FITUESIT E PANAIRIT TË LIBRIT 2024

Janë përcaktuar më të mirët e Panairit të Librit në Tiranë. Mungon vlerësimi i letërsisë për fëmijë, por ndahet edhe çmimi i karierës. Ju tregojmë jo vetëm për fituesit , por edhe mes cilëve zhvillohej gara më e fortë. Në këtë shkrim dua t’ju zbuloj edhe kush ishin konkurrentët më të fortë të secilit prej fituesëve të panairit. Përballë kujt fitoi Tom Kuka? Sigurisht, për këtë kam kërkuar ndihmën e jurisë që morrën vendimet… Për letërsinë shqipe, sipas jurisë, këtë panair zërat më të vlerësuar ishin: Virion Graçi, Ervin Nezha, Virgjil Muçi dhe Besnik Mustafaj. Dy autorët e parë i gjenim të botuar nga Rita Petro nën logon e Albas: Virion Graçi me librin “SHTATË DRITARET” dhe Ervin Nezha, një autor i ri në moshë, por shumë premtues me letërsinë që bën me veprën “TRI TAVERNAT”. Virgjil Muçi me romanin “TRI JETËT E ZOTIT P”, nga shtëpia botuese Dituria dhe Besnik Mustafaj me veprën: “PORTA E NGUSHTË E PURGATORIT” botuar nën kujdesin e Onufri-t. Përkthyesja më e mirë e vitit Milena Selimi “Kohëstrehim” i Georgi Gospodinov , autorit fitues të International Booker Prize, vjen në shqip, falë përkthimit të maturuar të Milena Selimit, e cila ka zgjidhur detyra të vështira të përkthimit, falë edhe bashkëpunimit me vetë autorin. Libri e zhyt lexuesin në mjedisin e një "klinike të së kaluarës" për pacientët me Alzheimer, ku ironia dhe trishtimi, na ofron të ardhmen...e paqartë. Milena Selimi ka pasur fatin të flasë, bisedojë, të ndajë mendime me autorin e librit që sot është një nga më të kërkuarit e më të vlerësuarit në botë. Përkthyesja më e mirë e vitit e përcjell këtë vepër nga gjuha origjinale, bullgarishtja, që njëkohësisht është edhe gjuha e nënës për të. Bija e një përkthyeseje që trashëgon gjuhën e shpirtin krijues për të sjellë në kulturën tonë, në gjuhën shqipe një autor të madh si Gospodinov. Mos u çudisni nëse ai do të jetë Nobeli tjetër në Letërsi. Përkthimet më të mira të panairit? Në listën e ngushtë të përkthyesëve më të mirë të jurisë që vendosi çmimet e këtij panairi ishin edhe Edon Qesari, me veprën “SHOKU” të autorit Cesare Pavese, një vepër e botuar nga Shtëpia Botuese Dukagjini që operon në Kosovë, por që nuk i mungon asnjëherë panairit tonë në Tiranë, po aq sa edhe librarive në vend. Romeo Çollaku që përktheu “RETORIKËN” e Aristotelit dhe Sokol Çunga për “ANTIGONËN” e Sofokliut u vlerësuan si dy nga alternativat më të mira nga Shtëpia Botuese Albas, që duket se përkthyesit më të mirë i ka mbledh njëlloj si kryeveprat e antikitetit. Agim Doksani me librin “LOJA” nga Alessandro Bariço renditej në pesë më të mirët e kësaj liste. Personalisht, kush e ka lexuar Nobelistin Gunter Gras që u përkthye vjet nga Anna Kove që u vlerësua me çmim, besoj se duhet të ketë parasysh edhe veprën tjetër të kësaj triologjie. “Macja dhe miu”, është po ashtu një përkthim i mirë, një autor jashtëzakonisht i mirë, vazhdimi i një triologjie, guxoj unë tanimë ta shtoj në pesëshen më të mirë të jurisë. Çmim karriere, por jo për letërsinë për fëmijë Këtë vit, ndryshe nga sa ka qenë traditë të paktën dhjetëvjeçarin e fundit, panairi i Librit nuk shpalli një autor a një libër që si mision të tij kishte letërsinë për fëmijë. E megjithatë, ashtu sikurse gjithnjë juria e panairit, sërish i ndau katër çmime.. veçse në vend të vlerësimit për librin për fëmijë, u nda një çmim karriere, që i shkoi Anastas Angjelit, për veprën kërkimore në fushën e ekonomisë si dhe për kontributin e gjatë në studimet e jetës ekonomike dhe politike të Shqipërisë. Këtë panair bashkë me botuesen Irena Toçi sollën në këtë panair veprën “Institucionet e Bretton Woods-it dhe Shqipëria”, ku nën logon e Toenës bëhen bashkë politika dhe Ekonomia. Në studimin e plotë dhe të gjithanshëm të historikut të institucioneve të Bretton Woods-it dhe raporteve të Shqipërisë me to është edhe studiuesi që po ashtu jeton me politkës, ekonomisë dhe jetës akademike. Viola Isufaj për veprën më të mirë studimore Për veprën studimore më të mirë është vlerësuar një nga pedagoget, studiueset, kritiket dhe shpeshherë me guximin e shkrimtares, Viola Isufaj. Këtë vit Viola Isufaj prezantoi një libër mbi veprën e Zef Zorbës. Vetëm pak muaj më parë gjatë sezonit të verës, Viola Isufaj u vlerësua edhe në Panairin e Librit në Ulqin për të njëjtën vepër. Ky ishte çmimi i dytë që studiuesja rrëmbente për kontributin e saj: “Për historiografinë letrare shqipe duke nxjerrë nga heshtja një model shumë të veçantë shkrimor, si dhe personalitetin e një intelektuali si Zef Zorba, me një qasje të prerjeve shkencore të shumanshme që përfshijnë njëherësh poezinë, muzikën, teatrin dhe pikturën.”. Ky ishte motivacioni që shoqëronte çmimin për veprën “BALADË DRITASH PËR ZORBËN”, një studim i botuar nga Akademia e Shkencave. Edhe katër studime të tjera të mira Për të gjithë ata që e duan librin studimore, ka një bashkësi edhe për më të mirët në këtë fushë. Profesori Bashkim Kuçuku vinte me veprën “ Shprehësi të strukturave”. Por, po aq pretendentë për të rrëmbyer këtë çmim ishin edhe Ardian Vehbiu me “Përrallëtarët e gjuhës shqipe” dhe Gazmend Krasniqi me librin “Si ta lexojmë letërsinë shqipe”. Po “si ta lexojmë letërsinë shqipe” për mua si gazetare ka vetëm një përgjigje: “Të nisim ta lexojmë atë. Rrugës, libër pas libri me siguri do t’i gjejmë përgjigjet ” .

FITUESIT E PANAIRIT TË LIBRIT 2024

Nga Luela Myftari

Artikuj të ngjashëm Artikuj

DASHURITË E MIMOZËS APO MOZË DASHURIA?

MOZA ËSHTË TUTORI I VETËM I VETES

ENI JANI: ARTI SHITET SI LUKS I TEPRUAR NË KOHËN QË JETOJMË!

Suksesi i një viti! Aulon Naçi, një partiturë në ndërtim!

ALIS dhe NAN, balada që preku miliona shqiptarë

Richard Deacon, skulptori britanik: Si e pashë Tiranën me kullat e veta!

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

Gjiri i Kakomesë, “Bukuroshja” e braktisur bëhet gati për TURIZËM

PROTESTA E MEMEVE TË TALLESH NË ZGRIPIN E PAMUNDËSISË

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

FITUESIT E PANAIRIT TË LIBRIT 2024

Nga Luela Myftari

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?