Ideja e re nga Raiffeisen Bank, Scan & Go, radhët e gjata në supermarkete marrin fund

Kompani të mëdha financiare, si Global Finance, Euromoney, The Banker etj, i japin vazhdimisht çmime dhe mirënjohje Raiffeisen Bank, si një bankë pararojë në Shqipëri. Dhe gjithmonë, Banka vjen me ide inovative. Psh, nga celulari mund të kryesh pagesa të shumta kudo të jesh, pa shkuar në sportelin e bankës e të presësh radhët e gjata. Por ka edhe shumë shërbime, Leasing, Invest, shërbime që janë në lehtësim të jetës financiare të çdo familjeje shqiptare, me të ardhura të çfarëdoshme. Por, ajo që sot vjen si një risi, dhe që më parë nuk ka ndodhur në vend ka të bëjë me aplikacionin e ri që do të përdorë banka, Scan & Go, për ta përdorur kushdo në blerjet e veta në supermarkete. Fare thjeshtë, mjafton të shkarkosh në celularin tënd një aplikacion, shkon në raftet e supermarketit, zgjedh produkin, skanon bar-kodin, produktet i fut në shportë dhe ja…mbaroi gjithçka. Nuk do të presësh në radhë te kasierja për të kaluar cdo produkt tëndin. Të gjitha i ke të skanuara, e veç të mbetet të paguash, po me kartën e bankës. Brunilda Toromani, Menaxhere Produkti/ Divizioni i Bankingut Ditor dhe Kartave, në një intervistë për revistën NEWSBOMB.AL, hedh dritë mbi këtë risi të bankës, duke treguar sfidën më të re me të cilën do të përballen në evolucionin e teknologjisë digjitale dhe në Shqipëri. Fundja, si kudo në botë, ku gjithçka, bëhet më e lehtë për konsumatorin. E si do të menaxhohet gjithë kjo risi? Për këtë, le ti hedhim një sy sqarimeve të zonjës Toromani. Scan&Go është një shërbim i ri i ofruar nga Raiffeisen Bank, i cili mundëson një mënyrë të re pagese “pa radhë” në supermarket. Ç’mund të na thoni më tepër për këtë produkt/funksionalitet, cilat janë veçoritë dhe si mund të përfitojnë klientët? Scan&Go është një shërbim i ri, një aplikacion i prezantuar së fundmi nga banka jonë, ku klientët tanë të cilët shkarkojnë këtë aplikacin mund të kryejnë blerje pa radhë në një nga rrjetet kryesore të supermarketeve në Shqipëri. Të gjithë ne kur bëjmë pazare dhe i afrohemi kasës për të paguar na ndodh që të përballemi me radhë të gjata, ndërkohë që mendojmë sa shumë obligime të tjera na presin dhe sa kohë po humbasim. Duke patur në fokus nevojat e klientit dhe orientimin që Raiffeisen Bank ka drejt digjitalizimit, lindi ideja për Scan&Go. Scan&Go është aplikacioni i vetëm që ofron mundësinë të bërit pazar në market nëpërmjet telefonit. Ndërsa lëvizin midis rafteve në dyqan, klientët mund të skanojnë bar-code të produkteve që dëshirojnë të blejnë direkt nga rafti, t’i vendosin në shportën e tyre dhe në fund të konfirmojnë blerjen nëpërmjet aplikacionit duke zgjedhur llogarinë që kanë rregjistruar në aplikacion për të kryer pagesën. Të gjithë këta klientët që blejnë duke përdorur aplikacionin, lehtësisht mund të dalin nga dyqani nga kasa e dedikuar Raiffeisen për blerjet që kanë kryer me Scan&Go, duke shmangur pritjen dhe radhët. Duhet të përmendim që numri i produkteve të cilat kalojnë njëherësh nëpërmjet kasës së Scan& Go është i limituar në 20 njësi/ artikuj. Scan&Go ofrohet për të gjithë klientët Individë që kanë një llogari rrjedhëse në Raiffeisen Bank dhe që zotërojnë celulare smart Android ose iOS. Fillimisht, klientët duhet të shkarkojnë aplikacionin në AppStore ose Play Store, për të vijuar më tej me regjistrimin. Shkarkimi dhe përdorimi i aplikacionit Scan&Go është falas. Të dhënat që klientët tanë vendosin gjatë regjistrimit në aplikacion sigurohen dhe mbrohen sipas standarteve europiane të sigurisë së informacionit dhe të privatësisë. Çdo përdorues ka mundësi të shohë, të lexojë dhe pranojë Kushtet e punës dhe formën e pëlqimit që i shfaqen gjatë proçesit të regjistrimit në aplikacion. A do të shtrihet ky shërbim në markete të tjera? Në çfarë harku kohor? Aktualisht klientët tanë mund të blejnë duke përdorur aplikacionin Scan&Go në supermarketet Interspar në TEG dhe në QTU. Synimi ynë është që sa më shpejt këtë sherbim ta sjellim sa më afer klientëve, në dyqanet ku ata kryejnë blerje në përditshmëri, por edhe në dyqane të tjera që frekuentojnë rregullisht ku radha përbën një problem në menaxhimin sa më të mirë të kohës së tyre por edhe per t’ju ofruar klientëve një eksperiencë të thjeshtë dhe pa stres. Si e ndikon eksperiencën konsumatore Scan&Go dhe ku qëndron në mozaikun e ofertës digjitale të Raiffeisen Bank? Scan & Go është një tjetër pjesë e puzzle (mozaikut) që i shtohet të gjithë ofertës digjitale që Raiffeisen Bank sjell për klientët e saj. Ne do të vijojmë transformimin digjital të bankës me qëllim të sjellim një eksperiencë të shkëlqyer për klientët dhe prandaj kujdesemi të vijmë vazhdimisht me risi, me përmirësime të produkteve ekzistuese dhe zgjerim të gamës së zgjidhjeve digjitale. Çdo risi dhe përmirësim që sjellim në treg bëhet duke patur në qendër nevojat dhe kërkesat e klientit dhe rreth klientit zhvillohen të gjitha shërbimet duke e bërë sa më të thjeshtë rrugëtimin e tij me bankën tonë. Sipas jush, a është gati tregu jonë të mirëpresë dhe të përdorë këto risi digjitale dhe a perqafohen lehtësisht nga klientët? Eksperienca po na tregon që tregu ynë po i përqafon risitë në fushën digjitale, si në banking si në fusha të tjera të cilat po zhvillohen paralelisht. Sigurisht që produktet financiare janë pak më të vështira për t’u përthithur dhe për t’u përdorur. Ne si bankë avandguarde në sherbime digjitale kemi edhe përgjegjësi të shtuar përsa i takon pjesës së edukimit financiar meqë shumë shërbime i prezantojmë për herë të parë në treg. Scan&Go është një mënyrë alternative për të kryer blerjet në dyqan dhe si çdo zgjidhje e re do të kërkojë kohën e nevojshme për t’u njohur nga tregu shqiptar dhe për t’u përqafuar. Jemi të sigurtë që pasi klientët të kryejnë blerjen e parë me Scan&Go do e rekomandojnë dhe tek të njohurit e tyre. Cilat janë sfidat që hasni në implemetimin e këtyre produkteve të reja? Ashtu si e përmenda më lart, duke qenë se ne jemi të parët shpesh herë në prezantimin e produkteve të reja financiare digjitale, sfida kryesore është prezantimi i këtyre mënyrave të reja pagesash apo shërbimesh dhe edukimi financiar i tregut. Një sfidë tjetër është që këto sherbime të reja kërkojnë një klient të orientuar drejt teknologjisë dhe dashamirës ndaj përqafimit të këtyre qasjeve të reja. Më tepër mund të përmend që në rastin e Scan & Go, ndryshe nga zgjidhjet e tjera digjitale, është thelbësor bashkëpunimi i ngushtë me tregtarët si një proces i vazhdueshëm. Rrjedhimisht suksesi i Scan&Go qëndron pas një bashkëpunimi të suksesshëm midis Bankës dhe tregtarëve në promovimin e tij, në pranimin si një mënyrë e volitshme për klientin për të kryer blerjet në dyqan dhe në përmirësimin e aplikacionit për të qenë gjithmonë në hapat e ndyshimeve teknologjike në treg.

Ideja e re nga Raiffeisen Bank, Scan & Go, radhët e gjata në supermarkete marrin fund

Artikuj të ngjashëm Artikuj

“ALBANIAN FILES”: 4 çështjet e debatueshme

Gazi që nuk e morëm kurrë!

Mirë nafta, por pse u “cmend” domatja?!

Rivlerësimi i pasurive të patundshme:

Fermeri nga Divjaka, kryeministri dhe importi

7 arsyet ku çalon “Paqja Fiskale”

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

PROTESTA E MEMEVE TË TALLESH NË ZGRIPIN E PAMUNDËSISË

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Ideja e re nga Raiffeisen Bank, Scan & Go, radhët e gjata në supermarkete marrin fund

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?