Trendet që “luftojnë” të nxehtin

E bukura është relative, por nëse zgjidhni të keni prioritet rehatinë në këtë korrik ku i nxehti afrikan ka “pushtuar” vendin, keni bërë zgjedhjen e duhur. Vera i pranon të gjitha ngjyrat edhe pse në pasarelat e firmave më të mirënjohura na panë sytë më shumë ngjyrën e zezë, por nëse jeni të ekspozuar në diell, bëni mirë të vishni më shumë ngjyrat e hapura me në krye të bardhën. Unë të bardhën e përjashtoj vetëm tek rroba banjot, e sidomos në ditët e para që nuk ke marrë akoma ngjyrë, nëse keni pigmentin e një gjermaneje si unë p.r.sh… Ngjyrat e tokës janë idealet për një kimono për plazh, pasi mund t’i kombinoni më lehtë dhe janë një zgjedhje që shfaq një investim të lartë në outfitin tuaj. MOS HARRO, një kimono saten mund të zërë shumë pak vend në valixhe, por përdoret nga mëngjesi deri në mbrëmje, nëse e kombinoni mirë dhe nuk gaboni. Sandalet me thurje dhe takat “Kitten” e ndrisin veshjen tuaj, ndaj sigurohuni t’i keni një palë të tilla në garderobë. Thënë shkurt dhe shqip jemi në pikun e të nxehtit, ndaj veshjet së pari duhet të na shërbejnë të ndihemi mirë dhe më pas stil, kështu që përqafoni trendet dhe materialet që e “luftojnë të nxehtin dhe shijoni në maksimum çdo ditë të kësaj vere.

“Kryefjala Poplin”
Pantallonat e shkurtra me këmishën “Puplin” janë kthyer në “kryefjalën” e modës në
këto ditë të nxehta të korrikut. Pantallonat “Poplin” janë të dizejnuara për momente
rehati gjatë gjithë ditës dhe mund t’i vishni me këmishë në të njejtat kolore ose me një
bluzë oversize pambuku. Pantallonat ose kostumet “Poplin”, mund t’i kombinoni me
atlete kur pantallonat janë të shkurtra, ndërsa kur janë të gjata vishini me sandale dhe
do të dukeni akoma më elegante.