në dy muajt e fundit, kryeministri Kurti, duke mos hequr dorë prej sektarizmit vetiak në raport me proceset e gjetura dhe të lëna si “patate të nxehta” në duart e qeverisë së tij, zgjodhi kursin e gabuar të nxjerrjes në pah kryesor të qëndresës. Përballë tij, Serbia prej dy vitesh rresht, kishte fituar terren dhe ia ka dalë të përmbysë pozitën e të akuzuarës, duke kaluar në statusin e të gatshmes për bisedime dhe negocime. Diplomacia serbe kapitalizoi rrezikun gjeopolitik dhe fitoi kohën e lobimit dhe të afrimit përmes individësh dhe strukturash ekstrazyrtare në qarqe dhe zyra të Uashingtonit dhe Neë Yorkut. Ndërkohë që me kohë, aleancat tradicionale të saj me Francën i ka riaktivizuar për mbështetje dhe propozime të disbalancuara mes disfavorizimit të Kosovës dhe favorizimit të Serbisë. Në këtë qasje të re, Albin Kurti duke zgjedhur qëndresën provinciale, pësueshëm për Kosovën, humbi mbështetjen e posaçme të SHBA-ve, për axhendën e lënë si për imponim prej paraardhësve të tij të burgosur. Tashmë qëndresa e kryeministrit Kurti, duke pretenduar se i shërben mbrojtjes së sovranitetit të Kosovës, në fakt bashkëjeton me humbjen e statusit aq specifik të mbrojtjes dhe avokatisë speciale amerikane dhe auropiane. Kjo pozitë dhe pasoja prej kësaj qëndrese, i ka ende të painventarizueshme pasojat për republikën motake të Kosovës. Pse nuk vlen më as rënia e as kthesa?! Ringritja e tensionit mes Kosovës dhe Serbisë, trazimi alarmant i situatës në Mitrovicën Veriore dhe sidomos gjendja e krijuar prej zgjedhjeve të njëanshme në komunat me pakicë servbe, përkatësisht në Zvecan, Zubin Potok dhe në Leposaviq. Vendosja e kryetarëve të refuzuar nga shumica e votuesve serbë në selitë komunale, përplasjet me forcat e KFOR-it të grupeve dhe individëve kriminalë të ardhur nga Serbia dhe rrëmbimi nga njësia speciale serbe e tre efektivëve të Policisë së Kosovës brenda territorit të republikës, janë mjaftueshëm shenjat e një gjendjeje shpërthyese dhe me rrethana malinje për të sotmen dhe të nesërmen në kufirin dhe bashkëjetesën serbo-shqiptare në territorin kufitar të Kosovës. Kryeministri Kurti, si në besnikëri të qëndrimit vetiak, zgjodhi mostutjen, por humbi aleancat e zyrave fatpërcaktues në SHBA dhe në disa prej shteteve më autoritare të BE-së. Negociatorët euroamerikanë rishprehën shpesh këto ditë kritika ndaj tij dhe potencuan disbalancën e raportit me të drejtën mes kryeministrit Kurti dhe presidentit serb Vuçiç. Kosova ka hyrë në një kapitull pësues, si në pozitën klasike të të voglit që ka humbur mundësinë e trajtimit si pala viktimë përballë xhelatit të djeshëm. Përgjegjësia për këtë pozitë i përket dhe i atribuohet sot, kryeministrit Kurti. Për këtë arsye aktualisht, ai është në rolin e aktorit që nuk i shton apo i heq dot më vlerë apo akt, rolit të tij politik. Do i nënshtrohet fatit që vjen, si përherë nga jashtë dhe nuk e ka në dorë protagonisti i pafuqishëm, brenda.

Kur(h)ti në fatin e qëndrestarit pa perspektivë

Nga Aleksandër Çipa

Artikuj të ngjashëm Artikuj

Kur i humbet të dy kolosët e letërsisë…

Një vit pa Tanin, por me veprën që la pas

Një Samiti pa Diasporë

Numri 12… dhe fati i Elisës

PROKURORIA SPECIALE GJYKOHET PËR PADREJTËSI

Kurthi i Kurtit: Dominimi qendror, manipulimi emocional dhe shpërblimi elektoral

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

Gjiri i Kakomesë, “Bukuroshja” e braktisur bëhet gati për TURIZËM

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Kur(h)ti në fatin e qëndrestarit pa perspektivë

Nga Aleksandër Çipa

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?