Sezoni veror i “KAFE RIVIERËS”

Riviera, plazhet e saj, madhështia e peisazheve, aktivitetet turistike ndërthurur me harmoninë shpirtërore te pushuesve, çdo gjë që për tre muaj tejkaloi jo vetëm pritshmëritë, por edhe buxhetet verore të pothuaj kujtdo, ka rënë tashmë në qetësi. Një bilanc metafizik që vazhdon për inerci në mendjën e pushuesve tipikë shoqërohet me keqardhje për javët e bukura, por edhe me mirënjohje për ato javë, një paradoks i pranueshëm për të cilin nuk mendohen shumë edhe kur ditët e freskëta zëvendësojnë me shpejtësi kujtimet e bukura. Dhe gjithçka që u përjetua në “teatrin veror 2024” të rivierës, u dizenjua dhe montua përgjatë atyre javëve nëpër kafenetë dhe restorantet verore ku pushuesit pasionantë nuk rreshtën së ndryshuari planet e përditshme të së nesërmes dhe të javëve në vazhdim, me nxitimin e kapjes së çdo momenti që do të përputhej me imagjinatën e tyre. Bilanci? Pushimet fantastike edhe kur buxhetet nuk premtonin shumë, mbetën të atilla për shumë arsye, ku nga më kryesoret ishte qetësia mendore që diktonte një kulinari e thjeshtuar, por e garantuar nga vetë përvoja që shumëkush e konfirmonte qe në ditët e para të pushimeve. Por kjo nuk ishte rastësi për sa i përket atyre që ishin nën detyrimin dhe angazhimin për të krijuar atë siguri. “Rojtarët e Galaktikës” ushqimore, asaj hapsire që pushuesi e shoqëron me një një lloj stigme të së kaluarës, nuk ishin ata që sugjeronte e kaluara. Në përmendjen e disatë të angazhimeve të reja që tashme ka aplikuar AKU, nuk do ta ekzagjeronim nëse do të nënvizonim përkushtimin absolut të AKU që pushtoi Rrivierën me ideimin e ekipeve inspektuese, me synim monitorimin nën këndvështrimin e mentorit për cilesinë dhe sigurinë ushqimore përgjatë gjithë javëve, resorteve, plazheve të Rivierës shqiptare ku restorantet, marketet, kafenetë ishin një lloj zgjoi ku zukatja e mëngjesit kthehej në gumëzhitje pa fund gjatë gjithë ditës, pa pasur frikën e ndërprerjes së “koncertit” gumezhitës që krijonte klientela e kënaqur dhe mirënjohëse nga çdo aspekt cilësor i servirur me dinjitetin e gatuar në bashkëpunim me ekipet në fjalë. Diku ekziston një shprehje: “duhet një fshat i tërë për të rritur një fëmijë”. Analogjia e theksuar këtu në raport me “fëmijën” pushues, kur bëjmë bilancin metafizik dhe objektiv të sezonit, përputhet me përkushtimin “fshatçe” të biznesit ushqimor dhe ekipeve këshilluese të AKU në terren në këtë sezon veror të “Kafe Rivierës”. Sado “fëmijë” të jetë pushuesi, sado tekanjoze të jetë idea e tij për perfeksionin kulinar në turizëm, gjithçka që u përjetua rezultoi në fakt një “happy hour” pa mbarim dhe për këtë u sakrifikuan raportet biznes/inspektim, lodhje/mentorim, paragjykim/kënaqësi, skepticizëm/siguri. Të tëra në saj të përkushtimit me orare të tejzgjatura të të gjithë ekipeve që AKU autorizoi në terren. Nuk qenë të pakta momentet e konfuzionit që u krijuan nga lajme të papërgjegjshme, madje deri në pikën e “zhvarrosjes së lajmit të vdekur” kur nuk u gjet dot një lajm “i gjallë” që të përbaltte imazhin e përgjegjshmërisë së “AKU 2024” totalisht të reformuar, të pa-retushuar, të denjë për një reportazh, apo publicistikë me përmasa të një reportazhi post-kampionat futbolli europian. Nuk qenë të pakta rastet e “tymnajave te sajuara me shtëllunga avulli”, pikërisht sepse “lehtësia e padurueshme e qenies” ishte një fenomen që sipas makinistëve të avullores, me siguri do e kishte diku një pikë rëndese të padenjë, të kapshme, të cënueshme. Por ja që opinion publik nuk i hapi rrugën sharlatanizmit agresiv të specieve me rëndesë dinosaurësh që duan të tërheqin këdo poshtë në gropat e zeza të historise së vdekur bashkë me to. Opinioni publik nuk ringjalli ndonjë iluzion të humbur apo të harruar nëpër sirtare redaksish malinje, apo zyrash që gjoja përfaqësonin oborre protektoratesh të mandatuara, pikërisht sepse puna ekzemplare e entit që përgjigjet direkt për sigurinë ushqimore ishte e veshur me kundragazin e tymit helmatisës që pritej. Opinioni publik braktisi lehjen e vjetër e të lodhur të të gjithë ogurzinjve qe deri dje kishin manipuluar shikimin e tij. Dhe kjo braktisje nuk erdhi nga hiçi. Të gjithë e ndjemë prezencën miqësore të shtuar të këtyre “rojtarëvë të galaktikës” ushqimore si asnjeherë më parë. Dhe nuk ka nevojë të thurrim asnjë lavd, sepse të gjithë këtë vit dolëm nga “Kafe Riviera” shumë të kënaqur, te begenisur, të trajtuar, të ushqyer dhe të siguruar në çfarëdo që shijuam. Ka shumë shembuj konkretë, të prekshëm, të konfirmuar të rezonimit të opinionit dhe përvojës së publikut me moton tashmë të njohur të AKU-së së modernizuar në mënyrë të skajshme: informim-ndërgjegjësim-këshillim. Dhe pavarësisht tentativave për të helmuar këtë opinion me “cianurin e potasit” të sajuar në laboratorët gjobëvënës që ruajnë helmet e tyre në epruveta të cilësisë mediokre që thyhen me zhurmë të madhe, që thyhen me copa të mprehta prerëse, opinion i një publiku të ndërgjegjësuar maksimalisht, nuk i hapi rrugë mbylljes së “Kafe Rivierës”. Butaforia e skenës ku shfaqja verore e sigurisë ushqimore mori përmasa kombëtare, këtë sezon veror që sapo lamë pas, arriti statusin e një butaforie muzeale, të admirueshme dhe të prekshme pa pagesë, duke demonstruar dukshëm dhe bindshëm një dizenjim perfekt të çdo elementi përbërës apo udhëheqës të planit kombëtar të zbatimit të motos: #bashkë për sigurinë ushqimore.

Sezoni veror i “KAFE RIVIERËS”

Artikuj të ngjashëm Artikuj

Shëndetësia me kancer

Doktorë nën akuzë, Onkologjik pa ilaçe

Tymi që nxiu Vlorën

AKU – Një Rregullator i Kohezionit mes Biznesit Ushqimor dhe Konsumatorit

“Rilindja”, një histori suksesi nga Kavaja

Harroni ushqimet e skaduara, AKU në aksion për sezonin veror

Artikujt më të lexuar

Çfarë ka Akoma për Rozana RADIN!

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Një minoritet i braktisur rreth Buretos në Përmet

ERVIN SALIANJI, politikani që u “burgos” prej fjalës

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

KUR ARTISTI RRËFEN DHUNËN/ Serbia e ka humbur Kosovën që në 1989-ën

Kapodistria, kush ishte Gjon Gjika, presidenti i parë i Greqisë

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Sezoni veror i “KAFE RIVIERËS”

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?