Shkodra e 1850-ës, mjeku italian që ndikoi te Pashko Vasa

Edward Lear në 1851 boton skicat e realizuara në Shqipëri. Përmes tyre, kemi të dhëna se kush ishin njerëzit që ndikuan më shumë në kryeqendrën e veriut të Shqipërisë. Si u lidhën mes tyre dhe me fatet e njëri-tjetrit, ndikimet që patën italianët në pjesën e të ashtuajturës Turqi Evropiane

Udhëtimi drejt së panjohurës në mesin e shekullit të XIX në botën kulturore britanike u kthye dalëngadalë nga një udhëtim për argëtim, në një domosdoshmëri për të mbledhur përvojë e fituar dije. Territori i së ashtëquajturës Turqi Evropiane, apo Lindje e Afërt, vazhdoi për një kohë të gjatë të grishte kureshtje dhe interes. Shpeshherë këto territore u panë drejtë për së drejtë si një vazhdim i Orientit që ndodhej shumë afër pothuajse tek pragu i derës, ku pas teksteve të hershme të Bajronit, Leak e Ulhart, nuk mungojnë të gjejnë pasqyrim dhe skicat e tablotë e ndryshme. Mes piktorëve të tjerë që ilustruan veprat voluminoze të udhëtarëve të mëparshëm britanikë që udhëtuan në Shqipëri ishte dhe Edward Lear (1812-1888), peizazhist, piktor dhe poet i periudhës Viktoriane në Britani. Përmes portreteve të pikturuara prej tij në Shkodër, arrijmë të gjurmojmë një seri personazhesh kulturorë dhe historikë të kryeqendrës së veriut së Shqipërisë.