Në fund të nëntorit 2013, këshilltari i kryeministrit shkon te drejtoria e Tatimeve dhe urdhëron drejtorin e IT Renald Rista të merrte të gjitha të dhënat e bizneseve. Siç thotë prokuroria në dokumentet e saj, Këshilltari i kryeministrit shoqërohej nga deputeti Spartak Braho. Ish-drejtori i IT së tatimeve refuzoi të jepte të dhënat që sipas tij ishin sensitive, por më pas u urdhërua nga Drejtoresha e Përgjithshme e Tatimeve. Çfarë hetoi prokuroria në dy vjet dhe çfarë nxorri në dritë? A pati ndonjë përgjegjës për zhdukjen e të dhënave nga sistemi për disa ditë me radhë? Hije dyshimi mbi urdhërat e dhënë dhe mundësia e vjedhjes së të dhënave të biznesit.
‘Newsbomb’ disponon të plotë çdo moment të asaj jave që shënoi skandalin, me orë, minuta, biseda, akuza, kundërakuza dhe deri në momentin kur policia shoqëron stafin prej 22 personash të drejtorisë së IT-së së këtij dikasterit. Aso kohe u pretendua se për më shumë se 5 ditë serverat nuk u ndezën për të shënuar asnjë veprim, fakt që prokuroria nuk e shënoi në vendimin e pushimit të saj të publikuar në fundin e tetorit të dy viteve pas shpërthimit të skandalit! Mediat arritën të merrnin pamjet filmike të hyrjes në ambientet e Tatimeve të deputetit Spartak Braho dhe të këshilltarit të kryeministrit Ermal Beqiri, por akuza nuk vërtetoi ndonjë shkelje me praninë e tyre në drejtori. Gjithçka u tha se nisi si një kontroll auditi, në krye të të cilit gjendeshin Ermal Beqiri dhe Panajot Gjiknuri. Prokuroria arriti të dokumentonte gjithë dinamikën e më shumë se një jave të përfshirjes së ‘grupit të auditit’, mbështetur nga drejtoresha e Tatimeve, Brisida Shehaj për të mundësuar klonimin e qindra mijëra të dhënash që gjendeshin në servera. Madje u pretenduan se këta servera u kopjuan dhe u çuan në një ambjent tjetër jashtë territorit të Tatimeve po prokuroria nuk ka mundur ta vërtetojë këtë gjë. Skandali u mbyll me pushim të procedimit dhe me faktin: Nuk kishte elementë të veprës penale!
Mbështetni autorët dhe abonohuni në përmbajtje
Këto artikuj janë premium. Zhbllokoji për të lexuar të gjithë artikullin.