SHKURTI I DASHURISË

Shkurti është muaji i dashurisë, por a mund të ndalojmë një moment dhe të duam më shumë veten tonë?! Shpesh herë, duke vrapuar pas gjërave të tjera dhe përditshmërisë tonë, harrojmë të kujdesemi pak për veten. E në këtë muaj kemi mundësinë më shumë se çdo herë tjetër t’i premtojmë vetes që do ta duam, jo vetëm me fjalë, por edhe me vepra. Gjëra të vogla, që nuk kushtojnë “asgjë”, por mjafton t’i kushtojmë kohë. Dhe kur vjen puna te “dhuratat”, të gjithë e dinë se çfarë duam ne vajzat, pak “shopping” dhe ca rroba të reja do të na sillnin “humorin”. Përveç petaleve që ne “vdesim” për to, por dhe ngjyra e kuqe na bën të besojmë akoma më shumë se dashuria të “mbush shpirtin”. Në këtë artikull të Revistës NEWSBOMB.al, do të njiheni me disa kombinime dhe disa këshilla praktike që mund t’jua lehtësojë pyetjen tunduesе që kemi thuajse çdo mëngjes: “Po sot çfarë do të vesh?!” E KUQE “FLAKË” Jemi në muajin e dashurisë dhe, pa diskutim, ngjyra që flet më fort se fjalët është e kuqja. Një ngjyrë që simbolizon pasionin, forcën, vetëbesimin dhe feminitetin, e kuqja rikthehet si protagoniste absolute në këtë muaj në garderobën e çdo gruaje që dëshiron të ndihet e sigurt, elegante dhe e paharrueshme. Në modë, e kuqja nuk është thjesht një zgjedhje ngjyre, por një qëndrim. Qoftë në formën e një fustani minimalist apo një aksesori që “ndez” gjithë outfit-in, kjo ngjyrë ka fuqinë të transformojë pamjen dhe energjinë tonë. Një fustan i kuq mbetet zgjedhja më ideale për muajin e dashurisë. I gjatë ose i shkurtër dhe i strukturuar për një mbrëmje romantike nuk ka nevojë për shumë shoqërim. Mjafton një palë taka nude ose të zeza, një çantë elegante dhe aksesorë minimalë për të krijuar një pamje të rafinuar dhe sensuale. Nëse disave prej nesh fustani i kuq na duket shumë “bold”, zgjidhja tjetër ideale janë elementët e kuq në outfit-et e përditshme. Një pulovër e kuqe e kombinuar me xhinse blu ose të zeza krijon një kontrast perfekt mes “casual” dhe “chic”. Po ashtu, një xhaketë apo pallto e kuqe mbi një outfit neutral i jep menjëherë jetë pamjes dhe e bën atë të duket e menduar deri në detaj. AKSESORËT E KUQ, detajet që bëjnë diferencën Sado bukur që ne të kombinohemi, çdo veshje ka nevojë për pak aksesorë. Ndonjëherë gjithçka që i duhet veshjes tonë është “prekja e vogël” e tyre, ku e kuqja mbizotëron në këtë muaj. Nëse veshja jonë është neutrale, pa shumë kontraste, disa askesorë me detajet të kuq do të bënin diferencën. Një çantë, një palë këpucë ose taka, një buzëkuq apo një shall i kuq i thjeshtë mund të ndryshojnë tërësisht outftin tonë. Padiskutim që aksesorët në këtë ngjyrë janë perfekte dhe ideale për të përfshirë “frymën” e dashurisë pa e tepruar. GOLFET, baza perfekte për çdo kombinim Golfet janë padyshim një nga veshjet më të dashura dhe praktike në garderobën tonë, sidomos në këtë muaj. Ato janë tepër të përshtatshme, të ngrohta dhe njëkohësisht elegante, duke u bërë baza ideale për të krijuar sa më shumë kombinime të ndryshme, nga “casual” deri te ato më “chic”. Ja disa ide kombinimesh: 1.Golf dhe pantallona klasike Një nga kombinimet më të thjeshta dhe më të sigurta është pikërisht golf dhe pantallona klasike. Një golf i ngushtë përshtatet perfekt me pantallonat në një ditë pune aspo shëtitje, ku te kombinuara me një palë këpucë do të dukeshim shumë “cute”. 2.Golf dhe fund lëkure Për një pamje më të sofistikuar, bashkoni një golf të trashë me një fund lëkure të zezë. Ky kombinim është perfekt për një darkë ose një dalje me miqtë. Kompletoni me taka të holla dhe një çantë elegante për një efekt të jashtëzakonshëm. 3.Golf dhe pantallona sportive oversize Nëse preferoni komoditetin me stil, provojmë golfin me pantallona sportive të gjera, në nuanca neutrale. Ky “look” është shumë trendy dhe përshtatet për në përditshmëri, ku një palë “sneakers” me ngjyra neutrale do të plotësojnë këtë outfit. Golf dhe xhaketë oversize Në ditët më të freskëta, golfi është partneri ideal për një xhaketë oversize apo pallto të gjatë. Ky stil luan me proporcione dhe është shumë modern. Shtoni një shall të butë dhe një palë çizme të larta për një “look” elegant dimëror. XHAKETAT me mëngë pellushi Xhaketat me mëngë pellushi janë shumë të kërkuara në këtë sezon. Ato sjellin një kontrast të këndshëm mes butësisë së materialit dhe strukturës së formës klasike, duke bërë që ne të mund t’i përdorim për çdo rast, pa u stresuar shumë. Shtimi i rripit në mes jo vetëm që thekson belin, por edhe i jep xhaketës një formë më të grirë dhe stil të përfunduar, duke i dhënë në këtë mënyrë “prekjen” e fundit veshjes tonë. Ngjyrat më të pëlqyera për këtë lloj xhakete janë neutrat si bezh, gri, e zezë apo ngjyrat e tokës. Pellushi në mëngë zakonisht është në të njëjtën ngjyrë ose në kontrast me ngjyrën e xhaketës, duke krijuar efekt vizual tërheqës. Xhaketë me pantallona të ngushta dhe çizme të gjata, xhaketë me fustan dhe taka, haketë me xhinse “mom fit” dhe atlete janë disa nga kombinimet që do iu “shpëtojnë”. SUPERFUQIA E UNAZAVE Kemi folur gjithmonë për rëndësinë e aksesorëve dhe “superfuqinë” e tyre në të gjithë outfitin tonë, por jemi ende të veshur me të gjata ndaj mundësia më e mirë është të luajmë me unazat. Nëse veshjes tonë i mungon shkëlqimi, mund të vendosim unazat me gur ose ngjyra të forta dhe gjithçka ndryshon si me magji. THONJTË E SHKURTIT Estetistet do të sugjerojnë gjithmonë trendet e fundit të ngjyrave dhe modeleve të thonjve, por në fund ajo që vendos je ti. Nëse të pëlqen të eksperimentosh me ngjyrat tek veshjet atëherë ngjyrat neutral janë ideale për ty dhe e kundërta. Në fotot e bashkangjitura do të shihni modelet më IN, të momentit.

Floridona Ademaj

Artikuj të ngjashëm Artikuj

Stili i nxehtë, që flet vetë

Mirëse vjen verë

Pak retro, shumë chic! Detajet marrin “pushtetin” në verë

Joni Peçi zbret Hënën e Tij në pasarelë

Me një veshje s’vjen PRANVERA!

NGROHTËSI dhe KOMODITET në këto ditë të ftohta dimri

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

Gjiri i Kakomesë, “Bukuroshja” e braktisur bëhet gati për TURIZËM

PROTESTA E MEMEVE TË TALLESH NË ZGRIPIN E PAMUNDËSISË

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?