Deputeti që Duam: Fllad i ri, apo lamtumirë e të vjetërve?

Që nga Shtatori kur Edi Rama vendosi të prezantonte platformën "Deputeti që duam", në tre muaj janë rreth 510 të rinj dhe të reja që me një frymë, me kontekste të ndryshme, por të njëjtin qëllim, kanë vërshuar për të lancuar kërkesën e tyre. Video-prezantimet publikohen në llogaritë e kësaj platforme në rrjetet sociale, siç janë Instagram dhe Tik Tok, përkatësisht dy ndër rrjetet sociale më të përdoruara sot nga të rinjtë. Drejtimi i është besuar Bora Muzhaqit, një e re që e ka gjenezën politike pikërisht nga kjo platformë në vitin 2021 dhe sot është ministre, ndërkohë prapa kuintave qëndron një ekip me zyrtarë të PS dhe ekspertë komunikimi, të cilët përzgjedhin mes qindra aplikimeve. Interaktiviteti në çdo prezantim në rrjetet sociale është shumë i lartë. Konkretisht në "Tik Tok", deri në momentin e shkrimit të këtij artikulli, numëroheshin mbi 1 milion "vieës" dhe më shumë se 40.000 pëlqime. Edi Rama ia di "kimetin" rrjeteve sociale, ose “kiametin” nëse s’do ekzistonin. Ndaj një dëshirë kaq e zjarrtë dhe ftesa për të rinjtë dhe të rejat që duan të anëtarësohen në Partinë Socialiste, tejkalon profilet e vjetra të lodhura pa aktivitet të çdo deputeti e zyrtari të PS deri tani që nuk është i përditësuar me socialmedian, atë që kryeministri e ka shumë për zemër. Jo vetëm për politikën, por për të promovuar edhe traditat e kulturën e bukur shqiptare që gjenerohet pikërisht në këtë platformë prej pjesëmarrjes masive nga gjithë trevat të vajzave e djemve aspirues për një vend europian. Ka edhe nga ata që kanë ardhur nga jashtë, të tjerë janë të zyrtarë të administratës që nesër duan të jenë e të provojnë veten si deputetin përfaqësues, anëtarë të këshillave bashkiak, profesionistë të rinj dhe të sapodiplomuar, të cilët e shikojnë platformën "Deputeti që duam" si një mundësi për t'u dhënë të gjithëve shansin e përfshirjes në politikën e drejtpërdrejtë. Është një mënyrë ndryshe e të bërit politike dhe për të "rinuar" Partinë Socialiste që dalëngadalë po del nga mosha e saj e plakjes, për të krijuar një identitet të ri nga Partia e Punës që u transformua dikur. Por edhe një mënyrë për të harruar prezantimin aq shumë të debatuar të të rinjve që erdhën nga Akademia Politike dhe u bënë viral në rrjetet sociale me deklaratat e tyre të mosnjohjes së Dritëro Agollit, apo me "fatkeqësinë e Edi Ramës që nuk i kushtonte vetes aq kohë sa duhej sepse po lodhej për popullin". Kategori të rinjsh, me deklaratat e të cilëve qeshi gjithë populli. Tani shumëkush i ka harruar këto: të gjithë janë fokusuar në platformën "Deputeti që duam", me ide sa interesante, aq edhe arkaike e të dala boje. Ka nga ata që po shkëlqejnë, të tjerë të pambrojtur e të papërkrahur renditen ndër të fundit. Ama e rëndësishme të thuhet është se socialistët po harxhojnë shumë për t'i përmirësuar imazhin këtyre të rinjve dhe vetë forcës politike që përfaqësojnë. Një regji e veçantë është vendosur në një nga godinat e kryeqytetit, me kamera, video, montazh e qendra zëri, për të sjellë në mënyrë sa më të kuruar afër opinionit publik deputetin që duam. Por si përceptohet kjo lëvizje e Partisë Socialiste në publik; një truk propagandistik përpara zgjedhjeve të 2025 apo një mjet efektiv i Edi Ramës për të shtuar "hambarin" e votave e njëherësh rienergjizuar Partinë Socialiste e cila ka nevojë për "gjak të ri" pas tre mandatesh në pushtet, si askush tjetër në Shqipërinë postkomuniste. Endri Xhafo, një njohës i mirë i politikës në Shqipëri dhe ekspert komunikimi, analizon për Revistën Newsbomb.al këtë platformë përmes së cilës Edi Rama do t’i prezantojë publikut garën e brendshme në Partinë Socialiste, duke futur emra të rinj me synimin për të rifreskuar një parti dhe qeveri të konsumuar nga pushteti. A po zëvendëson Partia Socialiste figurat e vjetra me personazhe të rinj? Ndërsa Rama po nxit frymën e erës së re, a po "rrëshqasin" veteranët e PS-së në prag të fushatës elektorale 2025? A është kjo nismë një lloj lamtumire për ta? E natyrshëm pyetja që merr përgjigje në intervistën e mëposhtme është: Çfarë po përpiqet Edi Rama të arrijë me këtë lëvizje dhe sa e frytshme do të jetë për të e Partinë Socialiste? - Partia Socialiste ka angazhuar deputetët dhe të gjithë drejtuesit e strukturave me takime në terren, si parapërgatitje për zgjedhjet e vitit 2025. Procesi në parim do të jete i njëjtë si çdo herë, ama socialistët do të garojnë si askush tjetër edhe për një mandat të katërt qeverisës. "Deputeti që duam" është platforma që Edi Rama ka zgjedhur për të rienergjizuar partinë, duke tentuar një hapje të saj për të rinjtë dhe të rejat që, siç thotë ai, duan të bëhen pjesë e ekipit që do të çojë Shqipërinë në BE. Sa premtuese është kjo dhe a mendoni se është mënyra e duhur për përfshirjen e të rinjve në politikë? Më saktë, a kç'poa qenë kjo platformë ajo që mungonte që brezi i ri të angazhohej? Endri Xhafo: Kjo mund të konsiderohet "risia" e radhës, por kurrsesi platforma që mungonte. Pse? Sepse të rinjtë janë angazhuar gjithmonë në politikë përmes forumeve rinore dhe kooptimit (pjesëmarrja pa garë). Te PD ka qenë FRPD, te PS FRESSH; kurse LSI, sot PL, u krijua nga të rinjtë dhe u mbajt gjallë prej prurjeve gjithmonë të reja. Nano kooptoi Ben Blushin, Blendi Klosin, Taulant Ballën, etj.; Sali Berisha "shpiku" KOP-in, Komitetin e Orientimit të Politikave; Edi Rama ia imponoi të rinjtë PS-së në atë masë sa i ndryshoi strukturën moshore! Nga shoqëria civile afroi figura si eksperti i pavarur Bledi Çuçi, nga "Mjaft" Olta Xhaçkën dhe Elisa Spiropalin, nga EMA Ditmir Bushatin, nga partia G99 Erion Veliajn, apo si njohje personale Saimir Tahirin. Edi Rama e çoi në paroksizëm përfshirjen e të rinjve në politikë dhe qeveri, aq sa zhduku meritokracinë. Ministra si Genti Caka, Besa Shahini, Bora Muzhaqi, Edona Bilali, etj., janë shembuj të gjallë të këtij absurdi. Ministrat e rinj pas riformatimit të fundit të kabinetit janë aq anonimë jo vetëm politikisht, sa mund të konsiderohen pa frikë vala e fundit e të rinjve në PS. - Drejtuesit e strukturave të PS-së, që janë edhe pjesë e ekipit që bën përzgjedhjen e kandidatëve të "Deputetit që duam", shprehen se platforma do të garantojë konkurrencë mes deputetëve aktualë dhe të rinjve që duan të përfshihen. Në fakt është e qartë se Edi Rama ka nisur një proces për hapjen e partisë që me zgjedhjen e delegatëve dhe anëtarëve të Asamblesë, kur la jashtë disa nga "të vjetërit". Por a besoni se shansin do ta kenë të gjithë për të konkurruar në listat e 2025-ës, apo synim kryesor do të jetë mbledhja e votave dhe këta të rinj do të shpërblehen me poste në administratë? Endri Xhafo: "Platforma" është thjesht një truk propagandistik përballë akuzave poshtëruese se listat e deputetëve të PS imponoheshin nga bandat kriminale. Përmes të rinjve Edi Rama synon një dinamikë të re si kompensim i lodhjes nga qeverisja (governance fatigue). Mos harroni, PS po kërkon një mandat të 4-t, kurse vetë Rama ka mbi çerek shekulli në politikë. Pra, ideja është që PS mund ta rishpikë vetveten duke mbetur gjithmonë e re, nënkupto e freskët. Nuk e ka të vështirë ta bëjë këtë, për shkak se është forcë qeverisëse. Dhe, për shumicën e të rinjve, në mos për të tërë, angazhimi në PS është ekuivalent i një mundësie punësimi. Kështu që po, shumëkush që do të angazhohet, nuk do të jetë i motivuar aq nga "zanati" i politikanit, sesa nga një vend pune për kontributin që do të japë në fushatë. - Si ekspert komunikimi, si e shikoni këtë strategji të Partisë Socialiste? A është platforma një mjet i Edi Ramës për të angazhuar elitën e PS-së, që, nëse mendojnë se koha politike nuk u ka përfunduar ende, duhet të lënë komoditetin e zyrave të Tiranës dhe të dalin në bazë për vota? Endri Xhafo: Edi Rama ka luajtur gjithmonë me këtë lloj dualizmi. Deri edhe me bashkëpunëtorët e tij të ngushtë. Në fakt për shumë drejtues, jo vetëm në politikë, por edhe në kompani private, kjo është një mënyrë për të kontrolluar ambiciet dhe egoizmat individualë, të cilët ndërsehen deri në atë pikë sa ngrihen si forca antagoniste që, me luftën ndaj njëri-tjetrit, mbajnë sistemin në ekuilibër. Drejtuesi kësisoj jo vetëm e nxjerr veten mënjanë nga rrezja e sulmit, por, duke qenë mbi palët antagoniste, merr pozicionin e arbitrit. Pra, Rama qëndron edhe mbi klanin e Veliajt, edhe mbi atë Ballukut, edhe mbi deputetët e "vjetër", edhe mbi kandidurat e reja. Për Fatmir Xhafajn kjo është një déjà vu. Ama publikut të gjerë Rama i shet, jo pa bazë, një garë të brendshme në PS. Dhe, në nxitjen e kësaj "gare të brendshme", ai nuk e ka shokun! - Mendoni se ka ardhur koha që kjo klasë politike duhet t’i bëjë shërbimin e fundit brezit të ri, duke u vetëtërhequr nga angazhimi i drejtpërdrejtë, pavarësisht se në kulturën politike shqiptare kjo nuk është një hap i zakonshëm dhe lehtësisht i pranueshëm? Endri Xhafo: Jo, nuk e mendoj! Mendoj se të qenit i ri në politikë nuk është çështje moshe, por çështje idesh. Mendoj që çdo ri në moshë dhe eksperiencë politike nuk ka pse e gjen terrenin bosh. Nga gara çdokush piqet dhe mëson (me kusht që gara të jetë e ndershme dhe e drejtë). Dhe në këtë pikë roli i Edi Ramës si kryeministër është thelbësor, sidomos për faktin se të gjitha zgjedhjet e organizuara me atë Kryeministër, kanë qenë problematike. - Po nga ana përmbajtësore, sa efektive mund të jetë një platformë e tillë kur nga një vëzhgim i Revistës Neësbomb.al, rezulton se më shumë e gjysma e kandidatëve janë zyrtarë të administratës që duan të jenë nesër edhe deputetë, anëtarë të këshillave bashkiak (të PS), studentë, të sapodiplomuar dhe kryesisht profesionistë të rinj, në fusha si inxhinieria, avokatia etj, aplikimet nga jashtë janë shumë të rralla? Endri Xhafo: Aplikimet nga jashtë lidhen me atë që quhet "brain gain". Ne po përjetojmë prej vitesh të kundërtën, fenomenin alarmues të "brain drain". Pra, përthithja e trurit, aq më pak kthimi i tendencës së largimit të trurit, nuk mund të bëhet vetëm nga një e ashtuquajtur platformë për përzgjedhjen e kandidatëve për deputetë, qofshin ata edhe të partisë në pushtet. Në këto kushte padyshim që platforma do të bëhet katalizator i ambicieve lokale, edhe pse duhet ta pranojmë se ka një aksion joshjeje të diasporës, me ftesa të përsëritura për t'u kthyer në atdhe. Por nuk besoj se "platforma" do të na dëshmojë ndonjë bum rikthimesh.

Deputeti që Duam: Fllad i ri, apo lamtumirë e të vjetërve?

Nga Ilir Xhafaj

Artikuj të ngjashëm Artikuj

Who’s next?!

ERVIN SALIANJI, politikani që u “burgos” prej fjalës

Ethem Ruka “skanon” PS e Ramës: Të vjetrit do mbledhin vota, të rinjtë rigjenerojnë partinë

51 ministrat që Edi Rama u bëri NDERIN E JETËS

“Kurbanët” e telhajos së Kryeministrit sipas analistëve

Dorëzimi i butë i vulës

Artikujt më të lexuar

Çfarë ka Akoma për Rozana RADIN!

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Një minoritet i braktisur rreth Buretos në Përmet

ERVIN SALIANJI, politikani që u “burgos” prej fjalës

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

KUR ARTISTI RRËFEN DHUNËN/ Serbia e ka humbur Kosovën që në 1989-ën

Kapodistria, kush ishte Gjon Gjika, presidenti i parë i Greqisë

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Deputeti që Duam: Fllad i ri, apo lamtumirë e të vjetërve?

Nga Ilir Xhafaj

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?