Krishtlindje me aromë baruti

Krishtlindjet dhe festat e fundvitit në Shqipërinë e fillimshekullit të kaluar mbartin një përzierje emocionesh të trishta dhe realitete të ashpra, ku era e barutit dominonte mbi aromën festive të gjelit të detit. Në vend të shkëlqimit të tavolinave plotë e përplot ose dritave që llamburisnin rrugëve, vendi përballej me pamje të ngjashme me ato të “Shitësen së vogël të shkrepseve” të Andersenit – varfëri e ndjeshme dhe skena melankolie.

Edhe në vitin e largët 1914, kur në llogoret e Luftës së Parë Botërore, ushtarët gjermanë dhe ata francezë e britanikë vendosën të ndalonin luftimet për një ndeshje futbolli, Shqipëria mbeti e zhytur në realitetin e saj të dhimbshëm. Për shqiptarët, koha e festave shpesh ishte nën hijen e konfliktit dhe përpjekjeve për mbijetesë. Pavarësia kishte vetëm dy vite që ishte shpallur, por trazirat dhe sfidat e kohës pengonin përpjekjet për të ndjerë shpirtin e festave.