Casa Mandarine, shtëpia mesdhetare e Tiranës

Tirana nuk është më qyteti që surprizohet lehtë nga një restorant i ri. Sidomos Blloku, në një zonë ku çdo muaj hapet një restorant me koncept “të ndryshëm”, ku prezantimet janë të mëdha dhe pritshmëritë akoma edhe më të mëdha, e ku është e vështirë të mos shkosh me një dozë skepticizmi.

E ashtu siç shumë e thonë, kryeqytetit tonë nuk i kanë munguar as investimet, as idetë, por shpesh i ka munguar shija dhe autenticiteti, ajo ndjesia që gjithçka është menduar si një e tërë dhe jo vetëm si një hapje e bukur për rrjetet sociale. Që dikush vjen, shkrep fotot, i publikon në rrjetet sociale, vendos vendndodhjen për të treguar që ka qenë, dhe nuk kthehet më!