Siguria ushqimore, çfarë po ndryshon tek AKU

Nuk ka biznes që nuk e ka parë me frikë inspektorin e AKU kur troket në derën e biznesit për kontroll; shpesh, të kapur në gabim, ofrojnë rryshfet; të tjerë janë penalizuar vërtet; ka pasur edhe nga ata që “ia kanë hedhur pa u lagur”. Por që nga Janari i këtij viti, ky institucion, pas një analize të të dhënave të grupit të inspektimit, ka filluar praktikimin e një qasjeje të re, dhe ajo është: bashkëpunimi dhe ndërgjegjësimi për biznesin. A do të ketë sukses? Kjo do të shihet në vazhdim… Ushqimi dhe siguria ushqimore është fusha kryesore e prekshme nga opinioni publik, pse jo, me ndikim shumë të madh në jetën e qytetarëve. Ndaj, qeverisja, çdo lloj qeverisjeje, fokusohet maksimalisht te ky proces për rezultate të prekshme. Nuk do të kishte rezultate të prekshme nëse aktorët kryesorë të industrisë ushqimore, (shtet apo privat) nuk do të uleshin në tryeza të përbashkëta për të parë qëndrimet dhe për të ardhur në një emërues të përbashkët. Agjencia Kombëtare e Ushqimit (AKU) e aplikoi këtë tendencë të re marrëdhëniesh mes institucionit dhe industrisë ushqimore që në muajin janar të këtij viti. Kjo nuk ka të bëjë me ndryshimin e metodikës detyruese të zbatimit të ligjit Për Ushqimin, apo ligjit për AKU, apo shumë ligje të tjera që janë të lidhura me natyrën e punës së AKU. Por është fokusuar në një rijetësim të marrëdhënieve me biznesin ushqimor duke lënë përshtypje pozitive në perceptim, por edhe në zbatim. Duhet vlerësuar se për një dekadë AKU ka pasur shumë sfida, një ndër to edhe ajo e përmirësimit të menaxhimit nëpërmjet trajtimit të qartë të standarteve të punës që duhet të zbatohen nga shteti dhe privati. Niveli i sigurisë ushqimore, nuk është më një temë “tabu”, për të cilin flitet pak ose aspak; por siguria ushqimore, duke ndikuar drejtpërsëdrejti konsumatorin mbetet një objektiv gjithmonë “mbi tavolinë”, duke sfiduar ndërgjegjen qytetare si të konsumatorit, ashtu edhe punonjësve të shtetit. Në këtë marrëdhënie virtuale mes punës së AKU dhe gjykimit nga konsumatori, pika ku takohen ndergjegjet e tyre është dera e Operatorit të Biznesit Ushqimor. Pikërisht këtu, në habitatin e biznesit ushqimor, jeton edhe sfida e vazhdueshme e AKU, ku ka filluar të duket tendenca e një qasjeje të re, si nje ideim proaktiv i ndërtimit të një marrëdhenieje të munguar dhe po ashtu të kërkuar, të kërkuar nga ndërgjegja profesionale administrative, si një përmirësim menaxherial në vazhdimësi. Qasja e re e përdorur nga AKU ka të bëjë me “natyrën bashkëpunuese”, një element që duhet përshëndetur sepse deri më sot ka munguar në marrëdhëniet me biznesin. Fillohet me monitorimin, si detyrim ligjor i punës së entit inspektues e deri tek penalizimi, si hallka e fundit e zinxhirit. Por “bashkëpunimi” është kthyer në metodikën e re të përditshmërisë së punës së këtij institucioni me natyrë delikate: pra, Përfshirja dhe jo Përjashtimi. Eshtë evidentuar se bizneset janë dëmtuar më së shumti nga mungesa e këshillimit për të gjithë parametrat e punës. Gjetjet e trupave inspektuese të AKU në terren dhe në pikat e Inspektimit Kufitar, tregojnë mungesë informacioni ndaj, është parë e udhës që AKU të zbatojë metodologjinë me natyrë këshillimore. Kjo do të vihet në jetë edhe nëpërmjet hartimit të kopleteve këshilluese, narrative apo edhe të ilustruara, ashtu edhe sipas degëzimeve nënkategorike të biznesit ushqimor, qoftë fermer, prodhues, përpunues, magazinues, transportues apo tregtues. Pikërisht qasja këshillimore shërben edhe si një qasje qetësuese për biznesin, shërben si një garanci dhe mesazh ndaj biznesit se qëllimi primar i vendosjes së një raporti bashkëpunues me AKU do të ketë të bëjë me këshillime, sugjerime, mirëkuptime dhe rivendosje në afat të detyrimeve të paplotësuara të biznesit, mosplotësime që mund të kenë ardhur për shkak të padijenisë, keqkuptimit, moskuptimit, neglizhencës, faktorëve pengues nga jashtë vetë biznesit, etj. AKU nëpërmjet kësaj qasjeje të re synon të arrijë një cilësi produkti më të garantuar nga bizneset, për qytetarët. Edhe marrëdhënia shtet-privat do të karakterizohet nga një vetërrjedhje pa dredhime, pa përpjekje shmangjesh, ndërhyrjesh, apo debatesh dhe akuzash të panevojshme. Një pikë që po zbatohet në vazhdimësi është zhdukja e standarteve të dyfishta në trajtimin e biznesit, duke plotësuar boshllëkun që ka pasur ndër vite integriteti institucional i AKU. Kur biznesi has në sjellje institucionale me aplikim të standardeve të dyfishta, ai kthehet në një specie euforike duke dëmtuar veten dhe potencialin për zgjidhje përtej momentit të inspektimit, duke i mohuar vetes të drejtën e një ankimimi dinjitoz. Ky ka qenë një refren fatkeq në të kaluarën, fenomen që metodika e riformatuar e punës se AKU sot e eliminon automatikisht në partneritetin këshillimor që po vendos me biznesin. “Automatikisht” do të thotë që AKU nuk motivohet nga ethet e ndëshkimit që mund të aplikojë, nuk ka motiv pune penalizimet masive pa u ulur në tryezën e arsyetimit reciprok, nuk nxitet nga mundësia ndëshkuese e atij që bën ligjin në mënyrë të njëanshme. Përkundrazi, partneriteti me biznesin dhe përulja ndaj nevojës së çdo biznesi uushqimor për trajtim civil, me qëllim rregullimin e marrëdhënies së ardhshme, është lajtmotivi që shumëkush sheh sot tek ky institucion. Por AKU ka edhe një sfidë te re që i ka vendosur vetes. Është sfida e sugjerimeve nga biznesi, për përmirësime të kuadrit ligjor dhe praktikave të aplikuara, për nevojat që ata kanë në përcjelljen e shqetesimeve të veta. Prandaj AKU po ndërmerr nje sërë iniciativash bashkëpunimi bilateral mes shoqatave të biznesit dhe AKU, si edhe dhomave të tregtisë dhe AKU. Kjo metodikë do të avancojë shumë shpejt të gjitha ambiciet e biznesit ushqimor për të pasur një patner të vërtetë në përfaqësimin ekzekutiv dhe monitorues që bën AKU. Një tjetër sfidë, është edhe nxitja e edukimit tregtar të industrisë ushqimore, të praktikave të import-eksporteve, të praktikave tregtuese me pakicë, të menaxhimit të biznesit kulinar, etj. Kjo do të thotë që në fushatat e reja të ndërgjegjësimit AKU ka projektuar të trajtojë edhe nevojën e kerkesës nga vetë biznesi ushqimor për uebinare që mund të ofrohen nga ASPA (shkolla shqiptare e administratës publike) dhe të koordinohen me anëtarësinë e shoqatave te BU. Ideja është që dhomat e tregtisë dhe vetë shoqatat të draftojnë kompletet me nevojat e anëtarësisë së tyre (per antëtarët OBU) për arsimim profesional tregtar që më pas t’i kërkojë me ndrërmjetësim të AKU tek ASPA. AKU do të shërbejë si një filtër i kompleteve me kërkesa nga biznesi për t’u siguruar që të shmange mbivendosjet e axhendave te shoqatave të ndryshme, si edhe natyrën e uebinareve të kërkuara. Një edukim i vazhdueshëm i dhjetëra nën-kategorive të biznesit ushqimor do të lehtësonte, forconte dhe shpaloste shumë fort një avancim të menjëhershem të industrisë ushqimore në aspektet të cilat vetë biznesi i çmon si të nevojshme per t’iu nënshtruar një ndërhyrjeje arsimuese. Dhe përfitimi do të jetë multi-dimensional, si për cilësinë e produkteve, si për një garantim më të madh të sigurisë ushqimore. Mendësia dhe metodika e AKU ka hedhur tashmë automatikisht hapa drejt një perceptimi të ri mbi sigurinë ushqimore, perceptim që flet shumë edhe për vetë identitetin e ri të kombit, civilizimin e tij dhe përkatësinë në bashkësinë e vlerave kontinentale.

Siguria ushqimore, çfarë po ndryshon tek AKU

Nga Newsbomb.al

Artikuj të ngjashëm Artikuj

Vajzat e humbura

Nga Lindja drejt rrugëve shqiptare, si po ndryshon tregu i makinave në Shqipëri

Shëndetësia me kancer

Doktorë nën akuzë, Onkologjik pa ilaçe

Sezoni veror i “KAFE RIVIERËS”

Tymi që nxiu Vlorën

Artikujt më të lexuar

Zvërneci, investimi që do ndryshojë historinë e turizmit shqiptar

Përtej Zvërnecit

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Vajzat e humbura

Lufta me Bulevardin

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Gjiri i Kakomesë, “Bukuroshja” e braktisur bëhet gati për TURIZËM

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Siguria ushqimore, çfarë po ndryshon tek AKU

Nga Newsbomb.al

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?