Shkurt e shqip

Jemi në muajin më të shkurtër të vitit ku ditët nisin të zgjaten dhe çelja e mimozave na sinjalizon ardhjen e pranverës. Po bëhem nostalgjike tani se si mbaroi kaq shpejt dimri… Po bëhem nostalgjike për festat e dhjetorit, janarin me një mijë e një objektiva dhe shkurti që na “shkund” për mirë, sikur do të na thotë që shijojeni momentin, vishuni bukur dhe bëni kujtime për të cilat gjithmonë do të ndihemi krenarë se si e shpenzuat kohën tuaj, e shikoni se sa shpejt shkoi dimri?! Nga Sanremo tek Grammy 2024 ajo që na tërhoqi vëmendjen ishte Dua Lipa e veshur me silver dhe Miley Cyrus e veshur me gold, mesa duket stilistët më të mirënjohur kanë hequr dorë nga copat dhe kanë vendosur t’i veshin yjet e Hollivudit me shkëlqim, siç thotë edhe ish- presidenti Bamir Topi, me nota humori, “syze të shtrenjta që i shkojnë formatit tim”.

Le të kthehemi tek garderoba jonë me një mendim goxha frymëzues, që dita ditës do të kemi më shumë hapësirë për ta mirëorganizuar pasi dimri po shkon bashkë me valixhen gjigande me peliçe dhe xhupa… Ndaj shkurt e shqip përqafojini të mirat e mëdha të Shqipërisë së vogël dhe mbajini shënim ose screen :p disa ide se si të visheni bukur dhe me stil sigurisht <3