Vishu shkurt se po zgjat dita

Kalendari nuk është dukur asnjëherë më shpresëdhënës se kaq. Ai shënon fillimin e sfilatave të pranverës të cilat shoqërohen me sete fotografike, me tema të cilat mbartin një mesazh në vetvete. Ndaj bota e modës është kaq dinamike, pasi çdo vit ka “emocione” të reja sa i takon tendencave dhe prurjeve për sezonin pranverë – verë 2024. Të kthesh kokën pas në trendet që ka prodhuar moda ndër vite është çelësi për atë që po vjen, nga modelet, ngjyrat e deri tek kombinimet specifike. Kontribut të madh në botën e modës dha edhe stilisti i famshëm italian, Roberto Cavalli, i cili u nda nga jeta në moshën 83-vjeçare, më 12 prill 2024. Gjeniu dhe pronari i firmës luksoze të veshjeve, çantave dhe aksesorëve, Roberto Cavalli. Ai la një trashëgimi të madhe në botën e modës, përmes modeleve të tij të guximshme, estetikës magjepsëse dhe qasjeve inovative ndaj të bukurës… Mos harroni, ngjyrat pastel do jenë kudo, kontraste unike ngjyrash ka sugjeruar edhe “Gucci”, “Chanel” dhe “Marni”. Modelet mbresëlënëse me lule nuk duhet të mungojnë as këtë sezon, bashkë me perlat dhe bizhuteri madhështore. Kujtojani shpesh vetes se nuk mund të gjesh dy stilistë me të njëjtin kombinim, ndaj stili personal duhet të ketë gjithmonë përparësi. Në fund të fundit, moda ka të bëjë me të shprehurit e vetes, prandaj mos ngurroni të miksoni dhe përputhni tendencat për të krijuar pamje që pasqyrojnë personalitetin dhe preferencat tuaja unike.

Fustanet e lirshme