Shopping (jo) nga e para…

Le ta nisim mbarë… Është dita e parë e një muaji të ri dhe mbi të gjitha e një viti të ri. Pra një mundësi e mirë për t’a filluar çdo gjë nga e para (në të gjitha drejtimet. Ja të ngre dorën kush e nisi palestrën)

Megjithëse kjo nuk vlen për garderobën tonë, sepse jo çdo vit ne duhet ta zbrasim atë për t’a rimodeluar nga fillimi. Jo për ndonjë gjë po nuk kemi ndonjë ndryshim të madh nga viti i kaluar ndaj dhe riciklimi i veshjeve mbetet ende një ide e mirë, (sidomos në këtë krizë ekonomike që na shfaqet jo vetëm në realitet por edhe në horoskop)… Megjithatë le të kthehemi tek stili sepse me këto propozime që do e fillojmë këtë editorial të parë të 2023-shit një pjesë e mirë e këtyre trendeve do të na shoqërojnë përgjatë gjithë vitit. Kështu që bëhuni gati të dukeni bukur edhe këtë vit…