Bixhozi online, basti i humbur i Qeverisë Shqiptare

Në Shqipëri të gjithë luajnë bixhoz online. AKEP nuk arrin të gjurmojë kompanitë që vazhdojnë lulëzojnë. Aktiviteti nuk është ndërprerë asnjë ditë, por tashmë luhet kryesisht në celular dhe kompjutera. Gjithçka bëhet me lek në dorë, në ambiente kafenesh rrugë apo bare. Nga hulumtimi i bërë nga Newsport. al rezultojnë se vijojnë të operojnë sërish në Shqipëri kompanitë Eccobet apo dhe SuperBast.

Bip-bipet e telefonit gurgullonin si vërshimë lumi. Nuk gjente guxim ta prekte, ishte bërë akull i ftohtë sepse e dinte mirë se çfarë do të gjente në to. Gjendej mes një udhëkryqi pa krye ku i gjithë investimi kolosal, bërë ndër vite rrezikonte të dilte në rrugë. Cigaret zinxhir pasonin njëra-tjetrën duke tymosur dhe mendimet në kokë që i “brenin” mendjen. Shumë kontrata të lidhura me biznese dytësore që kishin vënë në dispozicion ambientet e tyre, ndërsa gjithçka ishte sponsorizuar nga pronarët e mëdhenj. Nga karriget, te televizorët e deri kompjuterët, për të gjitha ishin derdhur shuma të konsiderueshme parash. Kjo nuk kishte shumë rëndësi për Arditin, krahasimisht me të ardhmen që dukej horizontalisht dhe vertikalisht e nxirë.