Karateisti “elegant” që u bë këngëtar Ilir Shaqiri, farmacisti që “ilaç” ka zërin

Ilir Shaqirin e takojmë në Tiranë dhe për hir të së vërtetës është i pari rrëfim që po ju sjellim me një personazh nga Kosova.  Ilir Shaqiri të lë përshtypjen e një burri shumë të rëndë, një malësori të fortë ( kjo edhe për shkak të këngëve që kemi dëgjuar prej tij) por në fakt është krejt e kundërta sepse me artin dhe muzikën e tij ka thyer mure e na ka ngjallur atë ndjenjën e fortë kombëtare që tek ne shqiptarët “sanguinë” është gjithnjë shumë e fortë. Ilir Shaqiri i kupton më së miri gazetarët, sepse prej vitesh është mbikqyrës artistik në Radio Prishtina ndaj dhe biseda jonë shkoi për mrekulli. Dhe pyetja e parë që më erdhi menjëherë dhe instiktivisht është se si është marrëdhënia e tij me Tiranën dhe Shqipërinë.